البحر والسما والطريق وحياتى والملك

انا برضه بعشقهم بعشقهم وبعشق اسكندرية فى الشتا بالتي شيرت الكات والبنطلون البرمودا أو الشورت وتمطر كمان

انا بعشق البحر - الملك منير
نزلها من هنا

انا بعشق البحر
زيك يا حبيبتي حنون
وساعات زيك مجنون
ومهاجر مسافر
وساعات زيك حيران
وساعات زيك زعلان
وساعات مليان بالصبر
دا انا بعشق البحر

انا بعشق السما
علشان زيك مسامحه
مزروعة نجوم وفرحة
حبيبة وغريبة
وعلشان زيك بعيدة
وساعات زيك قريبة
بعيون متنغمة
دا انا بعشق السما

انا بعشق الطريق
لانه فى لقانا
وفرحنا وشقانا
اصحابنا شبابنا
فى ضحكت دموعنا
وفيه بكيت شموعنا
وضاع فيه الصفير
دا انا بعشق الطريق

انا بعشق البحر
وبعشق السما
وبعشق الطريق
لانهم حياتى
وانت يا حبيبتي انتى كل الحياااااااااااااااااااااااة


أنتِ كل الحياااااااااااااااااااااااااااااااااااة


-----------------------------
على أحر من الجمر مستني الشريط الجديد لأني قربت انتحر من الزبالة اللى بنسمعها دايما
انجز يا ملك

تشي

5 comments:

kikotalaat said...

سلامووووووووووووو عليكوووووووووووو
يا عم زبالة ايه اللي عمال تسمعها
أيوه منير علي عيني وراسي من فوق
بس فيهناس تستاهل تسمعها كتييير عندك إليسا الشريط الجديد كويس
عندك الأخ عمرو دياب كينج الكنوج وأحسن من منير كمان
عموما ديه أزواق بس زوقي أحلا علي فكرة
الليلة ديه سيبني أقول وأحب فيك
وأنسي كل الدنيا ديه وغمض عنيك
في حد يسيب ده ويسمع منير
عمومااااا
كان معكم كيكووووووووووو
بعد ما خلص امتحانات

CresceNet said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my site, it is about the CresceNet, I hope you enjoy. The address is http://www.provedorcrescenet.com . A hug.

Che The Mad said...

كيكو العزيز جدا جدا جدا
بلاش تقعد تكرر حكاية الامتحانات دي علشان ما احقدش عليك
بص بقي اليسا عمرو فؤاد دا كله ع العين والراس بس الملك ملك ومحدش يقد يفتح بقه فى دي منير وهو بيغني بعشق البحر وهو بيغني لما النسيم وصوتك وقلبي مساكن شعبيه وقلب فاضي ويا سمره وشجر الليمون وغيره وغيره يا ابني منير دا حالة متفردة مفيش زيه وهو الملك بدون منازع
ولا صحيح انت زملكاوى متعرفوش الحلو من الوحش ( وإلا ما كنتش استمريت زملكاوي هههههههههههههه)

ياللا بقي سلام علشان عايز انام شوية

تشي

marmar said...

ايه الرومانسيه اللى انت فيها دى يا تشى

بحر ايه وسما ايه ونجوم ايه

وامفروض انك كاتب الكلام دة فى الامتحانات باين عليك رايق وممش لاقى حاجة تعملها اقعد يا اخويا اسمع منير (قال كينج قال)

واسمع كلام كيكو واروح اسمعلك شريط جديد وبطل عصر الجاهليه ومنير اللى
انت فيه ده

سلامى

marmar

http://www.marmar-kanaria.blogspot.com/

Che The Mad said...

الله اكبر
دا كل من هب ودب بقي يتكلم على منير
طبعا لازم اكون رايق امال اقرف نفسي بالامتحانات على ايه يعني اللى ذاكروا عملوا ايه
واهو منير هنزل شريط يخرس بيه كل الالسنة
قال جاهليه قال
انتى زمالكوية ولا ايه وانا معرفش

ياللا بقي علشان دمي اتحرق
تشي