فقط كلام

مكنتش يوم ضعيف ومن زمان عاهدت نفسي أني مش هكون ، مش علشاني أنا شخصيا لكن علشان ناس كتير قالتلي مش هو دا احمد إبراهيم لما حسوا ان في شبهه انكسار او ضعف ... مجرد شبهه ، علشان كدا مينفعش ابقي ضعيف مينفعش اسيب نفسي بسهوله تقع ، دايما ببقي قوي حتى لما بفشل ، وكتير بفشل علي فكرة وعمري ما فكرت انها النهاية طول الوقت في جديد ممكن نبدأه مش لازم يكون بديل جاهز موجود لكن نسعي علشان نحصل عليه الاستيتس بتاعتي ع الياهو وع الهوت ميل بيقولوا كتير
يعني ع الياهو دلوقتى كاتب ...
لا أعرف لماذا أدمنت أن تدير لي وجهها القبيح دوما ... الدنيا
هي دي الدنيا بالنسبة ليا مجرد وجه قبيح يلوح لي بين احيان واخري وما اكثر تلك الاحيان حتى الحكي نعمة الحكي افتقدتها واصبحت اعتمد قلبي مخزن الاسرار ... أصبحت بالفعل وحيدا وسط الجمع وما ابشعه من احساس ان تتلقي وحدك الطعنات والصفعات من الدنيا ومن حولك لا يدري بذلك لا لعيب فيهم ولكن لأنني أنا لا أريد التصريح بأي شيء فقد أصبحت اعيش بلسان يستطيع الكلام عاليا ولكنه لا يستطيع البوح ... ولو همسا .
ع الهوت ميل كاتب ...
كذبة دي واحدة التانيه كاتب : حاولت قتل الجهل طلع الجهل متعلم واهو هزمك ..... وهي تحريف لجمله من قصيدة للمبدع الابنودي بس دا فعلا اللى حصل معايا ، طول عمري بحاول قتل الجهل بين الناس والمجمتع وتغير عادات بالية وزرع مناخ جيد وجو نظيف بين الناس لكن كل الجهل دا تمثل ليا ف الشخص الاهم تمثل فى صورة متعلم هزمنى ، ايوة .... هزمنى بس عادي جولة من صراعتنا سويا ومش هستسلم لانه لسه مش دا الوقت المناسب علشان الاستسلام ولا الخنوع
كلامي مش متظبط انا عارف بس مجرد كلام ممكن يكون استرجاع لظاهرة الحكي التي تنحسر داخلي
أحمد

3 comments:

ShiMOo said...

عارف احلى حاجه عملتها انك اتكلمت صدقني لو كنت فضلت شايل في نفسك كده كنت هتتعب اووووووووي وكل ما تكون تعبان وجواك حاجه اتكلم
اتكلم مع اي حد ان شالله حتى مع نفسك هتستريح جدااااا ساعات فعلا الواحد بيعدي عليه لحظات بيحس انه كل حاجه ماشيه عكس ماهو ماشي بيبقى مش عارف العيب في مين بالظبط
بس لما تبقى كل حاجه ماشيه عكس ما انت ماشي ده مش مؤشر بيقول انك غلط على طول الخط لالالا صدقني فترة وهتعدي وهترجع تحس ان قوة شخصيتك من اجمل الحاجات اللي فيك
عارف كمان قربك من ربنا هيفرق معاك كتيـــــــر هتبقى راضي عن كل حاجه و أي حاجه هتحصلك مهما كنت شايفها وحشه
خليك دايما متأكد ان ربنا شايلك الاحسن

صفا سارة said...

ممممممم
وزى م انت مبترضاش بالفشل وبتقدر تواجه اى حاجة هتقدر ترجع تحكى تانى
:)

الزهـــــــــــــراء said...

الفشل أنواع
......
لم يكن يوما الرضا بالقضاء والقدر استسلام او ضعف او حتى هزيمة
......
اللهم ارنا الحق حقا وارزقنا تباعه وارنا الباطل باطلا وارزقنا اجتنابه
.......