الماس اوصفلك يا حبيبي الماس

الماس الماس الماس
اوصفلك يا حبيبي الماس
من قبل ما تولع هو الماس
اول حاجة خطرت في بالي هي الاغنية دي اول ما رجعت بعد الفطار علي طول انا اصلا بفطر في 3 دقايق بالعدد مش اكتر المهم خلصت الفطار وقعدت ع الجهاز لقيت منبه الاخبار بتاع البي بي سي بيقول حريق المسرح القومي بالقاهرة .... نعم بتقول ايه ..... والله اتصدمت ومجلس الشوري مش بعيد علينا يعني .... المهم دخلت ع الصفحة بتاعه البي بي سي لقيتهم بيقولوا بيحاولوا يسيطروا ع الحريق لسه وسماء الدخان تغطي العتبة ................
 
لحد هنا وعادي جدا عادتنا يعني ولا هنشتريها ..... بس اللى يفقع بقي انهم لا سيطروا ع الحريق ولا وقفوه ولا اي حاجة فى الدنيا كلها ويطلع سيادته وزير الثقافة يقولي ان الحريق بسبب ماس كهربي يبقي Shit !!
ايه الاستهبال دا يا بلد من غير اي تحقيقات ولا بحث ولا اي حاجة حصلت فى ام البلد ومن قبل ما يولع اي حريق يبقي السبب هو الماس الكهربي وهو في مين غيره نفسه البلد تبوظ
هو الماس الوحش دا سبب كل اللى بيحصل في مصر
جاتكم البلا مليتوا البلد
 

10 comments:

صفا سارة said...

الماس الماركة المسجلة لحرايقك يا مصر يبقى ليه يستنى التقرير

Oss said...

ده ناموس الكون يا تشى
أى حريق بسبب الماس
وأى جريمة قتل بسبب مختل عقلياً

انت المفروض راجل مثقف وعارف
:)
هتغير فكرتى عنها

e_emy said...

انا برضه اول ما عرفت
قولت ع طول اكيد قالوا ماس كهربى
حاجه مش جديده عليهم

وتعدى المشكلة والشعب يتناسى
ربنا يستر

Empress appy said...

انا اسمي مكتوب يا لهوي هههههههههه
على فكره الماس بكره هيهاجر ويسيب البلد دي ويهاجر علي اول مركب راييحه ايطاليا
انا نفسي بس يروح القصر ده بس ويبىق ساعتها يقولوا لنا ماس ولا ساعتها هتشتغل الانذارات والطيارات ويقولك ثروه قوميه والله بقت حكومه منعكشه فى كدبها
كل سنه وانت طيب يا احمد

Anonymous said...

السلام عليكم
عيد سعيد وكل عام وانتم بخير

مهند المصرى

Che Ahmad said...

صفا

هو فعلا كدا
وكمان التقرير هياخد وقت واحنا ناس بنحب السرعة

Che Ahmad said...

ههههههههههههههههههههه
عجبتني اوي ناموس الكون دي والله
بعشق الفصحي انا والله

واللى يقتل بالجملة ياخد براءه :D

فعلا ناموس الكون يا كبير
منور

Che Ahmad said...

إيمي

ايووووووووووووووووون
يتناسي
هي دي

شكرا

Che Ahmad said...

ههههههههههههههههههههههههه
قصر ايه يا ابي
دول كانوا قتلوه في ساعتها ودوروا علي ماس مستورد م الصين بدل الماس المعارض بتاعنا

منورة

Che Ahmad said...

مهند

فينك يا راجل
غايب من زمان

كل سنة وانت بألف خير