Sico !!



سيكو !!!
أه
انا سيكو
مش شتيمة تقدر تقول عليها معناها مريض نفسي
ومين منا مش مريض نفسي بس هل هتعرف انك مريض نفسي فعلا
مممممممممممممممممم
انا مش جاي اتكلم عن السيكو ولا عن المرضي النفسيين
انا جاي اتكلم عني
حاجات فى حياتي ....
فى حاجات بحبها وحاجات بعملها بس هي غريبة جدا
مثلا ادماني للإنترنت بقي حقيقي ادمان بمعني الكلمة بل بقي عالم موازي ليا بعيش فيه بكامل حواسي متناسي العالم الحقيقي اللى بيحيط بيا بل ان الاهانة ليا فيه من حد صديق بتعني انتهاء علاقتنا علي ارض الواقع ولانه اصبح عالمي بقيت بجتذب فيه أصدقائي وزمايلي وقرايبي كمان بل كونت فيه صداقات مع ناس بقوا اقرب من اصدقاء ليا فى الكيان الواقعي بل اصبحوا من اقرب الناس ليا على الاطلاق ، كمان بقي ان حد يقولي ممكن تمسح ميلي او يمسح هو ميلي او يعمل اجنور معناها نهاية مشهده فى قصه حياتي الذاخرة بالاحداث والاشخاص وربما تجاهل شخص ليا علي ارض الواقع مش بيكون بنفس ما بيعمل كدا ع الويب لان تجاهل ارض الواقع ممكن يكون سوء تفاهم او او او لكن ع الويب يعني ولجدير الأسف النهاية تماما .
كمان فيا حاجة غريبة اوي لازم في حاجة دايما في " بقي - اللى هو فمي يعني -" مهما كانت ممكن لبيسه القلم - غطاء القلم يعني - ودي دايما وانا بكتب او وانا في محاضرة او كدا يعني ، لبانه ودي غالبا لما يكون معايا صديقي دائما - علي وزن حبيبي دائما كدا - احمد فهمي في كافتريا الكلية .
بحب جدا أقول كلمة عارف أو عارفه بس لمجرد انى اجذب انتباه اللى قدامي غالبا ببقي فعلا هقول حاجة وساعات ببقي مش هقول وساعات تانية ببقي فعلا هقول بس بغير رأيي بقي .
ساعات بزعل من حاجات متزعلش - مش زي العيال الحاجات اصلا متزعلش العيال - بس هي حاجات بتوجعني من جوا او بتعملي تأثير مش اي حد هيحسه ولا هيتعبه ولا اي حاجة خالص لأي حد بس ليا انا في تأثير تاني غامض يمكن مريب ساعات بس الاهم انه بيخصني لوحدي مش اي حد الأسوء بقي ان ساعات ممكن حاجة متزعلش بس انا اخدها علي عقلي - زي علي صدري كدا - واعملها عملية تجديد وتغير واضيفلها شوية بهارات من خيالاتي واخليها حاجة تزعل .... أه والله بس اعمل ايه فى نفسي بقي .
ايه كمان بقي محنرف حزن وكأبة ، صحيح دايما في اسباب لكدا بس طلعلي مرة يكون مفيش سبب .......... هطلع سبب معرفتش هخلق سبب بجد مش هزار محترف بمعني الكلمة الكأبة بتجري في دمي مكان كريات الدم البيضاء - أصلي اهلاوي - مش بحب اكلم حد وانا مخنوق او مكتئب صحيح في اشخاص بيفرضوا نفسهم وبستريح لما بيفرضوا نفسهم رغم انى وانا بكلمهم مش ببقي عايز اكلمهم - حد فهم حاجة - المهم انهم اشخاص قليلين اوي ربنا يخليهم ليا يااااااا رب

كفاية كدا علشان انا رغيت كتير .................
سلاماتي ومودتي وخالص حبي

10 comments:

ojg said...

نلخص البوست
انت سايكو
مدمن انترنت
بتجذب اهتمام الأخرين بكلمة عارف أو عارفة
كئيب
أخيرا رغاي
ايه يابني؟
مكنش العشم
أول بوست اقراه عندك
يبقى فيه كم السايكوباتية ده
والمصيبة انه فكرني بواحده مابشوفهاش الا في المراية
رغاية وكئيبة ومدمنة انترنت وسايكو ودايما بتقول عارف؟ عارفة؟؟
فعلا غريبة خالص
:))
بوست صادق

ahmedomar said...

فعلا يا هيما لو كل واحد فكر شوية هيلاقى نفسة سيكو جدا

كلنا بنعمل حاجات اتعودنا عليها وشايفينها طبيعية بس هى مش كدة خالص

بس حاول بقى تتخلص من الادمان اللى عندك ممكن تروح مصحة او تقاوم وتعمل زيى كدة زى مانا خلاص معدش مهم عندى النت زى زمان الحمد لله

بوست جميل وعجابنى انك اتكلمت بحرية وصراحة

تحياتى ليك

عمر

e_emy said...

لو كده يبقه ناس كتير سيكو :(

حكاية ان لو حد قالك تمسح ميله او يمسح ميلك
وبكده تبقه النهاية تماما ودا بيحصل ع الويب بس

طبيعى لأنك مش هتشوفه تانى ومع الايام هتنسه
لكن ف الواقع هيبقه قدامك واكيد على الاقل هتتعاتبه مرة واتنين وف الاخر تتكلموا
بس برضه حاول متخسرش حد وتعاتب كل الناس

"ساعات بزعل من حاجات متزعلش "
كلنا كده بيبقه حسب مودك

"محترف حزن وكآبه"
ههههههههههههه
اكيد مفيش حاجه تفرح وقولت لا
بس حاول تدور على الحاجات الى تفرح
هو عمر واحد

ربنا يسعدك
سلالالام

Nour said...

لا حول ولا قوة إلا بالله
كل ده حصل وانا ما اعرفش
تؤتؤتؤتؤتؤ
كده غلط عليك يا بنى
انت بتحب جديد ولا إيه
:-P:-P

Che Ahmad said...

ياللهووووووووووول

بقي دا كله فيها وفيا سوا

طيب اقولك بقي
لو شوفتيها والنبي المرة الجاية فى المراية اسئليهالي يمكن نطلع قرايب ولا حاجة :)

منورة يا جميل

Che Ahmad said...

عمر
طيب تعرف مصحة بتعالج ادمان النت
لو تعرف ابعتلي رقمها وعنوانها فى ايميل :)

سلام مربع يا جميل ;)

Che Ahmad said...

ايمي

انتى فهمتي غلط
علاقتي بتنتهي بيه ع الواقع وع النت وعلي كل حاجة

اما عن الحاجات اللى تفرح لو تعرفي حاجة ابقي قوليلي وليكي الحلاوة :D

تحياتي

Che Ahmad said...

نور

يالهوييييييييييييييييييي
احب جديد
ليه يا بنتي حرام عليكي انا عملت فيكي حاجة وحشة

استغفري ربنا وما تدعيش علي حد تاني :D

منورة

A7MeD F@hMy said...

مممممممممم
كلنا سيكو لو ده سيكو فعلا
فعلا كلنا سيكو نت
دة بالنسبة لسيكو
بالنسبة لفرق بين الواقع و العالم الافتراضي بيبقي في فرق اكيد بينهم ف التعامل مش بيبقوا زي بعض بيبقي في نسبة سماح بين ان حد مثلا تكلمه و ميردش عليك ع النت او ع الطبيعة مثلا

عيب يا ابني طلع اللبيسة من فمك اللي هو بقك يعني
ههههههههههههه
اسمها مستيكة مش لبانة
ههههههههههههههه
لو ماقلتيش مستيكة مش هاديلك تاني بقي هه
:D
اهلاوي؟؟
يعععععععععع
بس غصب عنك باكلمك و انت مخنوق حتي لو نزلت تحت البطانية هه فاكر فاكر؟
:-p
و انا كمان سلامي و مودتي و محبتي
:)

Che Ahmad said...

Fahmy .......

I just wanna say Allah save you for me ......
my best friend ( as a male sure :P )