ههح

اعتذر مقدما لكل اللى هيقرا كلامي ويضايق
واعتذر مؤخرا لكل حد قولتله لا وقولتله كلام مليان امل لاني اكتشفت ان مفيش اصلا اي امل واللى كان جوايا خلص وانحسر وضاع
بعتذر لكل واحد قال عايز اسافر من البلد دي وقولتله لا خليك وما تستسلمش لاني انا اصلا مقدرتش اقاوم وبقول زيهم عايز اسافر
بجد بقيت مخنوق منها للأبد وعند اول فرصة ولاي مكان ف الدنيا هسيبها وهمشي ( ماعدا اسرائيل علشان الناس اللى بتقف ع الواحدة ) المهم بجد والله ف اي فرصة ممكنة للسفر والذهاب لأي حته هروح
حاليا انا مش منتظر الفرصة تيجي انا بدور اصلا علي مكان ينفع ادرس فيه برا المخروبة ومعنديش اي مشكلة ف انى اروح اي حته
ومحدش يكلمني عن الانتماء لاني اصلا فقدت الانتماء للمكان او حتى للناس انفسهم
مبقاش في حاجة مخلينا اتمسك بالبلد او البقاء فيها
ابسط حقوقي اني اختار القسم اللى ادرس فيه تم اغتصابها مني ف كليتنا المصون بسبب تحيز كل دكتور للقسم بتاعه والخلافات الشخصية بين الدكاترة
مش كفاية اصلا الكلية مش بتعلم حاجة لا كمان مش عيزينا نختار اقسامنا
بجد بقيت مش طايق اروح الكلية ومن ساعه ما قالوا كدا مش بفتح كتاب ( هو انا اصلا كنت بفتح كتاب قبل كدا ) ولا ليا نفس احضر محاضرات ولا سكاشن ولا اي حاجة ف الدنيا
وبجد نفسي الاقي اي فرصة لدراسة الكومبيوتر ساينس برا مصر واقدر استغلها بعيد عن البيروقراطية والمعوقات الكتير
دا مش السبب الوحيد علشان اقول عايز اهج علي فكرة
بس دا القشة التى قسمت ظهر البعير
البلد كلها بايظة وانا كل شوية اقول يا صبر
وتبوظ وانا اقول يا صبر ولكن هيهات الدنيا بايظة اصلا وانا صبري نفد

4 comments:

marmar said...

ايه ده يا معلم جيفارا

نفض يا عسل وان شاء الله تعمل اللى قلتلك عليه وتروح لعبد الهادى وهتحول غصب عن عين الكليه

وكفايه انى دعيتلك واتفائل بقى

وبنا معاك ان شاء الله

ahmedomar said...

ربنا معاك يا هيما

وان شاء الله هتعرف تحول


كلنا حسينا باللى انت حسيت بيه دة بس احنا عاوزين نهج من زمان واديك انضميت للفرقة اللى عاوزة تسيب كل حاجة هنا وتمشى مهما كانت الظروف

ربنا يستر

سهر الليالي said...

يارب يارب يارب
تعرف تحول لعلوم
وارجوك سيبك من فكره السفر دي خالص
لان يعني مش ينفع نتخيل الكليه من غير تشي
ولا مصر من غيرك هتبقي مصر
يارب يارب يارب مش تسافر خالص
فكر كويس يا أحمد
وربنا معاك

أحمد كمال said...

أنا متضايقتش من كلامك ده يا أحمد ، لكن اقرأ اللي كتبته عن نفس الموضوع ده علشان تعرف أنا حاسس بإيه بالضبط :
حنين للوطن
حنين للوطن 2

على فكرة عجبتني المقدمة ، أنا كمان باحب أفكر :)