أقوالي

بعض من كلمات كنت بكتبها اوقات الكلية بين السكاشن ووسط المحاضرات

" دعوني لنفسي ... فالوحدة خير صديق "

" لم نقتفي دوما أثر ... من غابوا عن النظر "

" الحب أن نحب لأجل الحب ... لا أسباب ولا مسببات "

" المحبون كالسائرون على السحب ... لا يدرون من أين ولا إلى أين ولكنهم يسيرون "

" الحالمون فى دنيانا اما ان يعيشوا معذبين ... او يموتوا سريعا ليستريحون "

" السفر إلى المجهول هو أروع سفر ... فهو بلا انتهاء "

" العمر لحظة ... تستحق العيش "

" المصائب والاحزان ... قلما تأتي فرادى "

" لم دوما الخيارات المتاحة ... كلها حمقاء "

" أنا لست ملاكا قد هوى ... ولست بفتى يسيره الهوى "

" ما طار طير وارتفع إلا وبلغ أعالي السحب "

" هناك بعض اشياء تمنعنا عن المضي قدما ... ينبغي أن نتوقف هنا وندع التاريخ يسطر البقية "

تحياتي ..
تشي

24 comments:

s@gi بيخنق said...

كلاكيت تاني مره
- وش بيطلع لسنه -
ايه ياعم الميسنج عاوزين مقاله جديده
بح

e_emy said...


هناك بعض اشياء تمنعنا عن المضي قدما ... ينبغي أن نتوقف هنا وندع التاريخ يسطر البقية


بجد الجملة دى تححححححححححححححفة

والجمل كلها رااااااائعة

HaMaDa 3aFshA said...

دعونى لنفسى فالوحدة خير صديق
هى فعلا صديق كويس مش بيسبب مشاكل وبيريح البال بس ربما تقتل
خلى بالك واطلع من المود ده بسرعة بقا وحشتنا

A7MeD F@hMy said...

اجمل واحدة عجبتني بجد
المحبون كالسائرون علي السحب...لا يدرون من اين ولا الي اين و لكنهم يسيرون
نحياتي و مستنيك بكرة
سلام

Oss said...

بتكتب كلمات زى دى فى السكشن
والله انت جامد
انا باقعد اشخبط فى اى كتاب او اراقب العيال زملاتى واضحك عالمهازل

عموماً الكلمات مش محتاجه تعليق

"الحالمون فى دنيانا اما ان يعيشوا معذبين ... او يموتوا سريعا ليستريحون "
"دعوني لنفسي ... فالوحدة خير صديق "
انت كده دايس معايا
;)

حوار اقرأ تكون انا بعتلك اوف لاين مسج يارب تكون وصلت
بس والله النت بايظ ولسه مظبوط النهارده
وعايز اكلم الشركه علشان انا تخنقت
سلامز يا جامد

Mohamed Hamdy said...

بجد البوست جميل جدا جدا

تحياتى

Nour said...

جمل رائعة تشى
اكتر جملة عجبتنى

الحالمون فى دنيانا اما ان يعيشوا معذبين ... او يموتوا سريعا ليستريحون

صدقت يا تشى

GiGi said...

حمد الله على سلامتك يااخي
على فكره الوحده خير صديق للى عايز يستسلم للانهيار
مستنيين بوستاتك

مواطن زهقان said...

بجد شوية كلام
جيل اوى
ايه الابداع دا يابنى
صراحه تستحق وسام ع الكلمات دى

Che The Hermit said...

مصطفي

اه بح

Che The Hermit said...

ايمي

شكرا ومبسوط انها عجبتك

Che The Hermit said...

احمد عفشة

متخافش عليا انا اقوي من انها تقتلني

Che The Hermit said...

فهمي

ما لو دي ما كانتش اكتر واحدة عجبتك ما كنتش هتبقي فهمي اللي اعرفه

Che The Hermit said...

اسامة

الجامد هو انت
شويه وهتعمل كدا زيي واكتر كمان

Che The Hermit said...

حمدي

دا بعض مما عندكم يا افندم

Che The Hermit said...

نور

الجمله بس عبارة عن انعكاس لشخصيتك
مش كدا بردو

Che The Hermit said...

جي جي

ربنا يسلمك
بس مش دايما بتكون للي عايز يستسلم

Che The Hermit said...

مواطن زهقان

شكرا على وسامك اللى بيشرفني
وكمان مبسوط ان الكلام عجبك وإن كان كلامك كتير عليا

منور

abo salah said...

بعد السلام عليكم

جميل ياتشى والله
وأضم صوتى للمعجبين
بجملة
الحالمون فى دنيانا اما ان يعيشوا معذبين ... او يموتوا سريعا ليستريحون

تحس أنها تنفع تكون حكمة
وجميلة أوى

الحب أن نحب لأجل الحب ... لا أسباب ولا مسببات

ربنا يوفقك ياأحمد

تحياتى

best friend said...

البوست دة حلو جدا جميل ان الانسان يستغل وقته فى شى مفيد بدل من تضيعه فالناس صنفان شخص ينام فى
النور ...و اخر يستيقظ فى الظلام
فأين نحن من ذاك؟؟؟

Che The Hermit said...

ابو صلاح

يظهر ان فى اجماع على الجملة دي
كلمة فى سرك
انا كمان بحبها

عارف وانا بقري ربنا يوفقك دي حاسس كأنك بتقولهالي فى وشي قريت الجملة بتاعه الحب ان تحب لاجل الحب لا اسباب ولا مسببات وبعدين بصيتلي وهزيت راسك شوية وقولتلي ربنا يوفقك

تحياتي يا جميل

Che The Hermit said...

best friend

مبسوط ان البوست عجبك

على فكرة جملتك ليها اكتر من تأويل بس خلينا فى اللى اعتقد انك تقصديه ان من الناس اللى بيصحي ويفوق وقت ما الكل بيبقي منهار وخامل ومفيش همة ولا عزيمة والعكس واحد بينهار وقت صعود الجميع للقمة

احنا فين بقي المفروض كل واحد يجاوب السؤال دا بينه وبين نفسه اهم حاجة

تحياتي

just me said...

الحب أن نحب لأجل الحب ... لا أسباب ولا مسببات
اكتر جملة عجبتنى و حسيت أنى لازم أعلق
تحياتى

Che The Hermit said...

Just you

منورة وشكرا ع التعليق ويا رب متواجدة دايما

تشي