مممممممممممم طيب

لسه متفرج حالا على فيلم ذا بوكيت ليست ممثلي المفضل دائما مورجان فريمان
مممممممممممممممممممممممممم
بعد الفيلم قعدت افكر فى ماي بوكيت ليست
قبل اى حاجة البوكيت ليست زى ما فهمت م الفيلم انها امنيات المفروض بنحققها فى وقت ما محدد الوقت كان فى الفيلم ان مورجان والاخر اللى مش فاكر اسمه قدامهم بس ست شهور علشان يعيشوا لاصابتهم بالسرطان .................
انا حطيت نفسي مكانهم

قبل اى حاجة انا بكره الوداع جدا علشان دا نفسي اموت قبل اى حد اعرفه علشان ما اتصدمش بشعور فقدان شخص ما

فكرت كتير ايه اكتر حاجات نفسي اعملها قبل ما اموت او مثلا فى حاجات كتير نفسي اعملها فى حياتي لكن لو قولنا انى قدامي بس حاجات معينة اعملها لانى هموت بعد عدد معين من الشهور

فكرت ولقيتها حاجات بالنسبة ليا بسيطة اوي
نفسي اعيش فى بيت مبني من الخشب
قدامي خيارين البيت يكون ف اسكندرية او فى اسوان بس انا حابب اسوان اكتر مش عارف ليه
نفسي اعيش مع الانسانة اللى اختارتها حياتي كاملة بالحب ما يبعدش عنها لحظة نفضل مع بعض بنحب بعض دايما وللأبد

قعدت افكر كتير ملقيتش غير دول لو دلوقتى قالولي فاضلي هتمني اعيش اللى فاضلي مع البنت اللى بحبها وبجد امتلك البيت الخشب دا بس

-------------------------
اسف جدا لكل الناس مش بعلق عندها بس مش قادر فعلا والمود مش بيسمح والتدوينات دي بكتبها كضرورة ملحة علشان مش بحب افكار الكتابات تفضل فى دماغي من غير ما اخرجها ..... أنا كويس

14 comments:

Oss said...

إيه ده
هو حلو
ده مركون عندى بقاله اسبوعين ولسه ماشوفتوش
انا مش قريت البوست علشان لو حلو مايتحرقش عليا

سلام ياريس

abo salah said...

بعد السلام عليكم

قبل أي حاجة احييك علي اختياراتك الرائعة
the bucket list
التانى اللى كان مع مورجان فريمان هو الممثل الأكثر من رااااااائع
جاك نيكلسون صاحب الرائعة الأوسكارية .. وطار فوق عش المجانين
One Flew Over the Cuckoo's Nest
وصاحب الفيلم الرائع
The Departed

ثانيا يا أحمد

هو الفراق سنة الحياة ومكتوب علينا رغم اني مفيش حد فينا بيتمناه
عشان كده
نسأل الله أن يهونه علينا

ياعم أن شاء الله تعيش لغاية ما تحقق كل اللي نفسك فيه
وأن شاء الله تبنى بيتين خشب مش واحد بس
واحد في أسوان للشتا .. وواحد في اسكندرية للصيف

وربنا يديم عليك محبة من حولك وما يفرقكش عنهم

وأن شاء الله تعيش مع البنت اللي بتحبها في حب دائم طوال حياتك

بس فعلا واضح من كلامك أن مودك مش حلو
ربنا يفك كربك ويزيل همك ان شاء الله

تحياتي ليك ياأحمد

S@G! said...

اشطا يا بوب
بيت خشب
صباح الروقان
بس تعرف انا امنيتى اني اعيش ف كهف ف صرحا
بس أبقي مع البنت اللى بحبها بردو
ونفضل نحب ف بعض
سيبك انت
عيش حياتك يا معلم وفكك من أي حاجه
سلااام

GiGi said...

حضرتك فين يارب يكون الغيبه دي كلها خير يارب
وعلى فكره اقرا تكن مش تكون

HaMaDa 3aFshA said...

ايه يا عم المود ابن التيت ده ما ينفعش كده ما تقفلش كل الابواب لسه فيه باب وطنش تعيش تفرفش عادى يعنى سيبك من الحزن والاسى ده
فكرتنى بواحد كان شايل حمل تقيل قوى فقعد يريح ويشتكى من الدنيا ويلعن فى الحياة ويتمنى الموت عدى عليه واحد نضيف وشياكة قاله زعلان ليه ياعم دا الحياة فل ومية مية
قاله فل ما نت مش شايل انت مين يالللى بتقول فل انت قاله انا ملك الموت
قاله طيب شيل عليا شيل
ههههههههههههههههه معلش لو طولت عليك فرفش كده وسبها لله وان شاء الله تحقق كل احلامك

marmar said...

كابه وروقان مع بعض

فكك يا احمد من الكابه كل ده ناتج عن تاثير الاجازة الممله اللى احنا فيها دى

وفكرة حلوة اوى البيت الخشب دى اديك توفر تمن الشقه
هههههههههههههههههههههههه

سلامى

Che The Hermit said...

اسامة
ايه دا
انت مشفتوش :P

الفيلم تمام مستني تعليقك بعد ما تشوفه

تشي

Che The Hermit said...

ابو صلاح

شكرا على التحية يا جميل
انا بقي كنت قاعد افتكر الاسم بس مش فاكره وقولت لسه هفتح القيلم تاني مش مهم بس بجد الاتنين اداءهم مبهر

وثانيا يا احمد :D
الفراق رغم انه سنة الحياة لكنه عقدتها بالنسبة ليا كل حاجة بتهون قدامه

أااااااااااااااااامين على كل الدعوات اللى انت دعتها دي وربنا يسمع منك يا رب

المود ما زال مش تمام بردو
تشي

Che The Hermit said...

ساجي

اشطات مش اشطة واحدة انت تأمر يا جميل

كهف ...
( إيموشن واحد ماسك دقنه وبيفكر -عارفه انت بتاع الياهو دا )
المهم
موافق بس على شرط
يكون متوصله كهربا علشان الكومبيوتر ودي اس ال وبس مش عايز حاجة تاني

سلاااااااااااااام
تشي

Che The Hermit said...

حضرتي ( إيموشن الراجل المذبهل اللى فى الياهو )
انا تشي بس من غير حضرتي دا انا يدوب داخل فى التسعتاشر سنة اهو

وعلى فكرة هحاول اغيرها

تشي

Che The Hermit said...

عب وهاب

ايه يا عم ما انت لو موجود مكنتش انا بقيت كدا لكن انت اللى غايب دايما

ع العموم الباب شكله اتمحي فى مفرمة الابواب بتاعه شركة المرعبين

وبعدين ايه نظام التكبير بتاعك دا يا عم انت عارف انه ما بيمشيش معايا

طيب شيل عليا شيل بقي :P

مقبولة النكتة منك ( عارف لو حد غيرك ، كنت هقبلها بردو :P )

سلام يا جميل
تشي

Che The Hermit said...

مرمر

هفكني حاضر بس انتى هاتي مفك وانا افكني
يا بنتي الكأبة دي بنتي الصغيرة وطول اليوم بتلعب فى حجري مينفعش اسيبها

وبخصوص بيت الخشي والشقة شكلها لا فيها دا ولا دا

منورة
تشي

Che The Hermit said...

صوت عقلي الباطن بيكلمني

يا اخي اما انك مستفز صحيح

حد يرخم على نفسه فى بلوجه ؟؟

Che The Hermit said...

اه انا ملكش دعوة

ومتعديش هنا كتير
تشي