حياة

مازالت الحياة تهوي الجلوس وحيدة ف الهواء الطلق ليلا

هم وانا

احتاج في هذه اللحظة بالذات ان اكتب عنهم
اصدقائي
اصدقائي ف الكلية وف المدينة الجامعيه بحاسبات الزقازيق والحاجة الوحيدة اللى مصبراني ع الكلية
هما عارفين جدا هما ايه
بس عايز اكتب عنهم كلهم
فهمي
كتبت قبل كدا عنه بوست كامل
مع انه بيعمل حاجات بتضايقني عن عمد وقصد لكن ماذا ينبغي ان افعل مع فتي الرزالة موهبة مكتسبة معاه كما التنفس باالنسبة إليه
بس بردو بحبه ومبسووووووووووووووط جدا انه مبسوط ;) ومعندوش جيش وعنده شقه والله يسهله ياااااااااااااااعم
عفشة
ذلك الشخص المفتري اللى معلم عليا ف وشي وتعوية الوش مفيهاش معلش
الواد دا بقي بضايق لانه مضايق اه والله وبضايق لما بضايق منه ودماغي مضدعه بسببه والتعويرة بتاعته معلمه عليا :((
سمييييييييييييييييييييييييرز
الولد دا بقي بقي يعني تحس انه محايد كدا
غالبا مش بيزعل رغم انى بطلع عليه اللى عفشة وفهمي الجزم بيعملوه فيا بس هو بيستحمل يعني
الواد رامي
الواد دا بقي بجد بجد جدع جداااااااااااااااااااااا فوق ما ممكن ح يتصور
بغض النظر عن ندالتي معاه بس هو كدع يعني وطيب جدا وعايز يتجوز وبردو معندوش جيش ومعرفش عنده شقه ولا لأ بس ابوه قاعد علي تل فلوس
نياهاهاهاهاهاهاهاها
صلاااااااااااااااااااااااح
دا بقي الجني اللى كان محبوس ف القمقم والمفروض لسه بيتعرف ع العالم الخارجي
وبردو محايد جدا وربنا يستر عليه منا وانا وهو عاملين تيم جامد ف البرو إيفليوشن سوكر

انا بقي
نسيت والله كنت عايز اقول ايه عندي بس كنت عايز اقول حاجة
ياللا مش مهم بقي

سلامز ;)
البوست دا فاضي
عايز اتنفس فيه شوية بس

وعجبي


يا مشرط الجراح أمانة علـــــــيك

و انت ف حشايا تبص من حواليــــك

فيه نقطة سوده في قلبي بدأت تبــان

شيلها كمان .. و الفضل يرجع إليك

يوم سعيد

ازيكم كلكم
عيد سعيد ع الدنيا كلها
امبارح قولت انى مش حاسس بطعم للعيد
النهاردة الصبح حسيت شوية بطعم العيد
صحيح راح بعدها بس عادي يعني عاش معايا شوية

النهاردة ايه بقي صحيت علي ستة ونص كدا واصلا كنت نايم خمسة ونص يعني قضيت ساعه نوم المهم صحيت اتوضيت ونزلت الجامع كانوا لسه بادئين صلاة .. لحقت معاهم الركعة الاولي والحمد لله المهم خلصت صلا وعيدت علي كل الناس اللى اعرفها هناك ، روحنا بقي البيت الكبير عند جدو والمفروض نستني الجزار .
الجزار اتأخر ربع ساعه كدا بابا قرر اننا مش هنستناه وهنعمل ايدينا ف " البقرة " ... ايه والله والمفروض اننا نتعامل بقي ، المهم بابا وعمي داخلوا الاوضة بتاعتها وربطوها من رجليها وراحوا ساحبينها برا في حته واسعه قدامها وراحوا مكملين ربط ف رجليها وقالوا هننيمها علي جنبها المهم هوووووووووووب ولقيتها ف الارض المهم اسند يا احمد علشان ما تقومش تاني روحت ساند فيها ، راح بابا منادي علي جدي واستل سكينا واعطاه ايه وقاله يجيب رقبة اللى جابوها وبسم الله ..... والدم ف كل حته المهم سبناها شوية علشان تجيب آخرها وانا واقف كدا جنبها المهم راحت هوب قايمة واقفة ومرمية ف الارض تاني حولتني من كائن أدمي لمصاص دماء الدم مغطيني من ساسي لراسي ( من اخمص قدمي حتى رأسي يعني ) المهم بقي الجزار ما جاش بردو بابا قال ما بدهاش نشتغل احنا فيها بقي ( ملحوظة : بابا عنده ادوات جزار كاملة وادوات كهربية كاملة وكل الادوات اللى ممكن تتخيلها ف الدنيا ) بابا وكل واحد من عمامي اخد سكينه واعملوا سكاينهم ف المسكينة ومثلوا بجثتها خير تمثيل وانا معاهم اكيد بس كمساعد يعني المهم قعدنا نشيل ونحط وقطعنا اللحمة ووزعنا وعملنا كل حاجة وخلصنا علي صلاة العصر كدا ودا كله والجزار لسه ما جاش ، حقيقة مش عارف لو كنا استنيناه كنا عملنا ايه ، بس كانت تجربه لذيذة واول مرة اتوسخ بالطريقة دي اصلا المهم اتغديت وروحت اخدت دش مضاعف ونمممممممممممممممممممممممممممممممممممممت لغاية الساعه تسعه
بعوض بقي بقالى يومين ما نمتش تقريبا ويوم الوقفة ما نمتش غير ساعه وروحت لعبت كورة وانا صايم وهلكت وكل عضلات جسمي ومفاصله بتوجعني اصلا اصلا اصلا اصلا ( بصبح يا سمير بس )
صحيت بقي علي تسعه كدا كيكو اتصل وقالى نروح عندهم ف المعهد ( عندهم معهد كومبيوتر ) ونزلنا الالعاب علي اجهزة المعمل وقضينها نت وورك ، لعبنا شوية ميدل اوف اونر وغالب ومغلوب ونروح ونيجي واللعبة لمن لا يعلم عبارة عن شخص بسلاح وكل واحد معاه الشخصية بتاعه وبيختار السلاح بتاعه ما بين رشاش وسنيبر ( قناص يعني ) وشوت جان واخيرا البازوكا او الار بي جي المهم انا استاذ سنيبر وبازوكا وشوت جان تقولي رشاش اقولك مليش فيه المهم شوية وقالوا عايزين نلعب إيدج اوف إمبايرس ( عصر الامبراطوريات ) وعملنا فريقين :
كيكو وانا وسبييييييييييد ف فريق
وفيرس واحمد جمال ومحمد سعد ف فريق تاني
كان واحد من اروع الباتلز اللى لعبتها تقريبا
عملت جيم راااااااااااااائع بمعني الكلمة لعبنا جيم واحد 3 ساعات وشوية وظبتهم واجهزت عليهم جمييييييييييييييعا وخرجت فعلا منتشي ظبتهم خير تظبيط علي الاطلاق
وكمان قابلت محمد فايز واحد من اعز الاصدقاء وكان بقالى كتير ما شوفتوش وكويس انى عيدت عليه
رجعت بيتنا كدا الساعه واحدة ونص بقي واديني قاعد بزهقكوا ف عيشتكوا ببوستاتي بس انا عارف ان قلبوكوا ابيض وهتستحملوني
المهم بقي اني بجد النهاردة مبسوط
----------------------------------------
ع الهامش
اسف علشان عملت التعليقات للمسجلين تبع جوجل او اوبن اي دي بس الغير معرف اللى لف ع المدونة دي وفورمالين وعلق على كل البوستات ، مش مضايق انه علق علي الاطلاق يعني ، بس معرفش جالي احساس انى اعرف الشخص اللى علق كويس وكنت افضل اوي انه يعلق باسمه
سوري جدا يا جماعه لو الحركة دي ضايقت حد بس انا فعلا بقيت مش بحب الغير معرف ويا ريت محدش يزعل من كدا ومش هيضر حد يعلق باسمه
الاكيد انى ما سمحتش للموقف دا يضايقني ولا يبوظ فرحتي باليوم

ياللا
كل عيد وانتوا احسن ناس ف الدنيا
كل عيد وربنا محقق لكل واحد حلمه
كل عيد وكلنا اجمل واحسن
كل سنة وكل حد ف كل حته علي كوكبي الارض والمريخ ( وعلي المقيمين خارجهم مراعاة فروق التوقيت ) بخير وسلامة وحب وكل حاجة حلوة

:)

انت عارف كويس اني زعلان منك
بس مكانش يعنفع يجي العيد وما اعيدش عليك
سمير
كل سنة وانت طيب واحسن من قبل كدا وبالك مرتاح وحاجات تاني حلوة كتير :)

!!!!

شوية كلام عايز اقولهم
من زمان وانا بطلت اجيب هدوم جديدة ف العيد
زمان وانا صغير كنت بقول انا عايز السنة الجاية ما اجيبش هدوم جديدة ف العيد
علشان الناس الكبيرة بيعيدوا بهدومهم العادية
من زمان حققت امنيتي وبطلت اجيب هدوم العيد
مش علشان اكون بقدر ما علشان التعامل مع العيد بالنسبة ليا بقي زي اي يوم
زي اي اجازة ف السنة ، عيد الجلاء ، تحرير سينا ، اكتوبر زي ايام الخميس والجمع ف الاسبوع اللى برجع واقعد فيهم ع النت والعب فيفا واتفرج علي فيلم جديد او حتى قديم ( زى ما عملت المرة دي لما سمعت ذا جود فازر ترولوجي ) بقي العيد مجرد وقت فراغ اخري يتمني أن نملأه بأي أشياء تافهه أخري لتمر ايام ... أخري
كان في كلام تاني بس مخنوق ومش عايز اقول حاجة تاني

غير المحطة


شوف يا إبني إنت و هي.
أنا كانت عندي بوادر عقدة نفسية عشان كل مأقرأ المدونات المصرية ألاقي تعذيب و تحرش و إعتصامات و محاكم و بلاوي سودة.
و بعد كده لما شاركت في جلوبال فويسز لاقيت نفسي مطالب بإنتقاء تدوينات كل فترة لكي أترجمها للغة الإنجليزية حتى يقرأها العالم. و هنا إتحولت العقدة إلى عقدة و شنيطة و كان شبه مستحيل إني ألاقي في وسط هذا الكم من السواد بصيص أمل يحسس الناس إن مصر برضه بلد حلوة مش مستنقع.
عشان كده إتناقشت مع بعض المدوناتية أصدقائي و إتفقنا نخلي ولو يوم واحد كل شهر ننقل فيه حاجات كويسة في بلدنا للناس.
مش شرط تكون كتابات, ممكن صور أو رسومات أو بلوجات صوتية أو أي حاجة.
يوم واحد كل شهر نغير فيه المحطة السودة و نروح لتردد أكثر بياضا.

المهم الحملة ديه إتفقنا نسميها
غيَر المحطة
و حاتكون في اليوم إل رقمه زي رقم الشهر
يعني واحد يناير و إتنين فبراير و تلاته مارس لحد إتناشر ديسمبر
و ده اللوجو بتاع الحملة لو عايزين تحطوه في مدوناتكو



و ديه نسخة أصغر شوية من اللوجو

و بالمناسبة لو حد مش عاجبه اللوجو يألف لوجو جديد للحملة براحته مفيش مشكلة
المهم الفكرة

موعدنا يوم واحد يناير القادم


ودا كود للوجو اللى انا عامله عندي ع البلوج ومساحته 190*310


لن اعود

بين السماء وفيء عينيه الغد
وجنون قلب عاشق والموعد
ومسافة من لهفة وتشرد
ومسافر في زرقة.. ما همه
اغتيل منديل أو انتحرت يد

أنا شئت أرحل.. لن أعود إلى سراب
وأهيم في دنياي احترف الغياب
أحرقت دمعة ذكرياتي
حطمت سجني والقيود
من قال إني قد أعود
وأبيع ثانية حياتي
وحياته.. أنا لن اعود
اغتيل منديل أو انتحرت يد

ما كان كان.. وليس لي إلا غدي
تبنيه آمالي الكبار
ما كان كان.. فيا حياة تمردي
وتجددي نوراً ونار
أنا شئت أرحل حسبكم أمس مضى
فإذا حزنتم غاب حزني وانقضى
وإذا بكيتم سُرّ في وجهي الرضى
أنا لن أعود
اغتيل منديل أو انتحرت يد
لن أعود - ماجدة الرومي
كلمات : حبيب يونس
ألحان : جمال سلام

عقبال عندكوا

يا دبلة الخطوبة عقبالنا كلنا
صباحو افراح يا فهمي
لوللولولولولولييييييييي

لذيذ

بيفكرني بشيكولاته جالاكسي
ديزاين البلوج الجديد

أمممممممممممممم لذيذ

يمكن

يمكن كلمة واحدة
تنهي كل الحكاية
يمكن لحظة واحدة
تبقي مش معايا

هبقي ف بلاد بعيدة
وانتى فبلاد بعيدة
ينزل ستار ما بينا
علي كلمة النهاية

يمكن كلمه واحده ...
آاااااه آاااااااااااااااه
آااااااااااااااااااه آاااااااااااااااه

محتاجلك ايوة عارف
وانتى فرحة سنيني
لو سهل تسيبي قلبي
مش أسهل تفهميني
هبقي ف بلاد بعيدة
وانتى فبلاد بعيدة
ينزل ستار ما بينا
علي كلمة النهاية

يمكن كلمه واحده ...
محتاجلك ايوة عارف
وانتى فرحة سنيني
لو سهل تسيبي قلبي
مش أسهل تفهميني
هبقي ف بلاد بعيدة
وانتى فبلاد بعيدة
ينزل ستار ما بينا
علي كلمة النهاية
يمكن كلمة واحدة
تنهي كل الحكاية
يمكن لحظة واحدة
تبقي مش معايا

 يمكن - وسط البلد

الواد ابني

الواد ابنى
أبو لسان طويل
قاللى يعنى يا بابا
سافرت واتغربت
مشوار طويل
وف الآخر راجع
فى شارع
متفرع من شارع
وشقة
فى الدور الرابع
ودولار
نازل طالع
شوية هدوم وحاجات
دكان مستنى التراخيص
ومكنسة على خلاط
وكمبيوتر مش نافع
م الآخر
معرفتش تتصرف
مقدرتش تقول لأ
مش مسافر
من إيه الكحة دى يا بابا؟
دى برد
واللا عمر
واللا سجاير
عارف يا بابا
أنا بقالى أد إيه بستناك
إيه يا بابا
إنت بتعيط
ده أنا كنت بهزر معاك
بهزر معاك
الواد ابني - علي سلامة - المصري اليوم - امبارح 

أهو دا اللى صار

اهو ده اللي صار
وادي اللي كان
ملكش حق 
ملكش حق تلوم عليا
تلوم عليا ازاي يا سيدنا
وخير بلدنا مهوش في ايدنا
تلوم عليا ازاي يا سيدنا
وخير بلدنا مهوش في ايدنا
قولي عن اشياء تفيدنا
و بعدها بقي لوم عليا
اهو ده اللي صار
وادي اللي كان
ملكش حق
ملكش حق تلوم عليا
مصر يا ام العجايب
شعبك اصيل والخصم عايب
خلي بالك من الحبايب
دولا انصار القضيه
اهو ده اللي صار
وادي اللي كان
ملكش حق
ملكش حق تلوم عليا
وبدال ما يشمت فينا حاسد
ايدك في ايدي وقوم نجاهد
واحنا نبقي الكل واحد
والايادي تصير قويه
اهو ده اللي صار
وادي اللي كان
ملكش حق
ملكش حق تلوم عليا
سيد درويش 
بجد فى مشكلة

تعااااااااااااااااااااااااااااااااااااااااااااالي


تعااااااااااااااااااااااااااااااااااااااااااااالي
مقفوووووووووووووووووول

كدا والسلام بردو

مش عارف ليه العرب زمان كانوا اغبيا
كانوا بيوأدوا البنات ليه
كانوا الاسهل علمونا ازاي نوأد قلوبنا احنا معشر الرجال



------------------------
وبردو من غير تعليقات

كدا والسلام

النهاردة
حوالي الساعه سبعه كدا
كنت قاعد علي كورنيش الملك الصالح
زي طفل صغير بهز رجليا
بجد كان شكلي طفولي للغاية
وماسك كتاب سراج بتاع رضوي عاشور
كنت مستني ايه بقي
عربية بيجرها حصانين
نازله م السما
وعليها سندريلا
واحضنها وتحضني
وبس كدا
هو في اجمل من ان سندريلتك الخاصة تبقي ف حضنك

سيبك
كلمتين كنت عايز اقولهم ومن غير تعليقات بالصلاة علي النبي كدا

بـــــــــراح


الشعر المحبوس ف العيون
وشعر الغجرية المجنون
والنفس ع الحبيب بتهون
والليل المليان بالمجون
كله بيطلب السماح
نفسه ف حته براح
زي طير السما مرتاح
لكنه خايف م الجراح
باصص لفوق للسما
بيسأل مين أنا
لكن حياة العنا
ما رضيالوش الهنا
طالب بالليل نور
بس الليل مقهور
علشان يجيب النور
محتاج ورق ممهور
الحب ف القلوب
الحب بلا ذنوب
الحب يبدر الحبوب
للناس لأجل تتوب
العيون ملاياها الدموع
تايهه وسط الجموع
والدمع يهد القلوع 
وصوت البكا مسموع
قلوبنا وحيدة وتعبانين
كما النجوم تايهين
ف الدنيا حيرانين
للحبيب مش واصلين

----------------------------
كتبتها ف امتحان الأم أي أس اللي ما حليتش فيه بربع جنية مخروم حتى ولا بريزة من الفضة الصغيرة الجديدة دي
بس كدا

مصر فى خمسين عام

من حوالي خمسي عام كتب نزار قباني

 بلادٌ .. بدون بلاد

فأين مكان القصيدة
بين الحصار, وبين الحصار؟
كأن الكتابة في مدن الملح
فعل انتحار..
بلادٌ..
تحاول أشجارها
من اليأس,
أن تتوسل تأشيرةً للسفر..
بلادٌ..
تخاف على نفسها من قصيدة شعرٍ..
ومن قمر الليل,
حين يمشط شعر المساء
وتخشى على أمنها
من بريد الهوى..
وعيون النساء..


وفى الالفية دي كتب علي سلامة

على باب سفاره كندا
لمحت أبليس وف أيده
أستماره
بقوله على فين
قالى بص
يا هجره يا أعاره
يا عم كفرت زهقت
ألاقيش معاك سيجاره
أنا أنتهيت خلاص
لا نافع وسواس ولاخناس
ولا ليا عيش وسطالناس
دى عالم مجرمين
عندكوا فائض ف الفساد
فى كل البلاد
ومش محتاجين شياطين
مليش عيش ف البلد دى
بقالى سنين عاطل
وأنتوا بتعرفوا تقلبوا الحق باطل
وتسلكوا القاتل
وتمشوا ف جنازه المقتول
ومفيش مشاكل
يا عم ده أنا بقيت أوسوس
بالمقلوب
وأقول للحرامى كفايه بقىتـــوب
أنت هتعمل كل الذنوب
لوحدك
وأنا أبليس أشتغل واعظ ولا كمسارى ف أتوبيس
يا عم دا أنا زمان كنت أستنى حد ينسى يسمى
وهو بيأكل لقمته
دلوقتى كل أكلكم ملوث
وبصراحه الواحد خايف على صحته
ده مفيش ضمير أساسا
علشان أموته
كل واحد بمزاجه خربانه ذمته
يا عم دا كل حاجه أتسرقت
وكده الأجيال الجديده من الحراميه
... أتظلمت
يا راجل دا من كتر ما لطشت معايا
خرجت ف مظـــاهره مع الناس اللى بتقول كفايه
!!وبرضـــه مفيش فايــــده
زمان كان بس الشجر نفسه يسيب البلد ويمشي من زهقه وإبليس شغال الله ينور علشان في ناس نضيفة عايز يفسدها
دلوقتي ابليس نفسه طهق وما بقالوش عيش فى ام البلد بتاعتنا دي
هي دي مصر اللى بتتقدم بينا في خمسين سنة  فاتوا

مــــــــــــــــــــــــــــاري

- آسف "ماري"، لو العالم كله صادق زي عينيك كنت هبقى دايما سعيد، للأسف حاجات كتير قوي في حياتنا بقت غلط، و أنا بشر، كتير بازهق و اسأل نفسي، فيه نتيجة للكلام و لا لأ؟ هييجي يوم و الناس تشوف الحق حق و الباطل باطل؟ و لا هتفضل حياتنا مرهونة لكلاب الدهب و الكرباج؟ آخر المطاف هيكون ظلمة المسيخ الدجال و لا نور مملكة المسيح؟
**************************************

- مابحبش الحروب، لكن مضطر أقول أهلا بالمعارك،، علشان كرهي للحال المايل و الغباء أكتر، أقدر على الحرب و أجيدها جايز، بس باكرهها، الحرب تخرج أسوأ ما فينا، و الحب ينبت أجمل ما فينا، و يوم بعد يوم .. الحروب تزيد و الحب يقل، يبقى إيه المصير غير قبح بلا حدود؟
قالها و هو شاخص ببصره لسماء الصبح الصافية، فلم يشعر إلا و "ماري" واقفة بجوار كرسيه، ثم مدت يديها فضمت رأسه لصدرها بحنان، انتابته قشعريرة من المفاجأة و ارتبك للحظة، ثم ما لبث أن أغمض عينيه، في لحظة لا يستطيع أن يحصي كم تمناها و كم انتظرها
كل هذه السنوات أحلم بأن تتجسد فيك أمي، "الخيزران" الرائعة، فتغمرني بأمواج الحنان في صدرها، انتظرتك طويلا يا "ماري"، و اشتقتك مرفأً آمناً وسط عباب الحياة، اشتقت معك لحظة سكون .. سكون، ما أغربنا نحن البشر؟ ننتظر لحظة بعينها ألف يوم، و نتخيل كل يوم ماذا سنفعل حين تأتي، و حين تأتي اللحظة و يصبح الخيال حقيقة .. لا نفعل شيئاً، تماماً كما أنا الآن، و ماذا عساي أفعل يا فتنة عمري؟ ماذا أملك يا خاتمة النساء؟ هل أشكر القلب الذي أعلن احتجاجه على طول الحرمان بقصور شريانه فاقتربت؟ آه يا مليكتي، في أنواء هذا الكون كم أحتاج إليك؟ طفل عنيد أنا يا حبيبتي، يرفض أن يلوثه زمن قبيح، و لكن أي طفل مهما بلغ عناده يحتاج لدفأ أمه في آخر اليوم، ليستطيع النوم دون أن تفسد الأحلام و الهموم نومه!
مقاطع هي الاقرب لقلبي

حياة موت

في بلادنا ... يحيا الموت ، لا يغرنك تناقض الكلمات فـ حين تنتهي الحياة يأتي الموت ، لكننا .... في بلادنا ، ابتدعنا للموت حياة ينادي بيننا .... كل يوم هل من آت معي فاصطحبه من كان منكم آت فليختر طريقه إلي !! ، هل غابت عنا تلك النكتة المبكية المضحكة عن الموت في مصر (1) ... إذا أردت الموت غريقا فلتفعل كذا وإن أردت الموت حريقا فلتذهب إلي كذا .... وهكذا من طرق للموت كثيرة .
إن كان لإبليس أن يغادرنا علي باب سفارة كندا (2) فإن الموت قد حل عنه بديلا مقيما متعدد الاختيارات ولك وحدك حق اختيار ، إن كان إبليس قد تركنا لعموم فسادناوزيادته عن احتماله هو رأس الفساد ، فإن حلول الموت جاء بسبب رضانا عن هذا الفساد ، واستكاننا إليه ، وتأقملنا معه ، واعتباره فرضا إلهيًا لا يرد أبدًا .
نحن - في بلادنا - نحيا ف الموت ونموت ... فنزيده حياة ، حين نموت نأقلم انفسناعلي تقبل الكوارث ، علي تقبل اختيارًا جديدًا من خيارات الموت العديدة أصلا، ليس المؤسف تقبلنا للأمر وفقط ، لكن المؤسف - حقًا - أننا تفننا ف ابتداع واختيار أشكال للموت جديدة ، طرح هو خياراته لنختار .... فزدناه نحن الخيارات ، حل علينا الموت ضيفًا فأكرمناه ، زاد ظله ، بدل استثقاله دعونا .. رحبناه .. واحتفينا به .
أصبحنا نلعن الفساد ف المساء وف الصباح نتمرغ فيه ونشربه كأسًا حتى الثمالة ، نبغض الموت دوما وف الليل - ليس فقط ف الليل - نبتدع أسبابه ونفكر له ف خيار جديد .

يا الله ... لم الحياة تلفظنا .... كأنا يومًا لم نكن ... أبناء الحياة

1- نكتة عن الموت ف مصر من هنا
2- قصيدة علي باب سفارة كندا للرائع علي سلامة من هنا
انا محتاج براااااااااااااااااااااااااااااااااااااااااااااااااااااااااااااااح
the countdown has begun

يمكن

 
أسكن بيوت الفرح .. آه مُمْـكِن
أسكن بيوت الحزن .. لا يُمْـكِن
ومستحيل يا حزن راح تسكن
قِدِرالزمان يفهمنا .. آه .. يمكن
شكـِّلني بطعم الأفراح
لوِّني بلون التفاح
وبطعم المنجَه
وكمنجَه
تعزف لي ع الجرح أرتاح .. يمكن
مشيني على كفوف الراح
نسِّيني لو حلم وراح
واشمعنى
المعنى
بيعرفني لو باتت في قلوبنا جراح .. يمكن

كلمات : مجدي نجيب
غناء : محمد منير
ألحان : وجيه عزيز

ههح

اعتذر مقدما لكل اللى هيقرا كلامي ويضايق
واعتذر مؤخرا لكل حد قولتله لا وقولتله كلام مليان امل لاني اكتشفت ان مفيش اصلا اي امل واللى كان جوايا خلص وانحسر وضاع
بعتذر لكل واحد قال عايز اسافر من البلد دي وقولتله لا خليك وما تستسلمش لاني انا اصلا مقدرتش اقاوم وبقول زيهم عايز اسافر
بجد بقيت مخنوق منها للأبد وعند اول فرصة ولاي مكان ف الدنيا هسيبها وهمشي ( ماعدا اسرائيل علشان الناس اللى بتقف ع الواحدة ) المهم بجد والله ف اي فرصة ممكنة للسفر والذهاب لأي حته هروح
حاليا انا مش منتظر الفرصة تيجي انا بدور اصلا علي مكان ينفع ادرس فيه برا المخروبة ومعنديش اي مشكلة ف انى اروح اي حته
ومحدش يكلمني عن الانتماء لاني اصلا فقدت الانتماء للمكان او حتى للناس انفسهم
مبقاش في حاجة مخلينا اتمسك بالبلد او البقاء فيها
ابسط حقوقي اني اختار القسم اللى ادرس فيه تم اغتصابها مني ف كليتنا المصون بسبب تحيز كل دكتور للقسم بتاعه والخلافات الشخصية بين الدكاترة
مش كفاية اصلا الكلية مش بتعلم حاجة لا كمان مش عيزينا نختار اقسامنا
بجد بقيت مش طايق اروح الكلية ومن ساعه ما قالوا كدا مش بفتح كتاب ( هو انا اصلا كنت بفتح كتاب قبل كدا ) ولا ليا نفس احضر محاضرات ولا سكاشن ولا اي حاجة ف الدنيا
وبجد نفسي الاقي اي فرصة لدراسة الكومبيوتر ساينس برا مصر واقدر استغلها بعيد عن البيروقراطية والمعوقات الكتير
دا مش السبب الوحيد علشان اقول عايز اهج علي فكرة
بس دا القشة التى قسمت ظهر البعير
البلد كلها بايظة وانا كل شوية اقول يا صبر
وتبوظ وانا اقول يا صبر ولكن هيهات الدنيا بايظة اصلا وانا صبري نفد

الكارينا .... ولنا فيها رأي أخر

النهاردة جاي اكتب عن الابتذال والمشهد اللى شوفته النهاردة رايحين جايين راييحين جايين بملابس اقل ما يقال عنها مبتذله ومينفعش حد محترم يلبسها وعلق عليها اللى كانوا واقفين معايا
علي فكرة عمر الهدوم ما كانت جذابة لشخص وبتكسب البنت نظرة غير محترمة ليها 
معتقدش ليها لازمة بس كل واحد حر يعمل اللى هو عايزه وعقلك ف راسك تعرف خلاص
دا كان بس من باب اللهم هل بلغت اللهم فأشهد
---------------------------------------------------

بس سيبك انا ف الاصل كنت جاي علشان اكتب عن حاجة مهمة جدا
مرة زمان ف تيت قبل ما يدمجوا كل الايتمز ف بلاير واحد
المهم كان ايتم عن الكارينا وانتشار الكارينا وجمال الكارينا
المهم بقي ايه
الشتا دخل
وحصل نقص شديد ف الكارينا
فأنا وفهمي وسمير كنا قاعدين بنفكر ف مشروع التخرج اللى لسه السنة الجاية ف الكلية اللى شكلي هحول اصلا اصلا منها
المهم بقي قولنا ايه
البنات بيحبوا الكارينا .... طبعا أكيد وإلا ما كانتش باعت 50 مليون قطعة ف مصر السنة اللى فاتت
والولاد بيحبوا الكارينا ... وإلا ما كاناش شوفنا حملات احترم نفسك وضد التحرش
واسهامنا منا ف إسعاد الشعب المصري وتوفير احتياجاته قررنا يكون مشروع تخرجنا عن ايييييييييييييييييه
اييييييييييييييييييييييه
قولتولي ايه
عن ازاى نعمل كارينا للشتا
تكون خفيفة زي الهوا وتدفي زي النار
علشان الواحدة تمشي مبسوطة بنفسها كدا ودفيانه كمان وتفضل دايما تحب الكارينا والكارينا تبقي صيف وشتا او شتا وصيف ايهما اصح
والولاد كمان يعيشوا حياتهم صيف وشتا وما يقضوش الشتا ف كبت كبيت يدمر مستقبل البلد
هذا وبالله التوفيق 

كدا والسلام

مش عارف انا كنت جاي اكتب والله
كنت ناوي اكتب حياة موت بس مش رايق ودماغي مش متظبط
وعايز اغير الديزاين وعايز ارحل إلى حياة اخري غير حياتي الحالية
عايز اشوف ناس غير الناس ودنيا غير الدنيا
او كما قالت نيرة وشوش غير الوشوش

الاسبرانتو

الاسبرانتو
تعرف معني الكلمة " الاسبرانتو " اغلب المصريين والعرب عموما ما سمعوش عن الكلمة وما يعرفوش هي تعني أيه من الأصل والكلمة عبارة اسم للغة عالمية جديدة بالنسبة لينا في الوطن العربي تماما ولكنها بدأت الانتشار في مختلف أنحاء العالم في الفترة الأخيرة وبدأ تدريسها في بعض جامعات أوروبا وأسيا وأمريكا وأستراليا أو بمعني أخر بدأت تدريسها في العالم عدا أفريقيا بالكامل وأمريكا الجنوبية وبعض مناطق من أسيا وتشمل المنطقة العربية .

الاسبرنتو بيتوقع ليها إنها تكون اللغة العالمية الأكثر في العالم في غضون العشرين عاما المقبلة واللغة دي في الأصل اخترعها لودفيج أليعازر زامنهوف في أواخر القرن قبل الماضي وتحديدا في عام 1887 لكنه أصلا انه بدأ فيها في أواخر السبعينيات وبدايات الثمانينات واستمر في تطوير اللغة لمدة حوالي عشر سنوات تقريبا وبدأ في نشرها في سنة 1887 وبدأ عدد الناس المتحدثين بيها حول العالم يزبد باطراد يوحي بنجاح اللغة دي واللغة دي أصلا ميزتها البساطة في كلماتها والقواعد السهلة جدا بتاعتها واللي ما بتحتويش على أي شواذ ودا اللي بيسهل استخدام اللغة وتعلمها واللي بيقدر الوقت المطلوب لتعلم لغة الاسبرانتو بـ 3 أشهر فقط وهو زمن قياسي مقارنة بأي لغة أخري واللي بيحتاج تعلمها لأكتر من 3 سنين .


زاد عدد متحدثي لغة الاسبرانتو بسرعة كبيرة لسهولتها المطلقة وفي سنة 1905 عمل متحدثي اللغة حول العالم أول كونجرس لهم وكان في فرنسا واستمر الكونجرس سنويا ماعدا سنوات الحربين العالميتين وكان عدد اللي بيحضر الكونجرس 2000 أو 3000 شخص ولكنهم كانوا أوقات بيزيدوا ل6000 شخص .


التفكير فى الاسبرانتو كلغة دولية لا تخص دولة بذاتها نبع من الحساسيات بين القوميات فالفرنسي مثلا معتز بلغته و مش عايز يتعلم انجليزي او يتعامل بيه مع الناس وعايز يتعامل بالفرنسية ، والايطالي كذلك ( العرب مش كدا كأنهم نسوا لغتهم اصلا ) والصينين بردوا مش عايزين يتعاملوا مع الانجليزية كلغة عالمية وعلشان إزالة الحساسيات دي وإيجاد لغه يجتمع الكل عليها وما تكونش تنتمي للأمة معينه أو دولة أو شعب بعينه وعلشان كدا بدأت عالمية اللغة تزيد وبيتوقع ليها العلماء انها تكون اللغه الاولي فى العالم فى سنة 2020 ولو حبينا نعدد ميزات الاسبرانتو كلغة :


1- عالمية : عن طريقها يقدر الاشخاص من مختلف القوميات التعامل مع بعض


2-محايدة : يعني ما تنتميش للشعب او دولة محددة .


3- سهله : بالنسبة لبقية لغات العالم الاسبرانتو سهله جدا فى تعلمها وسهولتها بتكون تقريبا بنسبة 8.33 % لبقية اللغات


ولعل واحدة من اهم الحاجات اللى ادت لأنتشار الاسبرانتو كمان هى الهدف الرئيسي والفكرة الرئيسية ليها كلغة وهو التسامح واحترام الناس من مختلف الامم والثقافات والاسبرنتو فى الاصل تعني " الدكتور اللذي يتمني " وكان يطلق عليها الدكتور اسبرانتو لكن تم اختصار الاسم للأسم المعروفة بيه اللغة دلوقتى حول العالم وهو الاسبرانتو ، والاسبرانتو ليها رمز هو النجمة الخضراء وعن رمزية الشعار فاللون الاخضر يرمز للأمل أما اللنجمه خماسية الاطراف فهي بتعني قارات العالم الخمسة .
لو حبينا نتكلم عن حروف وتكوين اللغة
لغة الاسبرانتو حروفها لاتينيه فى الاصل وبتتكون من 28 حرف هما حروف اللغه الانجليزية ماعدا حرف
" q "
وبعض الحروف مكرره مع " أكسون " فوقها وطبعا بيختلف النطق بين الحرفين ، الاسماء فى لغه الاسبرانتو كلها بتنتهي بالحرف
" o "
الجمع كله فى اللغه بينتهي بالحرف
" j"
وبيضاف حرف
" n "
أما الصفات فبتنتهي بالحرف
" a "
واكتر حاجة بتميز الاسبرانتو كلغة عدم وجود شواذ فيها يعني القاعدة على الكل
ولو بصينا للأفعال مثلا هنلاقي ان الفعل فى المصدر بينتهي بالحرف
" i "
الأفعال بصيغة المضارع تنتهي دائماً ب
" as "
و بصيغة الماضي بـ
" is "

أما صيغة المستقبل فتنتهي بـ
" os "
أما الظروف فى اللغة فهي نفس صورة الصفات لكن مع تبديل حرف
" a "
بحرف
" e "
ومن الاسباب المهمة اللى علشانها لازم نبدأ نتعلم الاسبرانتو بخلاف انها متوقع انها تكون قريب جدا اللغه العالمية الاولي :
سهوله الحصول على معلومات حول اي من القضايا الدولية ، وكمان الإطلاع على ثقافات دول وشعوب تانية ، وكمان هيتخلق حاله من التوازن بين الاشخاص المتحدثين ومحدش يحس انه احسن لانه بيتكلم بلغته الأم ، بخلاف كدا عن طريق اتقان الاسبرانتو ممكن تكون نشط فى مؤسسات دوليه وتكون عضو نشط فى تنظيم كتير من المؤتمرات العالمية بنفسك ، وكمان هتقدر تلاقي اصدقاء اكتر من اماكن مختلفه من العالم ودا هيزود معرفتك الثقافية وعلاقاتك الدولية
وأخيرا بعد دا كله ازاى نقدر نتعلم اللغة دي
عن طريق الموقع دا نقدر وبالتعليم الذاتي نعلم نفسنا


http://ar.lernu.net/index.php

صفاء روح


لسه في سحر ف العالم
نون - سحر الموجي
منيش اخر حبيب يدخل مدينتك ولا هتكوني يوم أخر حبيبة

Joy !!

ما هو ايه بيطول عمر الواحد غير الفرحة

replacement

عندما نظرت إليه من وراء غشاوة دموع عرفت انها تحب هذا الرجل
نون - سحر الموجي
كان المفروض يكون هنا بوست صافي وهادي ومبسوط ..... بس كالبحر انا بألف قرار
فى رحلة قصيرة طويلة
بطول عمر نوح بقصر اكتشاف زويل
راحل ولكن لي عوده
لم اعد قادرا علي الكتابة او الكلام
لم تعد لدي حتى الرغبة في ايهما
حتى النفس افقدها هي الاخري
قلبي مع قلب الوطن مجروح .. موجوع
دول هما طوجين غواييش
والحرير م الدمع بايش
عمرنا مات ولا عايش
مين يسأل علينا مين

ليله ليله عيد الليلة ليلة عيد

كل سنة وكل حد واي احد فى اي حته فى مجرة الطريق اللبني
طيب وبخير وبصحة وسعادة وسلامه وحب وكل حاجة حلوة ربنا خلقها فينا وجوانا وعلي وجه البسيطة
كل سنة ومصر بخير وطبية ومش بعافية شوية
كل سنة والعالم بخير من غير ازمات
كل سنة والفلسطنين احرار من غير لا فتح ولا حماس
كل سنة ومصر مصرية مش اي حاجة تانية يا اخواننا البعدا
كل سنة والزمالك بيتغلب ( مخصوص كيدا في كيكو العزيز )
كل سنة واصدقائي وانا بنحب بعض وبنخاف علي بعض ودايما مع بعض
كل سنة وحاجة كمان مش قايلها
كل سنة وكفاية كدا

الماس اوصفلك يا حبيبي الماس

الماس الماس الماس
اوصفلك يا حبيبي الماس
من قبل ما تولع هو الماس
اول حاجة خطرت في بالي هي الاغنية دي اول ما رجعت بعد الفطار علي طول انا اصلا بفطر في 3 دقايق بالعدد مش اكتر المهم خلصت الفطار وقعدت ع الجهاز لقيت منبه الاخبار بتاع البي بي سي بيقول حريق المسرح القومي بالقاهرة .... نعم بتقول ايه ..... والله اتصدمت ومجلس الشوري مش بعيد علينا يعني .... المهم دخلت ع الصفحة بتاعه البي بي سي لقيتهم بيقولوا بيحاولوا يسيطروا ع الحريق لسه وسماء الدخان تغطي العتبة ................
 
لحد هنا وعادي جدا عادتنا يعني ولا هنشتريها ..... بس اللى يفقع بقي انهم لا سيطروا ع الحريق ولا وقفوه ولا اي حاجة فى الدنيا كلها ويطلع سيادته وزير الثقافة يقولي ان الحريق بسبب ماس كهربي يبقي Shit !!
ايه الاستهبال دا يا بلد من غير اي تحقيقات ولا بحث ولا اي حاجة حصلت فى ام البلد ومن قبل ما يولع اي حريق يبقي السبب هو الماس الكهربي وهو في مين غيره نفسه البلد تبوظ
هو الماس الوحش دا سبب كل اللى بيحصل في مصر
جاتكم البلا مليتوا البلد
 

تاج الملك تشي

بسم الله ....
ازيكوا كلكوا يا ناس ياللى بتعدي عليا هنا
النهاردة عامل تاج مخصوص لأصدقاءي من ارض الواقع والفضاء البلوجي الافتراضي

اول حاجة قسم ابولو قصدي قسم الحق ودا مخصوص علشان عفشة باشا حبيبي
واللى يرضي ياخد التاج يبقي بيتعهد امام الله والدولة والناس انه يجاوب بصدق
واللي مش ناوي يجاوب هو عارف عاقبته ;)

ياللا نبدأ
وكالعادة الاسئلة بالأزرق والإجابات بالأحمر واخر الموضوع هاحط الاسئلة كلها ورا بعض علشان نسهل عملية النقل عليكوا
التاج متمرر لكل اللى عندي ع السايد بار بلا استثناء من اول واحد لأخر واحد وبدون إجبار ( لكن في ناس عارفه نفسها مجبرة وإلا .... )
رغيت كتير أنا خلوني أبدأ .......
3
2
1
جووووووووووووووووووووو

1- عيب فيك ومش نفسك تتخلص منه ع الاطلاق

علي فكرة والله بحط الاسئلة قبل ما افكر فى الإجابة واديني دبست نفسي :)
مممممممممممممممممممممممممممممم
ممكن نقول الثقة والشك السريعين والاتنين باخد بيهم احكام مسبقة على الناس فى اول تعارف وبيحتاجوا لوقت اطول لتأكيد دا او ازالة اثاره

2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟

I- هند : لو ربنا كان عين لكل واحد ملاك حارس فأكيد هند الملاك خاصتي 
II- فهمي : ساعات بنظل نبحث فى الدنيا علي اشخاص يخافوا علينا ويفهمونا من غير كلام .... ولما نزهق بتهديهم السماء لينا ... فهمي
III - كيكوووووووووو : اقرب حد ليا من قرايبي وسلواي الوحيدة فى البلد التيت دي
IV- مروة كناريا : مجنونة ورزينة وفيها البدع
V- أحمد عبد الوهاب : أحد أهم الشخصيات اللى بتحمل قلب كبييييييييييييييييييير بس يبيع اي حد علشان الفلوس تيييييييت

3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟

I- سارة : غالبا بتبقي موجودة فى الوقت الصح وليها عليا حق كبير وشكلها مش هتساهولي
II- موصطفي العوليمي : اكتر شخص عايز اقابله واكلمه حتى الان ومعاه ينطبق المثل القائل ... كلنا فى الكأبة بلوجرز
III- ساااااااااااااااالي : المراية بتاعتي لما تواجهني بالحقيقة وتقولي فوق ، ما تعييش
IV- نيرة : أختي الكبيرة ( هي وسالى ) واكتر واحدة روحانية شوفتها بحسها حد شفاف كدا واكتر حد بيقولي اصبر سيبها لربنا :)
V- هبة (بوبا ) : اختي بردو هي كمان بس ايه يخرب بيت ام الطيبة ، ربنا ادها الطيبة اللى ف العالم كله قالها تفرقها ع الناس طمعت فيها واخدتها لوحدها :)

4- العشرة اللى فوق ... ابعت لكل واحد فيهم رسالة !
I- هند : احترت كتير اكتب ايه ؟؟؟ 
II- فهميز : بطل رخامة وحاول تعمل صلح بين قلبك وعقلك للوصول للحل الامثل فى الامور ايها ( وش شيطان بيضحك )
III- كيكوووووووووو : الحياة اكبر من تعقيدك ليها يا بتاع برج العقرب يا رخم 
IV- مرووووووووووووة : هتفضلي اطيب قلب في كليتنا التيييييييييييييت دي ( ربنا معاكي )
V- عب وهاب : لو ما جاوبتش ع التاج دا ليلتك عتبجي طين طييييييييييين
VI- ساااااارة : حاولي تعملي اللى انا مش عارف اعمله حتى الان ... تصالحي مع نفسك
VII- موصطفي : مازلت رغم معرفتي عنك لغز عصي الفهم
VIII- سالى : كل ما بشوف صورتك بتحضرني براءة الدنيا وانها ما تستاهلش حاجة
IX- نيرة : انتى بقي اللى كل لما بشوفك بيطلع للصورة جناحين وهاله بيضا من فوق ... ربنا يحفظك يا رب
X- هبه : محتاجة بردو تتصالحي مع نفسك وتحبيها حتى لو كان علي حساب الناس اللى ادتيهم ونستيكي
كلكوا علي بعض " ربنا يخليكوا ليا يا رب ويوفقكوا دايما ويحقق كل احلامكوا .............. "

5- العشرة اللى فوق دول اكتب لكل واحد كتاب او اغنية بتعبر عنه فى رأيك

I- هند : وسط الدايرة :)
II- فهمي : حكايتي مع الزمان
III- كيكو : اشكيك لمين والخصم انت والحكم
VI- مروة : مجنونة ( محمود العسيلي )
V- احمد عب وهاب : مدد يا رسول الله
VI- ساره : يا طير يا طاير.
VII- موصطفي : اي حاجة لفرويد هتكون مناسبة لكمية التعقيد اللى جواه
VIII- سالي : زي الملايكة
IX- نيرة : نقطة نور بهاء طاهر :)
X- بوبا : كلك علي بعضك حلو

6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟

مممممممممممممممم
سؤال رخم فعلا
انى ما سامحتش حد غلط في حقي

7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟

هخليها بعد م كذا حد يجاوب ع التاج بس هي متسجلة ف دماغي يعني

الاسئلة بقي علشان الكوبي والبيست
1- عيب فيك ومش نفسك تتخلص منه ع الاطلاق
2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟
3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟
4- العشرة اللى فوق ... ابعت لكل واحد فيهم رسالة !
5- العشرة اللى فوق دول اكتب لكل واحد كتاب او اغنية بتعبر عنه فى رأيك
6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟
7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟
مرة كمان التاج متمرر لكل اللى عندي ع السايد بار وخاصة الناس اللى عندي ع الميل 

At last

بقالى كام يوم اسبوع كدا ولا حاجة قاعد افتكر هو اسمه السكوت ايه السكوت ايه النهاردة بس اكتشفت ان اسمه
سكوت مطبق

Sico !!



سيكو !!!
أه
انا سيكو
مش شتيمة تقدر تقول عليها معناها مريض نفسي
ومين منا مش مريض نفسي بس هل هتعرف انك مريض نفسي فعلا
مممممممممممممممممم
انا مش جاي اتكلم عن السيكو ولا عن المرضي النفسيين
انا جاي اتكلم عني
حاجات فى حياتي ....
فى حاجات بحبها وحاجات بعملها بس هي غريبة جدا
مثلا ادماني للإنترنت بقي حقيقي ادمان بمعني الكلمة بل بقي عالم موازي ليا بعيش فيه بكامل حواسي متناسي العالم الحقيقي اللى بيحيط بيا بل ان الاهانة ليا فيه من حد صديق بتعني انتهاء علاقتنا علي ارض الواقع ولانه اصبح عالمي بقيت بجتذب فيه أصدقائي وزمايلي وقرايبي كمان بل كونت فيه صداقات مع ناس بقوا اقرب من اصدقاء ليا فى الكيان الواقعي بل اصبحوا من اقرب الناس ليا على الاطلاق ، كمان بقي ان حد يقولي ممكن تمسح ميلي او يمسح هو ميلي او يعمل اجنور معناها نهاية مشهده فى قصه حياتي الذاخرة بالاحداث والاشخاص وربما تجاهل شخص ليا علي ارض الواقع مش بيكون بنفس ما بيعمل كدا ع الويب لان تجاهل ارض الواقع ممكن يكون سوء تفاهم او او او لكن ع الويب يعني ولجدير الأسف النهاية تماما .
كمان فيا حاجة غريبة اوي لازم في حاجة دايما في " بقي - اللى هو فمي يعني -" مهما كانت ممكن لبيسه القلم - غطاء القلم يعني - ودي دايما وانا بكتب او وانا في محاضرة او كدا يعني ، لبانه ودي غالبا لما يكون معايا صديقي دائما - علي وزن حبيبي دائما كدا - احمد فهمي في كافتريا الكلية .
بحب جدا أقول كلمة عارف أو عارفه بس لمجرد انى اجذب انتباه اللى قدامي غالبا ببقي فعلا هقول حاجة وساعات ببقي مش هقول وساعات تانية ببقي فعلا هقول بس بغير رأيي بقي .
ساعات بزعل من حاجات متزعلش - مش زي العيال الحاجات اصلا متزعلش العيال - بس هي حاجات بتوجعني من جوا او بتعملي تأثير مش اي حد هيحسه ولا هيتعبه ولا اي حاجة خالص لأي حد بس ليا انا في تأثير تاني غامض يمكن مريب ساعات بس الاهم انه بيخصني لوحدي مش اي حد الأسوء بقي ان ساعات ممكن حاجة متزعلش بس انا اخدها علي عقلي - زي علي صدري كدا - واعملها عملية تجديد وتغير واضيفلها شوية بهارات من خيالاتي واخليها حاجة تزعل .... أه والله بس اعمل ايه فى نفسي بقي .
ايه كمان بقي محنرف حزن وكأبة ، صحيح دايما في اسباب لكدا بس طلعلي مرة يكون مفيش سبب .......... هطلع سبب معرفتش هخلق سبب بجد مش هزار محترف بمعني الكلمة الكأبة بتجري في دمي مكان كريات الدم البيضاء - أصلي اهلاوي - مش بحب اكلم حد وانا مخنوق او مكتئب صحيح في اشخاص بيفرضوا نفسهم وبستريح لما بيفرضوا نفسهم رغم انى وانا بكلمهم مش ببقي عايز اكلمهم - حد فهم حاجة - المهم انهم اشخاص قليلين اوي ربنا يخليهم ليا يااااااا رب

كفاية كدا علشان انا رغيت كتير .................
سلاماتي ومودتي وخالص حبي

الضحك شكل البكا خالص

أنا اصلى زعلان شويه
مالك ؟
قلقان شويه
من أيه ؟
زهقان شويه
على ايه ؟
 
انا اصلى زى بقيت الناس
ماشى كده عايش وخلاص
بتجنن واتحير واتلخبط واتغير
واقول ياااااا ناس

قلقان شويه
على أيه ؟
زعلان شويه
من ايه ؟
اهه يعنى شويه
وده ليه ؟
انا اصلى زى بقيت الناس

الضحك شكل البكا خالص
تلامذه وفصول ومدارس
يا مانجه ليه طارحه ف مارس

مالك ؟
زعلان شوية
من أيه ؟
قلقان شوية
علي أيه ؟؟
حيرااااااااان
طب ليه ؟؟
أنا أصلي زي بقية الناس
انا اصلى كنت زمان حبيب
وشعر ايه وغنا ومكاتب
ليه كل ما امسك هيا تسيب ؟

مالك ؟
زعلان شوية
من أيه ؟
قلقان شوية
علي أيه ؟؟
حيرااااااااان
طيب ؟؟
أنا أصلي زي بقية الناس

الليله مبسوط شويه
يا سلام
فرحان شويه
على ايه ؟
اهه يعنى شويه
من ايه ؟


 
انا اصلى فايت على بيتها
لقت عيونى ولاقيتها
وقالتلى ايه ؟؟؟ .. يخرب بيتها


مالك
فرحان شوية
من أيه
قلقان شوية
علي أيه
شوية كدا شوية
أوكي

انا اصلى زى بقيت الناس
ماشى كده عايش وخلاص
بتجنن واتحير واتلخبط واتغير
واقول يا نااااااس

زعلان شوية
ماله
وفرحان شوية
علي أيه
زهقااااان
من أيه
كدا يعني شوية
كدا ليه
أهه يعني شوية
يا سلام
مبسوط شوية
ماشي
شوية كدا شوية
طيب
أاااااه شوية
أه
تعبااااااان
امممممم

-----------------------------
ألحان وغناء : وجية عزيز
أشعار : علي سلامة
الصورة : انا اللى عاملها

يا شبه الجمرا

وسط الدايرة يا اجمل نايرة خلى قلوبنا تطير
وارحلى بينا فراشة حنينة بين زينات وعبير
لما الخصلة تدور طربانا نبقى حرير فى حرير 

أحمد فهمي

واحد من اهم الرجال فى العالم
محدش فيكوا او ع الاقل قليلين اوي اللى يعرفوه
بس هو فعلا كدا
بالنسبة ليا انا

 صديقي العزيز
تاني أرزل شخص فى العالم 
اكتر حد بزعل منه فى الدنيا وبروح اصالحه
وانا كمان مش ملاك بزعله بردو كتير
بس والله بحسن نية وهو عارف مش بيبقي قصدي حاجة وحشة
هو كمان مش بيبقي قصده يزعلني
بس مش بيعرف يفرق انه لما مضايق مني علشان حاجة وانا مش عايز اتكلم فيها يبقي المفروض يسكت
دايما بيلومني علي اخطاء الماضي مع انه خلاص انتهي مش هيرجع
بس بحبه
مضايق منه اوي الفترة دي علشان هو بجد بعيد
بس واحشني بردو
ممممممممممممممممممممم
انا كمان بعيد عنه
ايه السبب فى كدا
مش عارف بس بقوله علي حاجات مني مزعلاه انا اسف كتير

انت عارف ان مهما قولت من كلام مش هيعبر عن حاجة
كنت واحشني بس حبيت اكتب الكلمتين دول لاني فاشل فى المواجهه المباشرة

With a big HUG


Happy Birthday Happy Birthday to me
Happy Birthday to you Ahmad
Happy Birthday
كل سنة وانت طيب يا انا :)
سنة حلوة يا جميل سنة حلوة يا جميل
سنة حلوة يا احمد سنة حلوة يا جميل

فاضل مين كمان ؟؟

فاضل 3 شهور علي نهاية 2008 ..............
هتاخد فيهم مين تاني من عظمائك يا مصر

صور

نسرين عملت صورة هي كان عندها حق يعني بس غالبا مش دا الشكل الوحيد
ايه رأيك كدا
والله موجود فى الدنيا ودايما من واحنا صغيرين لحد ما نموت



SooN

هارب

هارب من الأحباب ... هارب من الأصحاب ... من كل مدينة وحارس وأبواب

:-?

ع هدير البوسطة

Then I ask !!

May I be in your place later ??

ضحكني يمكن أضحك

نظرا لأني بحاول اخرج من الحالة النفسية السيئة قولت ادور فى الدرايف بتاع الاغاني عن الاغاني المبهجة او اللى بتخليني مبسوط


فرحني .. فرحني
فرحني .. يمكن افرح 
يمكن اضحك 
يمكن اطلع م اللى انا فيه
فرحني ... يمكن احلم
يمكن أغير 
يمكن اقول اللى مخبيه
..........................
ضحكني ... يمكن أضحك
يمكن أفرح
يمكن أطلع م اللى انا فيه
ضحكني ... يمكن أحلم
يمكن أغير
يمكن أقول اللى مخبيه
أقووول
.............
مش يمكن لسه الدنيا جميلة بجد
ولسه فى الصيف والبرد
ولسه الورد

مش جايز يطلع فى العيب
فيا العيب مش فيهم

زغزغني ... زغزغني
زغزغني يمكن أصحي وأقول بالبلدي وأقول بالفصحي
زغزغني يمكن أصحي وأقول بالبلدي وأقول بالفصحي
زغزغني يمكن يمكن أقول بالبلدي وأقول بالفصحي
وأياك ترجع تسكت تاني تقولي مفيش
مفييييييييش
مفيش
.......................
زغزغني يمكن ينفع أرجع أسمع دقة قلبي تاني وأعيش
زغزغني يمكن ينفع أرجع أسمع دقة قلبي تاني وأعيش
 أعييييييييييش ... أعيش
وأعيش