Re-Fresh


بعد سرقة بلوجين ليا او مهما كانت التسمية مش هتفرق كتير حبيت اعمل لحياتى ريفرش او زى ما قالي الشخص اللى سرق الميل بتاعى ( هو معتبر انه ما سرقش حاجة وان انا اللى غلطان علشان ما عرفتش احافظ عليه ) المهم انى كنت كلمته فترة مش قليله من على ميلي اللى هو اخده وقالى اخرج برا المربع الكلام مكانش جديد عليا فانا لحد دلوفتى مش ناسي كلام اعز انسانة عندي وكلامها عن صندوق الهوية اللى يمكن وقتها مكنتش فاهمها اوى وهى بتتكلم عنه وكان اكتر شاغلنى اللى هى فيه وألمها اكتر ما كنت بفكر فى نفسي لكن دلوقتى حاولت ابص لها تاني من وجهه نظر مختلفة ورغم انى اصلا مش عارف الاقي الصندوق او المربع او ايا كان لكنى هحاول ابدأ ابص من فوق لحياتى كلها ابصلها من زاوية ملمة احاول اجمع كل التفاصيل وبعدين اخرج التفصيلات اللى مش مهمة مهما كانت كبيرة وابدأ اكبر التفاصيل الصغيرة اللى مش شايفها اوى بس هى مهمه اوى مش عارف ممكن ايه تاني اعمله فى الوقت الحالى بس هحاول انى اجدد حياتى وابدأ ابص من جديد لكل حاجة بصورة مختلفة او من زاوية مختلفة اقصد .
من اجمل الحاجات اللى بشوف انها ممكن تساعد اى شخص فى انه يحسن حياته الانشطة الخيرية ومع انى حاولت اعمل كدا بس ظروف الدراسة والسفر ما قدرتش حتى النشاط جوا الكلية ما حاولتش ادخل فيه لاسباب كتير منها ان اصلا النشاط جوا الكلية شبه ميت وكمان انى اصلا كاره الكلية ( دي عايزة اعادة نظر بردو ) ولولا شوية اصحاب جمال اوى وجدعان اوى وطيبين اوى ما كنتش روحت خالص انا تقريبا تايه اوى حاجات قليلة اوى هى اللى انا متأكد منها ومش عارف الحاجات التانية ايه موقفى منها .

صحيح انا مش ناسي الحملة بتاعه ويكي بالعربي بس المشكلة اللى فى الفترة اللى فاتت اخدتني منها شوية
قبل ما انسي البلوجات دى متهاك عليها واخر تدوينات ليا عليها كانت بتاريخ الجمعة 16/9/2007
cheeeeeez.blogspot.com

cheeeeez.blogspot.com
ana-ma5no2.blogspot.com

كمان قبل ما انسي
ــــــــــــــــــــــــــــــــــــــــــــــــــــــــ
لأجمل انسانة فى الكون بحبك اوى ووحشانى ع الاخر

9 comments:

simple girl.. ..simple dream said...

ايوة كدة
كل ما تجيلك محنة تقوم منها اقوى من الاول
وزى المثل ما بيقول
الضربة اللى مانموتكش تقويك
ظبط حياتك كدة واقف على رجليك وانطلق للامام دايما

Che The Mad said...

شاهندة
شكرا على التعليق السريع دا
يا ريت تقويني يا رب
متبقيش تغيبي

تشي

mesh2dra said...

مبروك البلوج الجديد
وجميل النيولوك
ويارب دايما تعمل ريفريش لحياتك
وربنا يكرمك فيها

***
عارفة انى مقصرة اوى
بس معلش عندي امتحانات
بكرة بقى امتحان جباااار
ربنا يستر
دعواتك اوووى

commandor said...

الحمد لله علي كل حال يا احمد ولعل الظروف اللى انته مريت بيها دي تكون نقطه تحول في حياتك للاحسن -ان شاء الله -

وان شاء الله تنول اللى بتحلم بيه بس ده مش هيجي غير ببذل مجهود كبير ... واعتقد انك فاهمني كويس..وبالتوفيق،،

Che The Mad said...

مش قادرة
ربنا يبارك فيكي
وربنا يكرمنا كلنا

معلش بقي الامتحانات دي عاملة زى القضا كلنا لها انا هبدأ الاحد الجاى هدعيلك دلوقتى وابقي ادعيلي ساعتها بقي
ههههههههههههه

كوماندور
يا رب تكون للأحسن دايما
مجهود كبير هحاول حاضر

تحياتى كتير
تشي

yomna said...

جرى ايه يا عم
هما الهاكرز بتوع مصر كلهم سابوا باقي الناس و شغالين عليك و لا ايه

ربنا يجعل كلامنا خفيف عليهم...بس برده ايه الحكاية...الواحد كده بدأ يقلق

و ابقى ارسى على بلوج بقى بدل الشحططة وراك في كل حتة...راعي ان المعلم صحته على قده و مش حمل جري هنا و هناك

و ابقى بخر بقى البلوج ده عشان ربنا يفك عقدتك و يبعد العين عنك

Che The Mad said...

المعلم يمنى
انا مش عارف والله شكلهم بيجربوا فيا ولا ايه

ادينا راسين ع البلوج
انا عارف ربنا معاك يا معلم انا عارفك بتشقي والعيال بتوع القهوة ممسخينها خالص

اوامرك يا معلم هنبخر المحل قصدي البلوج اهو

ياللا سلاماتى علشان ورايا ماتشين فيفا عقبال عندك

تشي

soso said...

مبروك يااحمد على البلوج
وياريت قبل متعملريفرش لحياتك
تحاول تلاقى الفيروسات الى بتخلى البلوجات بتاعتك تقع
بس بجد
البلوج دة احلى
ربنا يديمة عليك
ويسعد حياتك

Che The Mad said...

soso
ربنا يبارك فيكي
بالنسبة لحكاية الفيروسات صعبة دي بس هحاول انا شيلت الويندوز والفيروسات انا معنديش فيروسات خااااااااااااالص بس ياللا الحمد لله
يا رب البلوج يعجبك والبوستات كمان

تحياتى كتير
تشي