خطاب بعلم الوصول

ازيك يا عم عيد
تصدق واحشني
ما تقولش بتيجي كل سنة والكلام دا علشان مش باكل منه ، دا انا كل سنة ف الميعاد اللى الناس بيقولوا انك بتيجي فيه بستني ومش بتيجي ، ما تقولش بتيجي بس ، طيب بأمارة ايه ؟؟
تعرف ، يمكن تكون بتعدي علي ناس وناس ، واكيد انا من الناس اللى مش بتعدي عليهم
اصله مش معقول تكون بتيجي وانا بقالي يجي سبع سنين بستناك وانت بتضحك عليا ، تعرف انا يمكن من اخر ايام اعدادي ومعرفكش ، نسيت شكلك وريحتك ، بغض النظر عن ريحة اللحمة اللى بيقولوا انها لازمة لما انت تيجي ، وبغض النظر اني بفطر بعد رمضان بس انت ما بتجيش ، دا انا بنزل اصلي العيد زي الناس بردو ، واقول يمكن يجي لو صليت وما بتجيش ، طيب ايه ؟؟
تصدق اني مش فاكر اخر مرة عديت عليا كان شكلك عامل ازاي ، دا انا اخر مرة قالوا انك جيت فيها فضلت مطبق علشان ما تقولش لقتني نايم ولا حاجة ، وفضلت مستني وصليت وسلمت ع الناس اللى اعرفهم واللي معرفهومش ، ولقيت الناس فرحانة وبتقول العيد جه العيد جه ، بس انا مش لقيتك يا عم عيد ، اسئلهم جه فين يقولولي جه ، زهقت ونمت ، وسبتك قاعد معاهم وناسيني ، يا عم عيد .
طب اقولك كمان ، انا بطلت اخد عيدية ، اه والله ، ما انت ما بتجيش ، ومحدش بيقولي اخد عيدية ، وانا مش بقول لحد اني عايز ، ومش بدي لحد عيدية بردو ، تعرف لو علي عيد الكبير ، ماشي ، ليها سبب وهعديهالك واقول دا بسببي ، بس خلاص راح السبب ، فكها بقي وعدي ، طب والصغير ؟؟ مش بسببي بقي ، مليش فيه انا ، وبعدين يا راجل دا انا كنت مبسوط ، اه والله وانت سيد العارفين انا كل فين وفين لما اتبسط ، تيجي انت ليهم كلهم وما تجيليش ؟؟
انا مش زعلان منك علي فكرة ، اصلي انا ف الاساس مش عايز ابقي سعيد
بس ولو يعني
اكسر بخاطري مرة وتعالي وخليني اقول اني سعيد
دا انت تلت تربع كلمة سعيد
تصدق بالله ما مكلمك تاني
ولا هسألك ما جتيش ليه
ولا هسأل فيك
والنهاردة هفضل صاحي لحد الصلا وهصلي وانام
وابقي روحلهم بقي وسبني لوحدي
انا اللى هسيبك لوحدك
!! ياااا .... عم عيد


أحمد تشي

12 comments:

El_Tahan said...

انا العيد هييييييييي يااحمد افرح وجايلك كمان السنه دى قبل الناس كلها وبعدين كل مااعدى عليك الاقيك قافل الباب فبطر امشى معلشى يااحمد وبعدين انت بطلت تاخد عديه غلطان وكل سنه وانت طيب ياتشى

اقصوصه said...

عسى كل ايامكم عيد :)

hend mossallam said...

:D:Dكل سنه و انت طيب يا عم

Anonymous said...

alslamo 3likom
kol sana wenta typ we kol ayamak 3ed bas fokha enta we htla2y el 3ed 2a3ed m3ak eqama mostadema
bas blash thsha2om br3'm enny lama bshofak dyman ala2ek bted7ak
salam
taqabal mrory

Anonymous said...

مدام سبته ومش زعلان يبقي هيجيلك لحد عندك ويزورك وهو نادم :))))))))

ايه يا احمد ده
اقلع النضاره السودا دي وبص كويس .. العيد واقف قدامك اهو بس انت مش واخد بالك ..:)

كل سنه وانت طيب

Che Ahmad said...

صلاح
قالولك عليا اخويا الصغير
قال جايلك قبل الناس قال

العيد مات

Che Ahmad said...

اقصوصة

دا حلو ولا وحش يعني :D

اصل العيد عندي مش حاجة حلوة يعني

Che Ahmad said...

وانت طيب يا عم

Che Ahmad said...

انونيموس
هو كل اللى بنشوفه بيبقي صح ؟؟
إطلاقا

Che Ahmad said...

هاجر

بغض النظر عن اني عندي اكتئاب الاعياد الشهير
بس انا كنت ساعات بستناه وهو مش بيجي

دلوقتى بطلت

وانتي طيبة يا جميل

maii said...

2na bardo kont 7assa 2n 2l 3ed ma weselsh 3andak lama get 23ayed 3alek
howa makansh lessa wesel 3andy
bas 2olt yemken 2la2eh 3and a7med
bas la2eto mawselsh 3andak kaman
yalla 3obal 2l sana 2lly gaiya

Che Ahmad said...

عقبال السنة الجاية لما ما يجيش بردو :D