زهد

Posted in Posted by Che Ahmad on Saturday, April 4, 2009 at 1:15 AM

fear album coverImage via Wikipedia


متعب جدا الشعور بالحاجة إلي الكلام والزهد فيه

النهاردة كنت بسمع من ناس كتير ... فعلا من ناس كتير واالله وفي حاجات كتير المفروض تتعمل قاعد بسمع وبألف ودن لكل واحد وكل واحد بسمعله اغلي عليا من نفسي ومش مضايق اني بسمعله علي الاطلاق وبحاول احل مشكلته او اساعده قد ما اقدر ، بس طب وبعدين

انا كمان ليا نفس احكي قصدي كان ليا نفس احكي او مكانش ليا نفس بس كان جوايا حاجة لأني احكي بس انا قاعد بسمع وبس مش لاقي وقت احكي لو لقيت ودن اتقيء فيها كلام محشور جوايا

الأيام دي دايما مش بلاقي كلام اقوله وكل لما اجي اكتب هنا الكلام كله بيروح وبحاول اجمع اللى اقوله او اللى كان نفسي اقوله ، مش معني كلامي اني مضايق اني بسمع لحد والله بالعكس بيبسطني اني اساعد حد بس بيضايقني وبالذات مني اني مش بحكي

النهاردة حد مش مهم هو مين بيقولي "والله اللي مطمني ان انت موجود " طب وانا مين يطمني !!؟؟

صحيح ... انا اقسمت انى مش حاكي اللى كنت عايز احكيه ... وبس

Reblog this post [with Zemanta]

Saturday, April 4, 2009