الرأي الأخر

فى رد على الموضوع بتاع الجروب اللى ع الفيس بووك واللى كنت عملته قبل كدا جالي رد من عصام وفيه شوية اسئلة واستفسارات ولان التعليق كان كبير حبيت افتحله موضوع لوحده وعلشان اجاوب باستفاضه على الاسئلة ....

دا رد عصام


اسمحلي اخي العزيز أرد عليك ...

اول شيء ماهو تحديد الهدف من الموضوع اللي حضرتك نزلته :

1- عايز تقول انك غير عن الناس ؟
وده حقك .

2- عايز تقول للناس ممكن تفوقو من النوم بتاعكو ؟!
ودي حاجه حلوه ان فيه حد صاحي على الأقل !!!

لكن عندي تعليق صغير اشمعنى الجروب ده هوا للي حرق دمك !! مافيه حاجات كتير احنا بنعمله على نفس الشكل !!!
وبنفس الطريقه !!!
تسمح لي اجاوب عنك زي ما جاوبت عن اللي عمل الجروب برضو ( ده اسمه ارهاب فكري )

ماهو ارهااااب الفكري ؟؟
هوا انك تخلي الناس تسوي الحاجه اللي انت عايزها من غير ما تقول لهم اعملو كده بشكل مباشر !!
ازاي ..بص يا باشا
انت دلوقت قاعد في النص مع ناس روشه واخر جمال بيتكلمو عن الدين وعن نصرة النبي عليه السلاة والسلام
هما مش كويسين اوي في الصلاه بس اهم قاعدين بيتكلمو في حاجه ممكن تشفع لهم
تقوم حضرتك داخل عليهم في النص وتقلو لهم ايه رأيكم نروح نسمع حاجه مزيكاتي ونعمر الجو ونزبط لنا مزه حلوه الكل هيسكت احنا كنا في صلاه ودين وانت صاحب مزاج بقى !!
تقوم حضرتك تعمل تصويت علشان تظهر انك مش لوحدك اوي واننا كلنا وحشين ومحدش احسن من التاني ...
اللي عايز يروح المسجد يروح احنا كلنا رايحين على الكفتيريا..
طبعا علشان تخلي اللي عايز يروخح المسجد وتظهره بمظهر انه انسان ناقص لازم تقول الكلمه بطريقه بايخه شويه وترمي بوشك شمال شويه ولما تقول كلمة الكفتريا ارفع صوتك ولعلع علشان يتزبط الجو !!!


ده الارهاب الفكري !! الجروب اللي حضرتك زعلان منه انا شايف انه مالوش داعي يبقى جروب على الفيس بس الكلام اللي في الجروب مافيهوش اي عيب ولا اي حاجه يا باشا علشان تنزل حضرتك موضوع ( ولا تعليق ) علشان تقول الجروب سخيف !!!!

طب يا باشا مافيه قنوات أسخف وأسخف !!!

مافيه استفتاءات هااايفه عن فنانين وممثلات وعالم بنت ستين جزمه اكلونا واكلو ام البلد ...
ولا هيا مجرد نفخ كلام وخلاص ؟؟؟
ولا هيا شويه برطشه كلام والسلام
اتمنى ما تحددش تاني في حديثك وتكون شخص واعي بأصول الحضاره
ويا سيدي انا عايزك تتكلم براحتك وتفتح قلبك ..
بس رتب أفكارك واعرف انت عايز تتكلم عن ايه بالزبط !!
هل انت عايز تتكلم عن الجروب ولا عن الارهاب الفكري اللي بنعيشه كل يوم ولا عن الضغط النفسي اللي بتلاقيه في كل حته ولا عن الناس اللي بتشارك في جروب زي ده ولا عن موضوع الاستفتاءات حقيقي ولا بس مجرد فلم هندي !!!
ويا معلم ( معلش احنا بنتكلم )


باي

May 6, 2008 10:23 AM

اول حاجة تحديد الهدف من موضوعي
مش لازم يكون فى هدف ما غير انى لقيت حاجة مش عجبانى وعلقت عليها بطرقتي وفى البلوج بتاعي
لكن خلينا نقول انى غير الناس دي ودي فعلا حقيقة وانا مش لوحدي غيرهم ولو انا مش مختلف عنهم مكنتش نزلت البوست اللى فات وانى بقول اصحوا دا برضه صحيح لكني مش هقول للناس كلها اصحوا فـ ع الاقل الناس اللى بتيجي عندي بلفت نظرها لحاجة زى كدا لفتت نظري انا كمان واختلفت معاها يمكن اكون غلطان او حاجة ....

حاجة كمان والله الجروب ما حرقش دمي اصلا لانى مش هحرق دمي على حاجة هايفة ومش مجرد إبداء رأيي يعتبر ان دمي اتحرق وكمان مش الجروب دا لوحده والله اللى مضايقني لا دا في كتير وكنت بجمعهم علشان اعمل موضوع عنهم بس مش للبلوج هنا لحته تانية لما اخلص الموضوع إن شاء الله ابقي اتكلم عنها

جاوبت عني ... ماشي ولا يهمك
انا بقي كدا بعمل ارهاب فكري
ماشي اوكي
انت شبهتني فى كلامك بالشخص اللى مش عايز الناس تروح للدين ويروحوا الكافتيريا او فى الموضوع بتاعنا انا مش عايز الناس تنصر الاسلام !!!!!! بس على الاطلاق الكلام دا غلط تماما
انا قلت ما نمشيش ورا حد واحنا مش فاهميين الكلام قولت ما ينفعش نبقي زي الاغنام منقادين بدون وعي منا .... ايه الفرق بين واحد بيفهم وواحد بيمشي ورا الهوجة وخلاص
الفرق ان فى واحد شاف الناس بتعمل حاجة ما عملش زيهم وخلاص لا قال اما اشوف الكلام دا صح ولا غلط لقي حاجات صح وحاجات غلط عمل الصح وساب الغلط مفيهاش حاجة دي
انا ما قولتش ما نروحش نعمل التصويت بس لما نروح يبقي فاهميين رايحيين نعمل ايه
قولت كمان ما اقولش ياللا نروح نصوت بكذا وكذا وكذا بدون وعي منا والمفروض محدش يقول امشوا ورايا فى كدا
المفروض لو حد عايز الناس تروح تصوت يقول فى استفتاء فرنسي من عشر اسئلة السؤال الاول معناه كذا وإجاباته الاولي معناها كذا والتانية كذا والتالتة كذا والناس تروح تختار كل واحد واللى يناسبه مش يقول روحوا اعملوا زى ما انا بقول وبس

حضرتك شايف ان الكلام مفيهوش اي عيب ..... بس انا وعلى العكس تماما شايف عيوب كتيره فى الكلام ومش فى الكلام وبس لا وفى اللي مصدقين على الكلام دا واللى قاربوا 31 ألف ونص عضو

عيوب الكلام ان شخص واحد بس بيطلب من الناس انها تعمل اللى هو عاوزه وبس والناس مشيت وراه بدون تفكير
عيوب الكلام ان الشخص دا اصلا مش عارف الهدف الحقيقي من الجروب واللى انا وضحته فى البوست اللى فات
عيوب الجروب كله اننا بقينا بنجري نعمل اي حاجة بمجرد ذكر اسم الدين بدون تفكير وكأن ديننا بيأمرنا بإلغاء العقل

الجروب سخيف ... انا ما قولتش كدا لكن اديني بقول انه جروب تافهه لان اللى عامله مش عارف اصلا هو بيتكلم عن ايه ولا عارف الهدف من الحاجة اللي بيتكلم عنها بالذمة فى بعد كدا تفاهه ؟!!؟

نيجي لحته فى قنوات اسخف وفى استفتاءات ألعن
وانا مالي بدا كله ؟؟؟ أنا شوفت حاجة ما عجبتنيش قولت رأيي فيها
بتفكرني بالعادة الدايمة بتاعتنا
اقول احمد وحش تقولي ما محمد كمان وحش
يا عم ايه جاب محمد دلوقتى
بقول احمد وحش قولي اه وحش او قول لا حلو وملهاش لازمة سيرة محمد خالص
اعتقد كلامي واضح

وبعدين اي بلد اللى حضرتك بتتكلم عنها
حضرتك فى البروفايل بتاعك وفى الفيس بوك من السعودية
إذا كنت بتتكلم عن السعودية فدا حقك لانها بلدك وانا الصراحة معرفش ظروفها ولا احوالها بالظبط علشان اتكلم عنها
اما إذا كنت تقصد مصر فدا مش من حقك لانها مش بلدك ( دا حسب كلامك انت فى البروفايل بتاعك ) وكمان الفنانين والعالم اللى حضرتك قولت عليهم ( ولاد ستين جزمة ) واخد بالك حضرتك جمعتهم كلهم ويمكن فيهم اللى احسن مني ومنك وحتى لو مفيش هما كلهم وامهاتهم هيقتصوا منك يوم القيامة لأنك غلطت فيهم وشبهتهم بالجزم مع إن ربنا خلقهم بني ادمين وربنا قال ( ولقد كرمنا بني أدم ) تيجي انت يا بني ادم تهين بني ادم زيك وتشبهه بالجزمة !!!!؟ ( بقف ع الواحدة انا صح ... عادي يعني مفيهاش حاجة كلامك وانت مسئول عنه )
نرجع للموضوع تاني العالم دول اللي هما الفنانين والفنانات اكلوا اي بلد بقي من وجهه نظر حضرتك و ( اكلونا ) المفروض مقصود بيها مين بردو .... عموما مش دي مربط الفرس انا بس كنت احب يبقي كلامك اوضح وبطريقة احسن شوية

وهى مش مجرد نفخ كلام وخلاص ولا ( برطشة ) لكنه كلام مقتنع بيه كله حرفيا ومقتنع انه رأي يستحق
وحتى لو هو نفخ كلام و ( برشطة ) بلوجي وبكتب عليه اللى انا عايزة ودي حريتي الشخصية اكتب اللى انا عايزة زى ما حريتك تكتب اللى انت عايزة

ومش عارف تقصد ايه بـ " اتمني ما تحددش تاني فى حديثك وتكون شخص واعي بأصول الحضاره " الصراحة انا صحكت فى الحته دي ومش عارف معناها كويس ( مش بتريق والله بس دا اللى حصل ) يعني ايه واعي بأصول الحضارة ؟؟؟؟

وبعدين بتطلب مني ارتب افكاري واتكلم عن حاجة محدد
انا اتكلمت عن الجروب وبس لا جيت اتكلمت عن ارهاب فكرى ولا حاجة اتكلمت عن الجروب والكلام اللى عليه وبردو حتى لو فيلم هندي ( مش بحب الافلام الهندي على فكرة ) فدا من حقي ع البلوج بتاعي اعمل الافلام اللى انا عايزاها

اسف لو كلامي فى نبرة شديدة شوية لكنها رد ع نفس نبرة كلامك الموجهه ليا
وعموما اتكلم براحتك فلكل زائر لدينا له حق الرد :D

تحياتي
تشي أحمد

4 comments:

::: D ξ S ї g ή є я ::: said...

مساء الخير ،،


انا راح انسخ من كلامك وارد عليه

[تشي أحمد]اول حاجة تحديد الهدف من موضوعي مش لازم يكون فى هدف ما غير انى لقيت حاجة مش عجبانى وعلقت عليها بطرقتي وفى البلوج بتاعي !![نهاية النقل]

مستحيل شخص من غير هدف او بيعمل شيء من غير هدف ،،
يعني هيا مش عجباك وقلت عنها انها مش حلوه طب اوكي عملت ايه علشان هيا مش حلوه ؟؟
قمت وكتبت موضوع تقول انه الجروب ده ماشي بنظام (راعي الغنم)
وكلهم ماشيين زي ما صاحب الجروب عايز !!
صح الكلام ؟ يبقى ده هدفك !!
طيب نيجي لصاحب الجروب غلط في ايه!!
هل عمل دعوه لشيء غلط ؟؟
هل أجبرك على الاشتراك في الجروب ؟
هل أجبرك على الإجابه ؟
هوا طلب منك طلب ( وده اللي انا سميته ارهاب فكري يا عسل )
وأظهر الطلب ده بطريقه محدده ما ترك لك الخيار بشكل كبير !!

و انا شايف انه عرض لك بالعربي لو ما تعرفش فرنساوي معنى الاختيارات يعني لك الحريه انك تعمل شيء مختلف عن الي هوا وضعه !!
بس ما قال ان هذا الشيء متاح لك !! بمعنى ان صاحب الجروب ده ما عرفش يوضح لك ازاي تمارس حقك في اختيار الاجابه المناسبه لحقيقة إلتزامك الديني ...
اتوقع كذا الكلام بقى واضح

[تشي أحمد]لكن خلينا نقول انى غير الناس دي ودي فعلا حقيقة وانا مش لوحدي غيرهم ولو انا مش مختلف عنهم مكنتش نزلت البوست اللى فات وانى بقول اصحوا دا برضه صحيح لكني مش هقول للناس كلها اصحوا فـ ع الاقل الناس اللى بتيجي عندي بلفت نظرها لحاجة زى كدا لفتت نظري انا كمان واختلفت معاها يمكن اكون غلطان او حاجة ....[نهاية النقل]

وانا عارف!!
وانا قلت لك انت بتقول للناس في البلوج بتاعك الكلام ده .. وعلقت عليه وقلت
[كلامي ]ودي حاجه حلوه ان فيه حد صاحي على الأقل [نهاية النقل]
وانا مش زعلان أبدا ودي حريتك في الرأي..
وشيء جميل ان الواحد يكتب ويفضفض ..
طبعا واضح من هدفي في الرد على كلامك اني مش معاهم ولا معاك ..
بالعربي انا رافض أسلوب التحديد للاختيارات ( اتركني براحتي اختار الي عايزه !! )
وبرضو رافض اسلوبك ( التريقه بالجروب ) وانسخ لك من كلامك يا غالي علشان يكون الرد مرتب ..

[تشي أحمد]انا بقي وفى الكلام دا كله نفسي اعرف معناه ايه انى اروح اقول لواحد فى استفتاء روح اختار كذا وكذا وكذا ليه هو حمار ما بيفهمش يعني

يعني مش علشان الناس بتعمل انا كمان اعمل بدون اقتناع قالوا السؤال الاول اختار اول حاجة يبقي اختارها وانا زى الحمار " ولا مؤاخذة " كأن ربنا خلقنا بدون عقول

مش بيشوفوا اكتر دين انتشار فى العالم " يا اغبيا " لكن الفهم السطحي سمه مميزة لينا على الدوام وبقينا " بنهيص " فى اى حاجة والسلام

أشك لو اصلا فى عندهم عقول علشان يعملوا حاجة زي كدا [نهاية النقل]

كلام فيه جمال بس خربته بكلمة (أغبياء ، الحمار ...) طيب ممكن يكون فيه ناس من المشاركين مالهوش في الفرنسي يبقى غبي ولا جاهل في اللغه ؟؟

طيب انا عندي صوره وعايزك ترد عليها " تخيل نفس الجروب بس مكتوب فيه مايلي :

[الجروب بعد التعديل]

طريقة التصويت هي :

في السؤال الأول الاختيار الخامس

Musulmane

أما بقية الأسئلة اختر الجواب الأول ما عدا السؤال قبل الأخير اختر الجواب الثاني
Une regle de vie
والسؤال الأخير اختر الإجابة التي تناسب عمرك.

أتمنى من الجميع التصويت ..
صوت لن تخسر شيئاهي 10 ثوان من وقتك ..

[نهاية الجروب بعد التعديل]

تخيل صاحب الجروب عمل الكلام زي كده وبس !!
مش دا الارهاب الفكري بأم عينه !!؟؟؟


[تشي أحمد]حاجة كمان والله الجروب ما حرقش دمي اصلا لانى مش هحرق دمي على حاجة هايفة ومش مجرد إبداء رأيي يعتبر ان دمي اتحرق وكمان مش الجروب دا لوحده والله اللى مضايقني لا دا في كتير وكنت بجمعهم علشان اعمل موضوع عنهم بس مش للبلوج هنا لحته تانية لما اخلص الموضوع إن شاء الله ابقي اتكلم عنها

جاوبت عني ... ماشي ولا يهمك
انا بقي كدا بعمل ارهاب فكري[نهاية النقل]

لا انت فهمت النقطه دي غلط ، علشان اني عملت اسمك فيها !!
ماشي معليش يا باشا انا قصدي اوضح "الجروب عمل إيه " مش قصدي عليك !!
عموما انا بعتذر اني ما كتبت قبلها كلمه (افرض مثلا)!!
بعتذر اني ما عرفت اوصلك المعلومه بشكل صح اتمنى انها تكون وصلت

وبالنسبه للجروبات الهايفه زي ماتفضلت حضرتك وقلت : " [تشي أحمد]لا دا في كتير [نهاية النقل]"


[تشي أحمد]حضرتك شايف ان الكلام مفيهوش اي عيب ..... بس انا وعلى العكس تماما شايف عيوب كتيره فى الكلام ومش فى الكلام وبس لا وفى اللي مصدقين على الكلام دا واللى قاربوا 31 ألف ونص عضو[نهاية النقل]

حلو الكلام اكتب العيوب بتحديد ورد مرتب ومعتبر ( طبعا علشان تكون في الصوره انا بتكلم معاك زي ما كأني قاعد على قهوه ومعاي اصحابي يعني حتى ردي انا مش مرتب ويمكن يكون مش مفهوم للبعض )
طبعا انت ذكرت في البوست الجديد العيوب دي بشكل تفصيلي وهي ..

[تشي أحمد]عيوب الكلام ان شخص واحد بس بيطلب من الناس انها تعمل اللى هو عاوزه وبس والناس مشيت وراه بدون تفكير[نهاية النقل]

" طب لو كان اكثر من شخص اللي طلب من االناس تعمل اللي هوا عاوزه ؟؟ "
العيب مش على اللي بيطلب من الناس أبداً ... العيب على الناس اللي وافقت على الطلب بدون تفكير !!

[تشي أحمد]عيوب الكلام ان الشخص دا اصلا مش عارف الهدف الحقيقي من الجروب واللى انا وضحته فى البوست اللى فات[نهاية النقل]

برضو انا شايف صاحب الجروب ما عمل غلط ( ما عدى الارهاب الفكري اللي عمله على الناس ) والغلط الأكبر على الناس اللي وافقت في المشاركه بدون التفكير !!

[تشي أحمد]عيوب الجروب كله اننا بقينا بنجري نعمل اي حاجة بمجرد ذكر اسم الدين بدون تفكير وكأن ديننا بيأمرنا بإلغاء العقل[نهاية النقل]


دي تستاهل عليها بوووووووووووسه على مخك اللي بيفكر ...لان فيه ناس مخها نظيف جديد لانج
"لم يستخدم"

[تشي أحمد]الجروب سخيف ... انا ما قولتش كدا لكن اديني بقول انه جروب تافهه لان اللى
"" عامله مش عارف اصلا هو بيتكلم عن ايه ولا عارف الهدف من الحاجة اللي بيتكلم عنها ""
متاكد من كده ؟؟ انت سألته او ظهر لك من شويه الكلام المكتوب في الجروب انه مش عارف ؟

بالذمة فى بعد كدا تفاهه ؟!!؟[نهاية النقل]

مش لازم تقول ان الجروب سخيف حرفيا بس الكلام في إجماله بيقول كده ويمكن ده اللي انا فهمته ولو فهمت غلط فسامحني ودي تبقى مشكلتي انا ...

انا معاك في ان الجروبات العربيه في غالبيتها مش ولابد !!


[تشي أحمد]نيجي لحته فى قنوات اسخف وفى استفتاءات ألعن
وانا مالي بدا كله ؟؟؟ أنا شوفت حاجة ما عجبتنيش قولت رأيي فيها
بتفكرني بالعادة الدايمة بتاعتنا
اقول احمد وحش تقولي ما محمد كمان وحش
يا عم ايه جاب محمد دلوقتى
بقول احمد وحش قولي اه وحش او قول لا حلو وملهاش لازمة سيرة محمد خالص
اعتقد كلامي واضح[نهاية النقل]

( واضح جدا بس العادة ان الناس مش بتنظر للون الرمادي زي ما بتنظر للون الأسود !! )
غريب ان اللون الرمادي يجذب نظرك ولا يجذب نظرك اللون الأسود وعلى حكايه محمد ماحدش جاب سيرته بس انهون اللي لازم تقول عنه انه وحش واحد 90 في الميه من صفاته وحشه خالص ولا واحد 70 في الميه ؟؟!!
أكيد فيه جروبات وحشه عدت عليك هل علقت عليها ؟؟
ده كان قصدي ...

[تشي أحمد]وبعدين اي بلد اللى حضرتك بتتكلم عنها
حضرتك فى البروفايل بتاعك وفى الفيس بوك من السعودية
إذا كنت بتتكلم عن السعودية فدا حقك لانها بلدك وانا الصراحة معرفش ظروفها ولا احوالها بالظبط علشان اتكلم عنها
اما إذا كنت تقصد مصر فدا مش من حقك لانها مش بلدك ( دا حسب كلامك انت فى البروفايل بتاعك ) وكمان الفنانين والعالم اللى حضرتك قولت عليهم ( ولاد ستين جزمة ) واخد بالك حضرتك جمعتهم كلهم ويمكن فيهم اللى احسن مني ومنك وحتى لو مفيش هما كلهم وامهاتهم هيقتصوا منك يوم القيامة لأنك غلطت فيهم وشبهتهم بالجزم مع إن ربنا خلقهم بني ادمين وربنا قال ( ولقد كرمنا بني أدم ) تيجي انت يا بني ادم تهين بني ادم زيك وتشبهه بالجزمة !!!!؟ ( بقف ع الواحدة انا صح ... عادي يعني مفيهاش حاجة كلامك وانت مسئول عنه )[نهاية النقل]

علشان تكون الصوره عندك واضحه انا امي مصريه ( ويحق لي الحصول على الجنسية المصريه وفعلياً فكرت في الحصول عليها وتراجعت لأسباب خاصه ) وفي الغالب بصيف في مصر .. عموما نكمل الكلام ...

انسخ لك اللي انا كتبته علشان يبقى الكلام على ميه بيضا
[كلامي]""مافيه استفتاءات هااايفه عن فنانين وممثلات وعالم بنت ستين جزمه اكلونا واكلو ام البلد ...""[نهاية النقل]
وعالم بنت ستين جزمه طبعا احيانا الجزمه يكون مقامها أرفع من مقام بعض الناس ..
وبالنسبة لخلقة ربنا ما حدش يحكم فيها غير اللي عملها وانا ما قلت ان شكله او منظره انا قلت وصف عن مقامه الشخصي لان انسان يسرق وينهب (مش معتبر من ضمن الأوادم والبشر )..
اعتقد الرد كذا واضح

[تشي أحمد]
ومش عارف تقصد ايه بـ " اتمني ما تحددش تاني فى حديثك وتكون شخص واعي بأصول الحضاره " الصراحة انا صحكت فى الحته دي ومش عارف معناها كويس ( مش بتريق والله بس دا اللى حصل ) يعني ايه واعي بأصول الحضارة ؟؟؟؟[نهاية النقل]

اصول الحضاره " انك تشتم واحد من غير ما تجيب سيرته وتخليه يضحك معاك على الشتيمه "
ده تعريفي ليها ^_^
لا بجد اصول الرد على الناس وعلى الهيافات مش انك تهاجم ( طبعا انا عملت هجوم خفيف عليك عايز اعرف انت ما انهي نوع ) بس طلعت بصراحه عايز توصل لحاجه مش مجرد ( هرطقه وبرطشة كلام يعني انت انسان بتحب تتكلم ومش بتحب تتظلم وتشوف فشل وتسكت)
عموما زي ما قلت لك انا بكتب دلوقت رد زي ماكأني قاعد على قهوه او كفتريا يعني بتكلم باللي في نفسي على طول من غير ترتيب بس ده غلط في الرد ( طبعا لان انا وانت ما نعرفش كلام بعض واسلوب حوارنا ايه )
وده غلطتي طبعا لاني برد على اصحابي وبنتناقش ( بحراره شويه ) فأخذتك بالعادة دي ^_^

عموما الحكايه مش مستاهله تبقى فلم هندي ( وانا بكره الافلام الهندي ) واتمنى اعرف جواب للسؤال لو حبيت يعني ...
ما اجمل قروب عجبك ولماذا ؟

Che The Hermit said...

ماشي وضح كلامك كتير وخليني ارد على اجزاء معينة هوضح وجهه نظري فيها

اول حته بعد نسخ كلامي
ماشي اوكي خلينا نعتبر هدفي زى ما انت قولت
بس هو ما عرض بالعربي كل حاجة هو عرض اللى على مزاجه وبس مش اكتر

******
وجود كلمة اغبيا وحمار دي علشان الناس تحس شوية وتعرف ان فعلا اللى بيحصل غباء واللى بيعمل كدا زيه زى الحمار معندوش عقل كلام حاد جدا بس اعتقد فى موضوعه

******

" طب لو كان اكثر من شخص اللي طلب من االناس تعمل اللي هوا عاوزه ؟؟ "
العيب مش على اللي بيطلب من الناس أبداً ... العيب على الناس اللي وافقت على الطلب بدون تفكير !!


انا ما قولتش شخص واحد بيطلب دا العيب لكن بقية الكلام بيقول " والناس مشيت وراه بدون تفكير "
ودا العيب

******

برضو انا شايف صاحب الجروب ما عمل غلط ( ما عدى الارهاب الفكري اللي عمله على الناس ) والغلط الأكبر على الناس اللي وافقت في المشاركه بدون التفكير !!

ازاي ما غلطش وهو عامل جروب كامل والهدف اللى هو عمله علشانه اصلا غير موجود وهدف وهمي مش موجود غير فى خيالاته وبس

******

( واضح جدا بس العادة ان الناس مش بتنظر للون الرمادي زي ما بتنظر للون الأسود !! )
غريب ان اللون الرمادي يجذب نظرك ولا يجذب نظرك اللون الأسود وعلى حكايه محمد ماحدش جاب سيرته بس انهون اللي لازم تقول عنه انه وحش واحد 90 في الميه من صفاته وحشه خالص ولا واحد 70 في الميه ؟؟!!
أكيد فيه جروبات وحشه عدت عليك هل علقت عليها ؟؟
ده كان قصدي ...

علشان انا غير ناس كتير علشان كدا ما التفتش للأسود علشان الاسود فيه ناس كتير مركزة معاه وبتناقشه لكن لو سبنا الرمادي كدا بالتدريج هيبقي اسود محدش واخد باله منه وهيصيب بضرر اكتر من الاسود اللى الناس كلها مركزة معاه
يعني محمد الـ90% وحش الناس كلها شايفينه وبيحاولوا يتجنبوا ويقللوا من شره لكن احمد الـ70 % محدش واخد باله منه وشوية شوية هتزيد النسبة ومحدش واخد باله خالص وهتعلي وتعلي وتعلي وتبقي 100% والناس مركزة مع محمد وبس لكن انا مش بركز زى ما كل الناس بتركز فيه

وعلي فكرة والله علقت على جروبات كتير وحشة عدت عليا ع الميل عندي وحاجات كتير انتقدتها فى الفيس بوك صحيح ما نشرتهاش هنا ع البلوج بس اتكلمت عنها زي جروبات اجمل واحد ع الفيس بوك واجمل بنت وجروب لو جمعنا مليون صوت هنمحوا اسرائيل م الوجود وكلها جروبات هايفه تماما وملهاش لازمة
******

اصول الحضاره " انك تشتم واحد من غير ما تجيب سيرته وتخليه يضحك معاك على الشتيمه "
ده تعريفي ليها ^_^

ههههههههههه
ماشي حلو التعريف على فكرة واول مرة اشوفه

******
عموما زي ما قلت لك انا بكتب دلوقت رد زي ماكأني قاعد على قهوه او كفتريا يعني بتكلم باللي في نفسي على طول من غير ترتيب بس ده غلط في الرد ( طبعا لان انا وانت ما نعرفش كلام بعض واسلوب حوارنا ايه )
وده غلطتي طبعا لاني برد على اصحابي وبنتناقش ( بحراره شويه ) فأخذتك بالعادة دي ^_^

انا كمان اتكلمت بحرارة لان بردو دي طريقتي واعذرني لو الكلام ضايقك

******
ما اجمل قروب عجبك ولماذا ؟
فى جروبز كتيرة جامدة وبحبها
من اكتر الجروبز الجامدة جروب ساقية الصاوي
http://www.facebook.com/group.php?gid=2243177865
وجروبين مستني منهم شغل جامد الاول البوابة الثقافية
http://www.facebook.com/group.php?gid=35640795601
والتاني الجروب بتاعي "أقرأ ... تكون "
http://www.facebook.com/group.php?gid=7939609948
وفى جروب كمان متحمس له وهو جروب لهدف معين وهو إلغاء الجروبات اللى بتسيئ للأديان
http://www.facebook.com/group.php?gid=35793110262

واخر واحد جروب لذيذ وظريف وخفيف بتاع نقابة اللى حب ولا طالش
http://www.facebook.com/group.php?gid=9061815588

بس كدا وارق تحياتي
تشي أحمد

s@gi said...

بص يا هيما
سلامو عليكم الاول
بقى ياراجل تطلع مدمن للدرجه دى
انت فى تزايد خطر
بص انا مشغول حقيقى
بس قريت بوستك عن الجروب
ورد عصام وردك عليه
بس ما قريتشى الكومنتات
**
بس بجد انا استفزتنى التصويتات دى من زمان
بس بجد بشد السفون واريح دماغى
كل واحد عايز يعمل حاجه يعملها
وربنا هيحاسب بالنيه
فاهم والله وجهه نظركم ومتفق معاها
جدا
بس سيبك ياعم
كبر

Che The Hermit said...

ساجي

مش بحب انفض دايما وبالذات لو حاجة رخمة زى دي بس يظهر التنفيض بيفيد ساعات

تشي