تاج الملك تشي

بسم الله ....
ازيكوا كلكوا يا ناس ياللى بتعدي عليا هنا
النهاردة عامل تاج مخصوص لأصدقاءي من ارض الواقع والفضاء البلوجي الافتراضي

اول حاجة قسم ابولو قصدي قسم الحق ودا مخصوص علشان عفشة باشا حبيبي
واللى يرضي ياخد التاج يبقي بيتعهد امام الله والدولة والناس انه يجاوب بصدق
واللي مش ناوي يجاوب هو عارف عاقبته ;)

ياللا نبدأ
وكالعادة الاسئلة بالأزرق والإجابات بالأحمر واخر الموضوع هاحط الاسئلة كلها ورا بعض علشان نسهل عملية النقل عليكوا
التاج متمرر لكل اللى عندي ع السايد بار بلا استثناء من اول واحد لأخر واحد وبدون إجبار ( لكن في ناس عارفه نفسها مجبرة وإلا .... )
رغيت كتير أنا خلوني أبدأ .......
3
2
1
جووووووووووووووووووووو

1- عيب فيك ومش نفسك تتخلص منه ع الاطلاق

علي فكرة والله بحط الاسئلة قبل ما افكر فى الإجابة واديني دبست نفسي :)
مممممممممممممممممممممممممممممم
ممكن نقول الثقة والشك السريعين والاتنين باخد بيهم احكام مسبقة على الناس فى اول تعارف وبيحتاجوا لوقت اطول لتأكيد دا او ازالة اثاره

2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟

I- هند : لو ربنا كان عين لكل واحد ملاك حارس فأكيد هند الملاك خاصتي 
II- فهمي : ساعات بنظل نبحث فى الدنيا علي اشخاص يخافوا علينا ويفهمونا من غير كلام .... ولما نزهق بتهديهم السماء لينا ... فهمي
III - كيكوووووووووو : اقرب حد ليا من قرايبي وسلواي الوحيدة فى البلد التيت دي
IV- مروة كناريا : مجنونة ورزينة وفيها البدع
V- أحمد عبد الوهاب : أحد أهم الشخصيات اللى بتحمل قلب كبييييييييييييييييييير بس يبيع اي حد علشان الفلوس تيييييييت

3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟

I- سارة : غالبا بتبقي موجودة فى الوقت الصح وليها عليا حق كبير وشكلها مش هتساهولي
II- موصطفي العوليمي : اكتر شخص عايز اقابله واكلمه حتى الان ومعاه ينطبق المثل القائل ... كلنا فى الكأبة بلوجرز
III- ساااااااااااااااالي : المراية بتاعتي لما تواجهني بالحقيقة وتقولي فوق ، ما تعييش
IV- نيرة : أختي الكبيرة ( هي وسالى ) واكتر واحدة روحانية شوفتها بحسها حد شفاف كدا واكتر حد بيقولي اصبر سيبها لربنا :)
V- هبة (بوبا ) : اختي بردو هي كمان بس ايه يخرب بيت ام الطيبة ، ربنا ادها الطيبة اللى ف العالم كله قالها تفرقها ع الناس طمعت فيها واخدتها لوحدها :)

4- العشرة اللى فوق ... ابعت لكل واحد فيهم رسالة !
I- هند : احترت كتير اكتب ايه ؟؟؟ 
II- فهميز : بطل رخامة وحاول تعمل صلح بين قلبك وعقلك للوصول للحل الامثل فى الامور ايها ( وش شيطان بيضحك )
III- كيكوووووووووو : الحياة اكبر من تعقيدك ليها يا بتاع برج العقرب يا رخم 
IV- مرووووووووووووة : هتفضلي اطيب قلب في كليتنا التيييييييييييييت دي ( ربنا معاكي )
V- عب وهاب : لو ما جاوبتش ع التاج دا ليلتك عتبجي طين طييييييييييين
VI- ساااااارة : حاولي تعملي اللى انا مش عارف اعمله حتى الان ... تصالحي مع نفسك
VII- موصطفي : مازلت رغم معرفتي عنك لغز عصي الفهم
VIII- سالى : كل ما بشوف صورتك بتحضرني براءة الدنيا وانها ما تستاهلش حاجة
IX- نيرة : انتى بقي اللى كل لما بشوفك بيطلع للصورة جناحين وهاله بيضا من فوق ... ربنا يحفظك يا رب
X- هبه : محتاجة بردو تتصالحي مع نفسك وتحبيها حتى لو كان علي حساب الناس اللى ادتيهم ونستيكي
كلكوا علي بعض " ربنا يخليكوا ليا يا رب ويوفقكوا دايما ويحقق كل احلامكوا .............. "

5- العشرة اللى فوق دول اكتب لكل واحد كتاب او اغنية بتعبر عنه فى رأيك

I- هند : وسط الدايرة :)
II- فهمي : حكايتي مع الزمان
III- كيكو : اشكيك لمين والخصم انت والحكم
VI- مروة : مجنونة ( محمود العسيلي )
V- احمد عب وهاب : مدد يا رسول الله
VI- ساره : يا طير يا طاير.
VII- موصطفي : اي حاجة لفرويد هتكون مناسبة لكمية التعقيد اللى جواه
VIII- سالي : زي الملايكة
IX- نيرة : نقطة نور بهاء طاهر :)
X- بوبا : كلك علي بعضك حلو

6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟

مممممممممممممممم
سؤال رخم فعلا
انى ما سامحتش حد غلط في حقي

7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟

هخليها بعد م كذا حد يجاوب ع التاج بس هي متسجلة ف دماغي يعني

الاسئلة بقي علشان الكوبي والبيست
1- عيب فيك ومش نفسك تتخلص منه ع الاطلاق
2- اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟
3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟
4- العشرة اللى فوق ... ابعت لكل واحد فيهم رسالة !
5- العشرة اللى فوق دول اكتب لكل واحد كتاب او اغنية بتعبر عنه فى رأيك
6- حاجة وحشة جدا عملتها ف حق حد وما ندمتش عليهاوهتكررها لو حصلت ؟؟
7- أكتب رسالة لأي حد او حاجة او شيء او كيان او اياً كان فى الكون بدون اي قيد؟؟
مرة كمان التاج متمرر لكل اللى عندي ع السايد بار وخاصة الناس اللى عندي ع الميل 

20 comments:

marmar said...

اول تعليق

هيييييييييييييييييييييه

انا مجنونة يا جيفارا

ده انا اطلقت بسببك
ههههههههههههههههههههه

عموما شكرا بد انك افتكرتنى مع انك مش بتنسانى اصلا
ههههههههههه
ايموشن واحد بيطلع لسانه

بس الاسئله دى محرجه اوى
وشى هيحمر كتيييييير
ههههههههه

ahmedomar said...

تاج جميل يا تشى

اسئلتك جميلة

كنت اتمنى ارد علية بس للاسف لسة مجاش الوقت اللى افتح فية البلوج بتاعى

بس ان شاء الله اول لما افتح البلوج هرد على التاج دة

مهما طال الزمن

تحياتى ليك

عمر

الدرعمي said...

السلام عليكم

أنا بس جيت أطلب الإيميل

معلش

ياريت تضيفني

adam_4lovers@yahoo.com

ضروري بالله عليك


آدم

e_emy said...

ناس جميلة

ربنا يخليهم ليك
ويخليك ليهم

:) :)

Unknown said...

ايه ده مبتسامحش حد غلط ف حقك ؟؟

ياه دانت باين قلبك بلاك

بس انت من الشخصيات اللي اتشرفت بمعرفتهم جدا بجد

و ربنا يخليلك اصحابك اللي فوق :)
تحياتي :)

ياسمين

Unknown said...

ايه ده دانا متدبسه في التاج :o

ماشي يا عم أحمد

هجاوبه ف اقرب فرصه

بس سيبني كده لبعد العيد أكون فضيت انت عارف انا مشغوله اليومين دول

ياللا أشوفك علي خير

Oss said...

الله أطبر
أنا بجد اتشليت من نظام الكومنت اللى فات
:X
ده الواحد اتخنق يا راجل
:)

عموماً تم التنفيذ
التاج خلص ومنشور
بس مش مسامحك علي الأذيه دى يا تشى ليوم الدين

ولا كتير
خليها لبعد بكره
:)
سلام
وكل سنه وانت طيب

Che Ahmad said...

مرمر القمر

يا بنتي انتى الجنون كله بس ايه ربنا يخليكي بجنونك

اما بخصوص طلاق فدا لوطينة ( من واطي يعني ) اللى بالي بالك

علي فكرة الاسئلة مش محرجة ولا حاجة
جميلة والله :)

منورة

Che Ahmad said...

عمر

عمر انت انسان بجد خيالي
بجد عليك طيبة قلب تكفي بلد
مستني لما تفتح البلوج

عمر انت كمان محتاج تتصالح مع نفسك
طول عمرك بتحس بالناس وتساعدهم وتعمل لهم كل حاجة تبسطهم ناقص واحد بس المفروض تعمله دا
اول اسم من حرفه " أحمد عمر " :D

منور يا قمر

Che Ahmad said...

أدم
علم ونفذ بالفعل يا افندم

Che Ahmad said...

إيمي

ويخليكي يا رب ويخلييك كل حد واي حد بيعنيلك حاجة في حياتك

مستني التاج منور عندك

Che Ahmad said...

جاسمين

لا انتى فهمتي غلط
انا دايما بسامح والله
بس شخص واحد بس هو اللى ما سامحتوش في حياتي حتى الان
لكن بقية الناس هما يجاوبوا عني لانهم ادري منى بمسامحتي

وانا كمان علي فكرة مبسوط انى عرفت حد زيك ( حد ف حاسبات وبيفكر وعنده اهتمامات اخري ... معجزة ) :D

منورة يا جميل

Che Ahmad said...

جاسمين مرة كمان

خدي وقتك ع الاخر
بس اهم حاجة التاج يتجاوب فى الاخر :)

Che Ahmad said...

أوس والله علشان خاطرك غيرت نظام الكومنتس اصلا يا كبير

وليه يا عم فين الاذية بس دول سبع اسئلة بس يا راجل
كويس انها لبعد بكره بس

يوم الدين كتير اوي علي واحد علي قد حاله زي حالاتي

HaMaDa 3aFshA said...

اقسم بالله العظيم ان اكون مدونا محافظا على الرد على هذا التاج بكل صدق وامانة
كده برده يا تشى تعملها فيا دا انا قعدت وفطرت بتضحك عليا دا ما حدش عرف يعملها بس ماشى ورحمة كل غالى ما هتعدى على خير ههههههههههه
متشكر يا حبيبى على كلامك ليا واللى بجد بيشرفنى اوى وبيسعدنى جدا ان شاء الله هرد علطول شوف هعطل الشغل والفلوس وارد اهه ههههههه
استنا ردودى

Oss said...

انا ماخدتش باللى غير دلوقتى
*الله أكبر

:)
اتلخبط والله

صفا سارة said...

يا سيدى محصلش حاجة خلاص
بس حلوة التدبيسة دى اوى وربنا يسهل بئه واجاوبة هههههه

Che Ahmad said...

عفشة باشا

معلش بقي علقة تفوت وههههههههههههههههههه
بس اي ضحكت عليا دي ما انا علي طول بضحك عليك يا تيييييييييت

سيبك انت
منور

Che Ahmad said...

اووووووووووسامة

يا عم ولا يهمك فهمتها والله
لاااااااااااا انا اصلي بفهم واعجبك اوي :D

Che Ahmad said...

صفا

خلاص صافي يا لبن يعني

وبعدين تدبيسة ليه دي حلوة اوي والله :D