تاج فرعوني


التاج دا عبارة عن سؤالين
بس
السؤالين متعلقين بالفراعنه القدماء
وهما من فيلم ذا بوكيت ليست واحد من اجمل الافلام اللى شوفتها فعلا
كلام كارتر في الفيلم هو التاج .... خلينا نبدأ


المصريون القدماء كان لديهم اعتقاد بهذا الخصوص
حين تصل ارواحهم إلي الجنه فالآلهه تسألهم سؤالين
إجابتهم تقرر إذا ما كانوا سيقبلون ام لا

السؤالين بقي هما التاج

(1)
هل وجدت البهجة في حياتك ؟؟
(2)

هل تسببت في منح البهجة للأخرين ؟؟

التاج لأي حد عايز يجاوب عليه
سواء عنده ف البلوج
او في رد عندي هنا لو يحب

محبتي

12 comments:

Yasmine Madkour said...

السؤال الأول أيون
السؤال التاني أيون :D

:))))

Oss said...

بص يا سيدى

السؤال الأول
إجابته الحمدلله
فحياتى الحمدلله حتى الآن بيغلب عليها السعاده

أما السءال التانى
فإجابته لأ
ماسنحتش فرصه إنى أسعد حد بجد
لكن ممكن أكون أسعدت أسرتى فى الدراسه وكده
بس أنا باعتبرها واجب عليا
فكده للأسف أن 50%

تحياتى يا مان

Boba said...

هو الاولاني
يمكن في يوم من الايام كان اه بس دوقتي لا

التاني بقى معرفش
ومش انا اللي اجاوب عليه
بس اعتقد برده انه لأ

عبد الحميد محمد said...

سأجيب

عفوا ايتها الالهة
لو كنتم تظنون حقا انهما سؤالين .. ؟ فأنتم يفترسكم وهم قاتل

لا اري امامي سوي سؤال واحد
فلطالما كانت بهجتي متمركزة حول ابهاج الاخرين
.
.
ربما سيرمقونني بنظرة نارية قبل ان اتنحنح و اسأل
قولتولي باب الجحيم منين ؟
:D

HaMaDa 3aFshA said...

السلام عليكم
احمدباشا حبيب قلبى واحشنى ياباشا خلاص الاجازة فى الانفاس الاخيرة وهنتلم مع بعض تانى
ندخل على التاج الجميل ده
بالنسبة للسؤال الاول متهيألى المفروض ما يبقاش كده المفروض يبقا هل استمرت البهجة فى حياتك اصل كل واحد فينا اكيد قابلته لحظات فرح وبهجة انما ما استمرتش مع كل واحد ولا كانت هيا السمة الغالبة فى عمره انما الحمدلله قابلت لحظات مبهجة كتيروكتير كان فيه لحظات الم بس بحمد ربنا بقالى فترة كده مبتهج ونمسك الخشب يا جماعة هههههههه
اما بالنسبة للسؤال التانى فاعتقد ان الحمدلله دا حصل وانى بحاول على قد ما اقدر احقق دا يمكن اوقات كتير بضغط على نفسى وادارى حزنى علشان غيرى وبعمل حاجات كتير علشان ابتسامة يعنى وربنا يوفق
مرسى ليك ياباشا على موضوعاتك الجامدة

Anonymous said...

يارب تكون بخير

Che Ahmad said...

ياسمين
اعتقد الجواب بتاعهم هيكون اتفضلي مع خالص التحيات

Che Ahmad said...

اوس
الاجابة دي ما تدخلكش ثانوية عامه
شد حيلك شوية واسعد الناس من حواليك

Che Ahmad said...

بوبا
اتمني يبقي قريب إجابة الاول اه والتاني انا اعتقد اه
شدي حيلك انتي كمان

Che Ahmad said...

عبد الحميد

يا عزيزي وكيف لرجل المطر والماء ان يذهب إلي الجحيم

اعتقد إجابتك لباب النعيم مفتاح

Che Ahmad said...

ايه يا ابني انت هتفلسف ع الالهه ولا ايه
هههههههههههههههه

ربنا يزود لحظات بهجتك يا جميل ويعطيك من نعيمه ويوردك اياه

Che Ahmad said...

Anonymous
as far you are as I'm fine