يمكن

 
أسكن بيوت الفرح .. آه مُمْـكِن
أسكن بيوت الحزن .. لا يُمْـكِن
ومستحيل يا حزن راح تسكن
قِدِرالزمان يفهمنا .. آه .. يمكن
شكـِّلني بطعم الأفراح
لوِّني بلون التفاح
وبطعم المنجَه
وكمنجَه
تعزف لي ع الجرح أرتاح .. يمكن
مشيني على كفوف الراح
نسِّيني لو حلم وراح
واشمعنى
المعنى
بيعرفني لو باتت في قلوبنا جراح .. يمكن

كلمات : مجدي نجيب
غناء : محمد منير
ألحان : وجيه عزيز

5 comments:

Oss said...

تشييييييييييييي
إيه يا معلم
هو علشان الواحد قصر معاك حبتين تزعل كده
عموماً ماكانش العشم
:)
بس انا بجد آسف
بس والله أولى ثانوى اللى المفروض العب فيها مزنوق فيها خالص
الدروس والمدرسه والنيله اللى اسمها المذاكره
ربك يسهل
المهم
شكلك هتخلينى اعشق منير
انا باسمعله خفيف خفيف
بس على ايديك هيحصل تغيير

وارجع معاك للبوست اللى فات
انت بجد هتخلينى اتردد الف مره قبل ما ادرس الكمبيوتر ساينس
انا كنت مظبط نفسى على انى تلت سنين وانشاء الله ادوس فيها

بس بجد انا نفسى نطلع بره البلد دى
بس اللى مصبرنى عليها الأهل والأصحاب
يعنى انا والدى فى السعوديه
نفسى نروح هناك ونستقر هناك
البلد فى النازل خالص

ولو لاقيت فرصه للدراسه بره مصر ماتنسانيش

وانشاء الله نشتغل فى مايكروسوفت سوا
:)
تحياتى

سهر الليالي said...

منير الاسطوره
انا بعشق اغنيه كلها
بحس كدا انه مني وبيقول عن كل اللي نفسك تحكي عنه

علي فكره يا تشي الحزن عمره ما بيدوم
وفي ايدك تلاقي الفرح حوليك وتدوق طعم السعاده
ادمي كل الهموم وراك
وحس بالحاجات الجميله بس
ومش تقول مفيش حاجه جميل
الدنيا زي ما فيها الوحش فيها الحلو
بس دور انت علي السعاده
لانك للاسف بدور علي الحزن وبس

ربنا معاك ويسعدك رايما

تحياتي
فراشه الشتاء

صفا سارة said...

ممممممم
يا ترى ده تفاؤل يا رب يكون تفاؤل

صفا سارة said...

ممممممم
يا ترى ده تفاؤل يا رب يكون تفاؤل

marmar said...

يا عم نفض بقى للحزن

وخلي بالك من الحرميين اللى تعرفهم

حاميها حراميها
ههههههههههههههههه

واهم حاجه انكم واثقين فيا