كنت مستني اخلص امتحانات علشان افوق من قرف الامتحانات دا لانى مش متصور ان ممكن حد يكون بيكره كليته زيي ياللا مش مشكلة ما الدينا بقت كلها تتكره جت ع الكلية يعني
المهم انتى كنت قايل انى مش هدخل نت الاسبوع دا خالص فى الزقازيق لأنى ما رجعتش البيت لسه وقلت اقعد شوية فى الزقازيق
المهم انى خلصت امتحانات وحالتى النفسية باظت خالص معرفش ليه بس هى بتيجي كدا فجأة وكنت مقرر انى اقاضع النت لغاية ما ارجع البيت بعد خمس ايام من النهاردة لكن انا قصاد النت ضعيف جدا ( وقصاد حد تاني برضو ببقي ضعيف ^^ ) المهم دخلت من سيبر وبدخل على بلوج روقان اتفاجئت بخبر وفاة داليا عز انا معرفتش اصلا اعمل ايه او اتكلم حتى كتير مدونين بيروحوا وبندعيلهم دايما بس مين فكر ايه اللى هيحصل لو كان مكانهم مش عارف انا اصلا كنت داخل نت علشان احسن من حالتى النفسية باظت زيادة ياللا مش مشكلة
البوست يمكن يكون بايظ وداخل فى بعضه بس معلش بقي هى جت كدا
5 comments:
سلامووووووووووو عليكووووووووو
كفارة يا معلم
وكل ميدتيرمات وانت طيب
الميدتيرمات ديه زي الحقنة بتوجع في الأول بس بعد كده بتنسي انت بتمتحن ايه أصلا
يا بني انت محتاجلك دورين فيفا تتغلب فيهم كالعادة وانت تفوق وتنسي الدنيا
صحيح انت حالتك بتبوظ بعد ما تتغلب مني أنا عارف بس انت أكيد اتعودت خلاص وبقيت تحس انك مش سعيد لو غلبتني ولا حاجة
عموما مستنيك يوم الخميس لاحسن إيدي بتاكلني علي الدبليو والإي والإس والدي والأيه
كان معكم ..,
كيكووووووووووووو
كيكو
يا عم كفاره ايه الفاينل كمان اسبوعين
سيبك انت والله كان اجمل تهييس فى الميد تيرم اللى فات دا
هههههههههههههه
انا رجعت البيت اهو من اول الاسبوع لما تتعوز تتغلب فيفا تعالى اغلبك دورين معاك لحد الخميس بس
:P:P:P
صحيح الحروف اللى وحشاك دي اتمسحت من ع الكي بورد يعني براحه ع الكيب بورد شوية
سلامات بقي
تشي
حبيبى تشى اللى من يوم ما شوفته ف الفرح ايام البلوج ين القدام بقى الله يرحمهم
اسف قلبت عليك المواجع
المهم..حبيتك يا واد يا تشى ف الله والله
بس نوصل بقه نقول مبروك على انك خلصت امتحانات
والزقازيق على فكره بلد جميله والمجمع بتاعك تمـــام يا ريس
اتمنى ان الحاله بتاعتك تكون بقت فله دوقتى
واتمنى برده ان ربنا يباركلك ف اللى تتمناه وتبطل شحتفه بقه وتتجوزها ان شاء الله
واتمنى برده انك تتفكر فى موضوع الاخت داليا عز وان كلنا ممكن نبقى ف اليوم ده
ومش الهروب هو الحل
ع العموم فتره وعدت يا واد
وانهرده احسن
وكفاره يا راجل
سلاموو يا كبير ومستنى بوستاتك الروشه يا واد
ساجي
تصدق بالله وانا كمان بحبك بس لولا انك بتأخر عليا المشاريب فى القطار بس ياللا مش مشكلة
ربنا يبارك فيك وعقبال الفاينل
هى الزقازيق جميله وكل حاجة بس الوحدة قاتله بقي
وانى برده اتمني ان ربنا يباركلي فى اللي بتمناه وانت كمان برده وتبطل تبص وانت داخل وخارج من المحاضرة بجنب عينك الشمال عليها:P:P:P
ياللا يا رب اعرف اخرج من الحالة دي وتبقي تشوف البوستات الروشة
تحياتى كتير
تشي
والله انت عسل
لو تيجى تشوف الابتسامه اللى اترسمت على وشى دوقتى
بجد ما خيم الحزن كتير عليا
هتعرف قد ايه فعلا انت نجحت انك تروشنى يا واد يا جامد
بجد نفسى اتعرف بيك
وشكرا كتير كتير كتير قوى على الهديه وفعلا مفاجاه بس مش بعيده عليك يا غالى
انت جدع بس نفسى اعرف ابن المركوبه اللى سرق المدونه بتاعتك
ده كفايه البوست بتاع تشى المخلص ده
يااه يراجل معقول هنشوف بوستات بإمضاء تشى الروش ..تشى الحبيب
بدل تشى الكئيب والحزين والطهقان
فك يا راجل ..ماحدش واخد منها حاجه
وعلشان خاطرك بجد وربنا يعنى يرزقنا الاخلاص هنكمل ال 45 يوم كلهم بإذن الله
وهحاول على قد ما اقدر اكون عند حسن ظن الجماعه
يلا يا واد
فى رعايه الله اسيبك
وبطل تريقه بقه يا كبير..دا انا مشحتف خالص على فكره ..ربنا ما يوريك
يلا سلاموو يا كبير
Post a Comment