جاي من بلادي الغريبة
لا زاد ولا مية
وغربتي ... صاحبتي
بتحوم حواليا
وانتى تقوليلي بحبك
تحبي ايه فيا
ودا حب ايه دا
اللى من غير
!! أي حرية
Subscribe to:
Post Comments (Atom)
Popular Posts
-
الاعجاب والاتباع فرق كبير بينهم لكن منا اللى بيخلط بينهم وبيعتبرهم حاجة واحدة الاعجاب لا يعني الاتباع لكن العكس صحيح انا معجب بالشخص او بتفك...
-
حاجة كنت عملتها من زمان وتقريبا نسيتها او غفلت عنها بمعني اصح الحاجة هى حملة ويكيبيديا العربية واللى كنت بقول فيها اننا نساعد في تطوير ويكب...
-
يوم لمصر وبس فى يوم ولا فى الاحلام يوم بجد خرجنى من حالة الملل الفظيعة اللى كنت عايشها المكان نقابة الصحفيين - مسرح الدور الأول الحدث : حفل ...
-
واحدة من اكتر الحاجات اللى بتضايقني فى العالم العربي والمصريين أنهم مؤمنين حتى النخاع بنظرية المؤامرة وغرقانين فيها حتى النشوة لأنها اسهل ال...
-
بجد بجد ما بحبش اكون قليل الادب ولا اغلط فى حد بس لما حد يزودها عن اللازم بجد ما بقدرش امسك نفسي النهاردة كان امتحان السيستم وانا كنت مطبق ا...
-
دي صور كنت عملتها علشان حصار غزة حبيت اشاركوا بيها يا ريت تقولولي رأيكوا بتقبل النقد بصدر رحب كتييييير والصورة دي بخط ايدي عاديه يعني تشي
-
وانا بتمشي فى عالم البلوجرز الواسع عديت على بلوج اسمه سندباد لصاحبه اللى مسمي نفسه ابن السين مع كمية التفاهات اللى البلوج بتاعه ومع ان اللاد...
25 comments:
بعشق الاغنيه دي :))
حمد لله عل السلامه
هاجر
وانا كمان
جيلان
ربنا يسلمك
طيب يا سي يونس
:D
علي فكره الاغنيه دي تحفه جدا
بس الحب اساسا حريه
مش محتاج يكون في حريه علشان نحب
يا عم ده الحب عملوه فزنزانه
ولا ايه رأي يونس فلموضوع
:)
لا ما عملهوش في زنزانة ولا حاجة
منير بيقول
وازاي يطير والكون بحاله قفص
لازم حرية
ولازم طوفان
مش هتكتب تفاؤل بأه ؟؟
لا اتعمل فزنزانه
ولا انت ما شفتش فيلم حب فالزنزانه ولا ايه
الحب اساسا بيعطي الواحد الحريه فالواحد يقدر يحب ولو حتي محبوس فزنزانه ولو حتي فقفص
يا استاذ يونس
:D
انونيموس
قول يا رب
مي
الحب ف الزنزانة دا فيلم عربي
الحرية لا تعطي ولا توهب
الحرية تنتزع الاول بعد كدا يجي الحب
ومش العكس
هي اراء علي فكره
عالعموم انا رأيي غير كده
ان اساسا طول ما هو مفيش حب انت اساسا مش هتعرف تنتزع الحريه
لان الحب اساسا حريه
مجرد مالواحد يلاقيه
فهو كده يبقي وجد الحريه وانتزعها كمان
وفالاخر ده مجرد رأي يعني
حاجة واحدة بس اللى حبها حرية
مصر
يااللي انت حبك حرية
ف العشق اه ولا شيء ممنوع
مصر بس اللى حبها حرية
غير كدا لا حب يحمل ضمنيا الحرية
يارب
ترجع بأه
علشان احنا بنستمد قوتنا منك
وبنشوف الأمل من خلالك
وبنحس الراحه في كتاباتك
بتوجعنا اوي اما بنحس انك موجوع
يارب تكتب تفاؤل
انونيموس
دا كله
دا انا كدا اخد مقلب ف نفسي
بس اقولك علي حاجة
قوتك خليها انت
والامل خليه ينبع منك انت بردو
والراحة اصنعها لنفسك
ما تستناش من حد حاجة
حتى لو انا
علشان ممكن ف يوم اللى مستني منه ايه حاجة تلاقيه اختفي
سافر هاجر مات
ايا كان
بخصوص الوجع
ربنا ما يكتب علينا وجع :)
طب وحياه الغاليين
اكتب حاجه فيها امل بأه
ارجع تانى بالله عليك
مهما كان كل حاجه هتكون حلوة صدقنى بكرا دايما احلى
انا بتعلم منك ازاى اعيش
بتفاؤل
وحريه
وامل
وانطلاق
واشوف النص الملياااااان ومهما حصل بقول اكيد بكرا احلى
هستناك
انونيموس مرة كمان
:)
انا كمان موقن ان بكره احلي
بس هو المود مش متظبط شوية بس
بس مرة كمان متخليش حد حتى لو كان الحد دا هو انا
هو مصدرك للتفاؤل او الحرية او الامل
او اي حاجة ف الدنيا
ودايما بص ع النص المليان وكمل النص التاني واملاه انت
بكره فعلا احلي
إن شاء الرحمن
متتحرمش من دي بسمه ابدا
آمين
انا قولت في اول كلامي انها مجرد اراء والاختلاف فالرأي لا يفسد للودقضيه بس انا برده لسه عند كلامي
ان الحب حريه
بس ده لو كان حب بجد يعني
غير كده ممكن ما نعتبرهوش حريه
وبعدين الحب ما فيهوش استثناء
مادام مصر حبها حريه
يبقي اي حب تاني برده حريه
بس لو كان حب حقيقي زي حب مصر يعني
بس زي مصر في الكون ابدا ما يكون
ماشي
ماهو علشان انت حبيت مصر بجد فانت شايفها احلي واحده فالكون وعلشان كده حسيت بالحريه بحبها
يعني زي ما قولت لما نحب بجد وحقيقي بنلاقي الحريه
بس اظاهر انك ما جربتش ده قبل كده
علشان كده مش هتفهم كلامي
فعلا يا مي
علشان انا مش بفهم
سوري يا قمر :)
سوري علي ايه يا عم احمد انا قولت الاختلاف فالرأي لا يفسد للود قضيه
ده اولا يعني
ثانيا
انا ما قلتش انك مش بتفهم
انت يا ابني هتقولني كلام انا ما قولتوش
انت بس مش قادر تفهم وجهه نظري
بس خلاص
:)
Post a Comment