قالوا وقلت


قالوا : التكبر على المتكبر تواضع .
فقلت : التكبر تكبر بكل الاحوال .
قالوا : الوحدة خير من جليس السوء .
فقلت : الوحدة خير جليس على الإطلاق .
قالوا : استقبال الموت خير من استدباره .
فقلت : ومصادقته افضل كثيرا .
قالوا : قطار الفشل يسير على قضبان الكسل .
فقلت : قطار الفشل يسير على قضيبي الكسل والملل .
قالوا : إذا هبت ريحك فأغتنمها .
فقلت : إذا هبت ريحك فأغتنم خيرها واحذر من غدرها .
قالوا : ملكت نفسي حين ملكت منطقي .
فقلت : وملكت منطقي حين ملكت زمام قلبي .
قالوا : إن الغصون إذا قومتها اعتدلت .
فقلت : وإذا غاليت فى تقويمها انكسرت .
قالوا : تعاشروا كالإخوان وتحاسبوا كالغرباء .
فقلت : تعاشروا كالإخوان وتحاسبوا كالأخوان .
قالوا : احضر الناس رأيا من لم يغضب .
فقلت : وأسرع الناس رأيا من لم يفكر .
قالوا : من كتم سره كان الخيار بيده .
فقلت : ومن داوم كتم الاسرار ضاق قلبه .
قالوا : الاقتصاد فى النفقة نصف المعيشة .
فقلت : اصرف ما فى الجيب يأتيك ما فى الغيب .
قالوا : المساوة فى الظلم عدل .
فقلت : العدل والظلم نقيضان لا يجتمعان والظلم سواء ساوي او لم يساوي هو ظلم بين .


تشي

14 comments:

mesh2dra said...

السلام عليكم

ما شاء الله عليك

ايه العقل ده

بجد
عجبتني اوى

متفقة معاك ف كله
ماعدا

فقلت : الوحدة خير جليس على الإطلاق

الوحدة اقرب طريق الي الجنون

صدقنى وعن تجربة

جرب تقعد لوحدك وحتلاقي نفسك اتخنقت
سلاماتي

Empress appy said...

قالوا : الاقتصاد فى النفقة نصف المعيشة .
فقلت : اصرف ما فى الجيب يأتيك ما فى الغيب .

انا معترضه على دى يا بشمهندس بقى معلش

اصرف ما فى الجيب دى انا كنت ماشيه عاليها عااااااااااااااااااااا
وعلى الرغم من كده كنت بتزنق زنقات بس ربك كريم برضه بس اتعلمت انى اقتصد فعلا فى مصاريف الباقى تسلكم ايديك

Che Ahmad said...

مش قادرة

وعليكم السلام
هو كدا عقل
انا افتكرتها بداية الجنون
ع العموم يعني
انا مازلت مقتنع ان الوحدة خير جليس على الاطلاق وبردو عن تجربه:P
:D
وكمان بتقولي هتلاقي نفسك اتخنقت كأنها حاجة وحشة كدا ليه دي حتى حاجة جميلة خالص

تحياتى
تشي

Che Ahmad said...

ابي باشا
ياللهوي دا انا مسرف بطريقة ومليش ف حكاية الاقتصاد دي خالص
بس يمكن الواحد يتعلم بعد كدا لما الحكاية تزنق معاه اوي يعني
ربنا يسهل وما تزنقش

تحياتى
تشي

أسامه يوسف said...

عبقرى يا تشى
بوست جامد
------------
قالوا : الوحدة خير من جليس السوء .
فقلت : الوحدة خير جليس على الإطلاق .

أنا متفق معاك تماماً فيها
وانت صغتها بطريقه جامده
-----------
قالوا : قطار الفشل يسير على قضبان الكسل .
فقلت : قطار الفشل يسير على قضيبي الكسل والملل

أنا قلت: قطار الفشل يسير على قضبان اصدقاء السوء
لأنى شوفت تجارب كتيييييييييييير قدامى بتنطبق عليها النظريه دى
-----------
قالوا : إن الغصون إذا قومتها اعتدلت .
فقلت : وإذا غاليت فى تقويمها انكسرت .

دى فى مقوله أخرى الشئ لما بيزيد عن حده بينقلب لضده
-----------
قالوا : احضر الناس رأيا من لم يغضب .
فقلت : وأسرع الناس رأيا من لم يفكر .

صح قوى قوى قوى قوى
----------
فيه حاجه انت ماقولتهاش
قالوا: الحسنه تخص والسيئه تعم
قلت : ربنا ياخد اللى طلع الكلام ده
لأنه كلام فاضى
إزاى غيرى عمل غلطه وانا باتحاسب عليها


تحياتى

Che Ahmad said...

اسامة باشا
بجد انت رائع وتعليقك جامد اوي وبالذات الحته بتاعه رفاق السوء دب انا معاك فيها اوي

وكمان السيئة تعم والحسنة تخص بجد دي واحدة من الحاجات اللى بتنرفزني اوى ياللا بقي اعذرني نسيتها

تحياتي ليك
تشي

Anonymous said...

بوست جامد يا باشا ..
تسلم إيدك ..

بقيت مدمن مدونتك على فكرة ..:)

mohand said...

ماشي يا عم الحكيم

رغم اني اختلف معاك في نقطتين
بتاعت الاقتصاد في المعيشة
وبتاعت المساواة في الظلم عدل

بس جميل قوي الحكم دي

Che Ahmad said...

احمد باشا
مبسوط ان البوست عجبك
وربنا يسلمك
وعلى فكرة انا كمان مدمن المدونات بشكل عام ومدونتك واحدة من خواص المدونات اللى لازم اعدي عليها كل ع الاقل خمس ساعات

تحياتى
تشي

Che Ahmad said...

ماشي يا عم مهند
بس كنت عايزك تشرح لي وجهه علشان اكيد كنت هستفيد ويمكن اقتنع فعلا بوجهه نظرك ع العموم الاختلاف فى النقطتين دول لا يفسد للود قضية

تحياتى كتير
تشي

صفا سارة said...

طبعا البوست جامد جدا
قالوا : الوحدة خير من جليس السوء .
فقلت : الوحدة خير جليس على الإطلاق

اكيد الوحده خير جليس


قالوا : من كتم سره كان الخيار بيده .
فقلت : ومن داوم كتم الاسرار ضاق قلبه .
مش دايما وبعدين لو مقدرتش تكتم اسرارك متلومش حد لو مكتمهاش

قالوا : الاقتصاد فى النفقة نصف المعيشة .
فقلت : اصرف ما فى الجيب يأتيك ما فى الغيب .

قاعده بردو

Che Ahmad said...

صفا
شكرا ع الاطراء اللى ف الاول دا
فعلا كلامك فى حته الاسرار صح انك لو مش قادر تكتم سرك ما تلومش غيرك لو هو ما كتمهوش بس وعن تجربه الواحد بيتعب قوي لما بيفضل يشيل وعلشان كدا لازم يلاقي حد يحفظله سره معاه علشان ما يبقاش قلبه مقفول وضيق ومفيش يفه مكان لحاجة تاني زيادة ويبقي عامل زي الكوباية هتفضل تتملي تتملي لغاية لما تجيب اخرها تبدأ تكب فى كل مكان يعني لو واحد فضل يشيل يشيل يشيل هى وقت قلبه هيتملي هيحاول يفضي هيفضي لأي حد متاح قدامه من غير ما يقعد يسأل هو دا ينفع ولا لأ

تحياتى
تشي

سهر الليالي said...

قريته كتير جدا وكل مره كنت بحس باحساس مختلف جميل جدا جدا
ده كلام قلب برىء
قلب انسان ملوش حل زيك
بجد روعه
وكل معني في كل كلمه حسيتها لاني كنت بقولها بقلبي بس انت قلتها احسن كتير من لو كنت انا قلتها
سلامي

Che Ahmad said...

فراشة الشتاء
ايه الكلام دا كله انا كدا هاخد مقلب فى نفسي
والكلام يعني على قدي كدا ورأي شخصي مش كلام كبير ولا حاجة
بجد شكرا اوى ع التعليق اللى مليان كلام جميل اتمني لو فعلا اكون استحقه

تحياتى
تشي