دنيااااااااااااااا


بلوجي العزيز

وحشتنيييييييييييييييييييييي
ايوة والله وحشتني
انا عارف اني ندل ومقصر معاك
ومش بجيلك إلا وانا محتاج اتكلم
معلش بقي اعذرني ما احنا ملناش إلا بعضينا علي رأي اللى قال
عارف انك كويس ومش محتاج اطمن عليك واكيد انت كمان عارف انا عامل ازاي دلوقتي
...
الفترة الأخيرة بشغل نفسي جدا
ببقي مبسوط اوي وانا شاغل نفسي وبجد حابب اللى بعمله
بس لما الحاجات دي بتقف او لحظات توقف قصيرة مفيش فيها حاجةى أعملها تحيلني تلك اللحظات لنفسي
ونفسي للعجب تقسو عليا كما لم يفعل احد من البشر ، تراها تنقض عليا لتفزعني وتأرق أحلامي ... أحلامي !!! هل أتذكر متي أخر مرة حلمت بها ، للأسف لا ... لم اعد احلم كثيرا ولم اعد اتذكر الأحلام ، بالتأكيد اقصد احلام منامي - باتت نفسي شريكة الدنيا في جريمة قتلي
باتت معذبتي وقاتلتي ، والدنيا ... لم تتأمر عليّا !!؟؟ لم أؤذها أقسم لكنني فقط تمردت علي طبيعتها وركونها للسكون فلا انا اهل للسكون ولا هو يناسبني ، لم تعذبني دوما الدنيا هي الأخري ... حسنا يمكنني الاعتراف انى تعودت علي عذابها ولم يعد معي يجدي ، لكنها ليست بهذا العجز فهي تعرف كالعقارب كيف تلدغ فتصيبك قاتله ... تصيبك في اقرب الناس إليك ف الحياة فتنغص عليك حياتك وهي للعجب لم تمسسك
يا دنيا ها انا ذاك اعترف
مللت حيلك والاعيبك مللت خداعك وطرقك الخلفية
بالله عليكي إن كنتي ترينني خصما فأنا أرض المعركة
لا داعي لضربات تحت الحزام ولا لتحويل المعركة إلي أرض اخري ليست بأهل لمواجهتك
أنا الخصم الآن وها انا انتظرك لكن دعي الأخرين فلم اعرف قبلا أن هذا من شيمك
يا دنيا ها أنا ذا فلتأتي لي ها هنا إن كنتي تستطيعين
واتركي للأخرين أقدارهم هي أهل أن ينشغلوا بها

10 comments:

Boba said...

انا كمان وحشني بلوجك
اووووووووووووي

وسيب الدنيا تعمل اللي هي عايزاه
لا قلقنا منها ولا خوفنا من اللي شايلاه لينا
هيخليها تغير رايها
او نصعب عليها

سيب بكرة للي خالق بكرة يا جميل
اوع تعيش النهاردة وانت شايهل هم بكرة اللي انت مش ضامن انك تعيشه
ربنا يسعد ايامك يا جميل
:) :(

صفا سارة said...

ممممممم مش جديد اللى بيحصل وممكن متوقع بس بردو بيبقى فوق قوة الاحتمال بس فى الاخر غالبا بيفوت يعنى او على امل انه يتحسن ربنا معانا :)

AHMED SAMIR said...

طب دة حوار عائلي بين واحد وبلوجه
ممكن نتدخل في الحوار ولا يبقى فيها رذالة مننا؟

HaMaDa 3aFshA said...

محن الزمان كثيرة لا تنقضي
وسروره يأتيك كالأعيــاد
ملك الأكابر فاسترق رقابهـم
وتراه رقّا في يد الأوغــاد

خلى بالك من نفسك شوية

دع الايام تغدر كل حيــن
فما يغني عن الموت الـدواء

mesh2dra said...

حلو البوست ده يا ولد
جداااا

حلو الاسلوب وحلو الاحساس

كلمة ف ودنك بقى
انت قوي أوي على فكرة
حتى ولو من تحت الحزام

احتراماتى :))

Che Ahmad said...

بوبا
اجمل جملة قولتيها : وانت مش ضامن انك تعيشه

منورة

Che Ahmad said...

ساره
ونبقي علي الأمل

منورة بردو

Che Ahmad said...

ابو حميد
يا جميل واحنا نطول تتدخلوا بينا

بردو منور

Che Ahmad said...

عفشة
هخلي بالى من نفسي حاضر

وكمان مرة منور

Che Ahmad said...

بسمة
يا رب ابقي دايما قوي

منورة كمان مرة