Freeeeeeeeeeeeeeeeeeeeeeeeee

ازيكو كلكوا انا خلصت امتحانات اخيرا
أخيييييييييييييييييييييييييييييييييييييييير أنا حر حر حر
Freeeeeeeeeeeeeeeeeeeeeeeeee
خلصت من امبارح بس سفر سبع ساعات وكمان خمس ساعات فيفا ما قدرتش انزل اى بوستات وقلت اآجله النهاردة بقي
امبارح كان يوم يعني نص جامد مكنش يوم خارق .... قضينا يوم فى الكلية امتحانا امتحان تافهه ولا ليه اى لزمة ووالله ما كنت قاعد لولا الموبايل ويتحرق الامتحان بقي بس ياللا اهى عدت على خير ورجعت بيتنا والحالة اشطات خالص اهي والواحد قاعد بينت اربعة وعشرين ساعة تتخلها فواصل للعب الفيفا ومعرض الكتاب كمان كام يوم وبيس ع الاخر
-------------------
شوفت يوم السبت (أول امبارح يعني ) فيلم حين ميسرة الفيلم هو الهم اللى يبكي والهم اللى يحزن يعني كله بسوداوية مش رؤية المخرج اللى سوداوية لا دا الحقيقة نفسها الفيلم حالة خاصة جدا من نظري وخالد يوسف دخل جوا مجتمع العشوائيات ببراعة يحسد عليها .. كان في انتقادات اتقالت عن الفيلم وطبعا انا داخل ومركز معاها اغلبها كانت صح وكان ممكن خالد يوسف يتلاشاها لو انه عمل الزمن 2009 مثلا وكان هيتفادي حاجات كتير ومحدش كان هياخد الانتقادات دي عليه فى حاجات تاني عن القنابل فى الفيلم وانها اخدت وقت طويل على ما تنفجر عن وقتها الحقيقي ودا فعلا صحيح وكانت برضه حاجة رخمة وكانوا ممكن يتلافوها
اخر مشهد فى الفيلم كان غريب قوي اتنين تقريبا بيدورا على بعض واطفال شوارع والعلاقات بينهم مش عايز احرق الحته دي علشان مهمة بس ابدع فعلا خالد يوسف والواد الممثل دا عمرو سعد الواد كان فعلا جامد ومشروع نجم قادم اتمني انه يكون احسن من اكتشافات قبل كدا اتحرقت بسرعة
-------------------
وانا ع الفيس بوك جالى انفيتيشن لابليكيشن اسئلة وبالاجابات بيقولك انت شبه مين فى المستقبل المهني وكان دا نتيجة الكوير
" Bill Gates - you have got competition! You've got a head for money and money. You'll make it prime-time some day, even if you haven't figured out how yet. A supreme individualist, you should try to shy away from a corporate job. Instead, make your own road - so that you can be your own boss. "
المفارقة انى فعلا بحب بيل جيتس وحلمي الاول انى اكون بيل جيتس العربي المصري ... انى اخلي مصر واحدة من المتحكمة فى سوق الاى تى فى العالم ( يا ريت لو حد هيتريق يوفر الوقت اللى يكتب فيه التعليق ) ياللا دي خطوة مهمة وعلامة ( لأنى مؤمن بالعلامات او الاشارات ) والفيس بوك بيوقلي انت صح خليك زى ما انت واكيد هتوصل ولازم هوصل وهو الحلم ايه غير انك توصله او تموت فى سبيل تحقيقه
-------------------
اخر حاجة سلام كبيييييييييييييييييييييييييير قوي للكبييييييييييييييييييييير قوي ( مقاما مش حجما ) احمد باشا فهمي علشان وحشني كتير

تحياتى كتير وعقبال كل اللى لسه ما خلصش امتحانات
تشي

10 comments:

kikotalaat said...

سلامووووووووووووو عليكووووووو

أول تعليق كالعادة

المهم مبروك ع الأجازة ولو إني حاسس الإحساس ده من زمان

بس أنا آسف إني غلبتك كتير في الفيفا لما رجعت يا تشي أنا عارف أكيد كانت أعصابك بايظة من الامتحخانات وكده

المهم انت دلوقتي خدت الفيفا واتمرن براحتك يا معلم عشان تعوض اللي فاتك

مستنيك عاوز أغلبك كام ماتش كالعادة

بس لما الدنيا تدفي شوية لاحسن مش قادر أدوس علي الكيبورد

كان معكم ..,
كيكووووووووووووو

Che The Mad said...

كدااااااااااااااااااب
يا سيدي ايه نسيت الخمسات والستات والسبعات امبارح انت وحاتم باشا والواد سعد دا انا اول مرة العبها وعملت فيكوا كدا كل المباريات فوز وهزيمة وحيدة ( الهزيمة بالكوسة طبعا ههههههههههه) مستنيك وبلاش تتحجج بالبرد ولا هي حجة البليد بقي

ياللا بلاش حجج

سلام
تشي

marmar said...

هههههههههههه

ايه الفضايح اللى انت بتعملها دى يا تشى

ثم اجازة ايه اللى انت فرحان علشانها انا فرحانه بس علشان معندش هذاكر ولا ماما هتقعد تقولى قومى ذاكرى بس

يلا بقى ادينا عايشين

وبطل فضايح

وانا زعلانه يعنى فهمى هيوحشك وانا لا؟؟ بنت الجيران حضرى ولا ايه

ماشى مردودة ليك يا جيفارا وخلى فهمى ينفعك
هههههههههههههه

يلا بقى سلام

marmar

http://www.marmar-kanaria.blogspot.com/

Che The Mad said...

فضايح ايه بس دا حاجة كدا على ما قسم

وبما انك لسه عيله فعادي ان ماما تقولك قومي ذاكري انا محدش بيقولي حاجة

والله كل ناس الكلية هيوحشوني بس الواد فهمي دا الحته الحمرا اللى ع الشمال وانتى ع العين والراس محدش يقدر يفتح بقه وانا اقدر برضه

وبالنسبة للفضايح عيب دا انا استاذ بس حد يقع تحت إيدي

ياللا بقي سلام علشان انا نازل دلوقتى

تشي

appy said...

مبروووووووووك انك خلصت الاستمحانات
على فكرة انا مدخلتش الفيلم ومش هقدر احكم عليه فى حاجه بس اعتقد انه عكس الناس ما بتقول ان ده مش بيحصل فى العشوائيات لا بيحصل مصايب واكتر كمان

soso said...

ههههههههههههههه
(:
حمد الله على السلامة
استمر يابيل جيتس
لا تقلق كلنا معك

Che The Mad said...

appy
ايه النور دا كله دا نور المركبة الفضائية شكله
على فكرة انا كمان بعتقد كدا وفى اخر الفيلم خالد يوسف قال " بعتذر لكل الناس اللى فى العشوائيات علشان ما اقدرتش اقدم الحقيقة كامله لأنها اقسي من كدا "
ودا في رأي صح تماما
نورتيني
----------
soso
ربنا يسلمك
ايوة كدا هو دا التشجيع ولا بلاش
قريب إن شاء الله مش بعيد

تحياتى كتييييييييييييييير
تشي

Traveller said...

ازيك يا جيفارا مبروك عليك مات ش الفيفا اللى خسرته و عقبال ماتعوض بس مهما كان مفيش احلى من الاجازة والنت والفيفا والموست وونتد وكمان الراحه من المذاكرة والامتحانات بس والله وحشتنى ووحشنى هزارك اللى بيرخم على بس بردة واحشنى
سلالالالام

Che The Mad said...

traveller
يا عم ولا يوحشك ولا حاجة من اول الترم ههريك رخامة ( قصدي هزار )
بس تصدق يا واد بجد والله وحشني كل الناس بتاعه المدينة والكلية

ياللا تحياتي
تشي

A7MeD F@hMy said...

ماشي يا عم تشي بتحرجني بكلامك و الله
و في معرض الكتاب معادنا ان شاء الله
سلام