سبع سبعات

تاج من اسامة باشا يوسف مليان سبعات كتير كدا وعلشان انا مش بحب أأجل تاجات قولت اعمله دلوقتى

أولاً:سبع حاجات نفسى اعملهم
1- قناة فضائية مختلفة تساعد فى تشكيل وعي الناس بدل ميلودي والناس
2- مجلة شبابية مختلفة عن كل اللى موجود فى الوسط الثقافي حاليا
3- اعمل حملة مع مكان ليه وزنه زى ساقية الصاوي او جمعية مصر للحوار تكون مفيدة للشباب
4- اعمل مجموعة مدارس بنظام تعليمي مختلف وبمصاريف قليلة علشان نخرج ناس بتفهم
5- يكون ليا شركتي الخاصة اللى متخصصة فى اكتر من حاجة اهمها الكومبيوتر
6- انى لما اموت ما يبقاش زى اي حد لا يبقي يتقال قيمة رحلت وابقي سايب اثر ايجابي يفضل بين الناس
7- السابعة دي فضلت كتير وفى الاخر مش لاقي حاجة معينة نقول مثلا اخلص م الكلية الزفت اللى انا فيها

ثانياً:سبع حاجات ماعرفتش اعملهم
*** تييييييييت تيييييييييييييت تيييييييييييت عفوا السؤال الذي طلبت الاجابة عليه غير متاح حاليا حاول الاتصال فى وقت اخر

ثالثاً:سبع حاجات باقولها دايماً
1- أصلا
2- اوك
3- ألو ؟؟ ( لازم ارد ع التليفون ألو بأسلوب تساؤل مستفز اصلا )
4- مااااااااااااان
5- اشطات
6- جو تو ذا هيل ويز ذا كير اوف ذا جود
7- تييييييييييييييييييييييت

رابعاً:سبع مشكلات فى حياتك ممكن تحلهم الفلوس
1- القناة الفضائية
2- المجلة
3- موقع اقرأ تكون
4-مجموعة المدارس
5- اشتريلي سيرفر خاص بيا
6-شركتي الخاصة
7- اطلع اصيف فى كان او استراليا

خامساً:سبع أماكن بحبهم
1- وسط البلد
2- اسكندرية
3- معهد لوتس الدولي للكومبيوتر ( بيت كيكو يعني )
4- الكورنيش فى اى حته
5- اي مكان انا فيه لوحدي
6- اي مكان انا فيه مع حد بحبه
7- ساقية الصاوي

سادساً:سبع اشخاص بحبهم غير بابا وماما واخواتى
1- ****************
2- ****************
3- فهمي
4- كيكو
5- مصطفي
6- احمد عبد الوهاب
7- رامي وسمير الاتنين فى مكانة واحدة عندي
على فكرة فى ناس كتير جدا بس دول اقرب سبعة بس كل اللى موجودين فى البيست فريندز فى الليست عندي هو من اقرب الناس ليا واللى بفتخر انهم اشخاص موجودين فى حياتي

سابعاً:سبع حاجات بحبهم قوى
1- الكومبيوتر بتاعي
2- الانترنت
3- الكتب
4- الفيفا
5- الشيكولاتة
6- اللب
7- نشوة تحقيق اي هدف
ثامناً:سبع مدونات بتحب تقرالهم
كل اللى عندي ع السايد بار
بس لو قولنا اكتر سبعة بقي

معلش بقي طلعوا تمانية

كدا تمام اوي التاج بقي لمييييييييييييييييييييييين اكيد هيكون لسبعة بردو


هذا وحتى لقاء أخر لكم مني خير تحية :P

سلامات
تشي

9 comments:

YOTTA said...

ميرسى ع الحاجات الحلوة اللى جت فيها سيرتى بشكل مباشر او غير مباشر يعنى
:)
بجد حاجة فرحتنى وسط الهم

وميرسى اوى ع التاج
دايما بتحرجنى بتاجاتك اللى ماباجاوبش عليها غالبا
بس انا واخده موقف من التاجات عموما
انما التاج عجبنى وان شاء الله هارد عليه
ولو بعد حين
.

Ahmed Al-Sabbagh said...

هههههههه
والله انت عسل
واجابتك جميلة وروحك حلوة
واشاركك فى حب اللب جدا

احمد الصباغ

Ma7moud So3ody said...

هو التاج ده اجباري؟؟

ع العموم كله اشطه

:D

Oss said...

اتأخرت عليك يا ريس
بص

كنت فاكرك والله فى حتة اكتر سبع حاجات بتقولها
بالذات فى اصلاً
:)
مع انى ماسمعتكش صوتاً قبل كده بس اول واحد جه فى دماغى كان هنا

وانا بشاركك فى حاجتين
بس مش مكتوبين عندى
5- اي مكان انا فيه لوحدي
6- اي مكان انا فيه مع حد بحبه

جيت عالوتر الحساس
طب تصدق انى كنت باصيف اليومين اللى فاتوا دول
كانوا لذاذ ولمه وعيله وقلق
بس احلى ساعتين كنت بقعدهم لواحدى على الشط الخاص بالسكن
مش مسألة شط
بس الهدوء نفسه مع استمتاعك بتفكيرك
احساس عالى قوى

معلش قلقتك بالتاج
سلاموز يا كبير

A7MeD F@hMy said...

سا سبعاتك يا تشي
تاجاتك كتيرت يا عم
يا مسهل شوية هادوس
تحياتي

e_emy said...


"ثانياً:سبع حاجات ماعرفتش اعملهم
*** تييييييييت تيييييييييييييت تيييييييييييت عفوا السؤال الذي طلبت الاجابة عليه غير متاح حاليا حاول الاتصال فى وقت اخر"


كويس انه غير متاح
ربنا يوفقك
وتحقق كل الى بتتمناه

تحياتى

abo salah said...

بعد السلام عليكم

والله ياأبو حميد دماغك عجبتى اوى فى السبع حاجات اللى نفسك تعملهم

بجد اثبتوا ان شخصية ماشاء الله عليكم طموح وتفكيرك محترم
لا اوعى تفتكر انى باقولك كده باتوددلك يعنى عشان تشغلنى معاك فى القناة او المجلة
هههههههههههههههههههههههههههههههههههه

لا بس عشان فكرتنى ببعض احلامى

ودايما بتحرجنى بذوقك واشكرك انك بتعتبر مدونتى المتواضعة من المدونات اللى بتحبها

وربنا يخليك على التاج ياأحمد وأن شاء الله هاجاوبه

وان شاء الله رب العالمين ربنا يحققلك كل احلامك

تحياتى

ركن الدين said...

اه يا واد يا تيييييييييييت
كده تدبسني في التاج الإشطه ده
وانت عارف أصلا إني مش بطيقهم
طايب أوكز يا صاحبي ومش هعديهالك يا مان
وي ال جو تو ذا هيل توجيزر
----
بحبك يا معفرت ... بس بجد بعد إجاباتك انت عارف اللي فيها .. ماعنديش أحلام كلو اتبخر
بس حلم
اني أشارك تشي في القناه والمجله الشبابيه ونقسم التركه بالنص بعد وفاته انا وفهمي
عن
سلام يا وله

Che The Hermit said...

كل الناس اللى عبرتني وردت
شكرا كتير ليكوا وربنا يحقق احلامكوا كلها

بحبكوا والله :)
تشي