غير المحطة


شوف يا إبني إنت و هي.
أنا كانت عندي بوادر عقدة نفسية عشان كل مأقرأ المدونات المصرية ألاقي تعذيب و تحرش و إعتصامات و محاكم و بلاوي سودة.
و بعد كده لما شاركت في جلوبال فويسز لاقيت نفسي مطالب بإنتقاء تدوينات كل فترة لكي أترجمها للغة الإنجليزية حتى يقرأها العالم. و هنا إتحولت العقدة إلى عقدة و شنيطة و كان شبه مستحيل إني ألاقي في وسط هذا الكم من السواد بصيص أمل يحسس الناس إن مصر برضه بلد حلوة مش مستنقع.
عشان كده إتناقشت مع بعض المدوناتية أصدقائي و إتفقنا نخلي ولو يوم واحد كل شهر ننقل فيه حاجات كويسة في بلدنا للناس.
مش شرط تكون كتابات, ممكن صور أو رسومات أو بلوجات صوتية أو أي حاجة.
يوم واحد كل شهر نغير فيه المحطة السودة و نروح لتردد أكثر بياضا.

المهم الحملة ديه إتفقنا نسميها
غيَر المحطة
و حاتكون في اليوم إل رقمه زي رقم الشهر
يعني واحد يناير و إتنين فبراير و تلاته مارس لحد إتناشر ديسمبر
و ده اللوجو بتاع الحملة لو عايزين تحطوه في مدوناتكو



و ديه نسخة أصغر شوية من اللوجو

و بالمناسبة لو حد مش عاجبه اللوجو يألف لوجو جديد للحملة براحته مفيش مشكلة
المهم الفكرة

موعدنا يوم واحد يناير القادم


ودا كود للوجو اللى انا عامله عندي ع البلوج ومساحته 190*310


5 comments:

Oss said...

والله يا تشى
احنا كنا عاملين حمله زى دى على
lets discuss
بس أنا اللى كسلت ومش شاركت فيها
وللأسف البلوج لسه ماحدش يعرفها
فالحمله تقريباً فشلت

ربنا يسهل وتنجح معاك

تحياتى

Oss said...

قبل ما انسى
كل سنه وانت طيب
:)

Tarek said...

شكرا يا أحمد باشا على مجهودك
وكل سنة و إنت طيب

صفا said...

يا رب الحملة دى تنجح
كل سنة وانت طيب

Anonymous said...

ماشاء الله
طيب شئ ممتاز خالص
دعواتي بصدق لكم
ان شاء الله تنجح مادمت روحك حلوة كدة