طعم البيوت

جاى من بلاد البعيدة لا زاد ولا ميه
وغريتى صحبتى بتحوم حواليا
وانتي تقوليلى بحبك تحبى ايه فيا
وده حب ايه ده اللى من غير اى حريه

بأغنية ولا أروع بيبتدي الملك شريط ولا أروع بجد الشريط كله رائع بموسيقته وكلماته وتوزيعاته واكيد صوت الملك اللى توج الشريط
يونس بجد اغنية رائعه وبالذات افتتاحيتها

بعد كدا اغنية مش محتاج اتوب وبجد زى ما قال الملك الحب عمره ما كان خطيئة او غلطة

مش محتاج اتوب حبك مش ذنوب
ولا عشقك خطية خطية
انا محتاج ادوب قلب وروح وتوب
يااجمل حاجة فيا


محتاج للصلاة على الهدية بتاعه ربنا الحب والحبيب هديه مش ابدا خطيئه

وبعدين اغنية بجد عجبتني وعيشتها بالكامل

من غير كسوف
ايوه انا مليت من كتر ما استنيت
وتعبت لما داريت احساسى بعنيكى

طعم البيوت وحاله فكرتني بمساكن شعبيه مع الفارق طبعا ولكنها جامدة جدا

اللمة لما تحلى في ساعة العصاري
تفتح مزاد عالحب تلقي الف شاري
شاهد بيشهد م البداية للنهاية
وكل ركن في قلبه يحكيلك حكاية وكفاية لما تلاقيه
فاتح دراعه بيناديك
ويقول تعالا في حضني ده انت واحشني موت

معاكي بجد صوت منير فى الاغنية دي بالذات حسيته مختلف والأغنية رتمها بردو مختلف وكلماتها رائعه

معاكى بضحك بصوت عالى
ومش خايف وانا عارف
قلبك من الحزن مش خالى
بيفرحنى صوتك الهامس
اسرح لما نتهامس
فى صوتنا لما يتلامس
ويسرقنى نغم هامس
ويحلالى

اغنية لزاماً وصعوبة لحظة الفراق

لو كان لزاما علينا الرحيل
كارهك ياوداع ولا بديل
والمستحيل انى امسح دمعة
مستحيل اخبى لوعتي مستحيل

تحت الياسمينة واغنية تعبر عن الوحدة خير تعبير واحدة وبكاء وحنين وشجر الياسمين بيصعب عليه حاله دي تاني اغنية بحبها فى الشريط

تحت الياسمينه فى الليل
نسمة والورد محازينى
الاغصان عليا تميل
تمسحلي فى دمعة عينى



فى اغنية كمان بحبها بس هى قديمة اصلا وتوزيعها بس اللى جديد وهى أغنية سؤال وانا اصلا بحبها من زمان
دي اكتر اغاني عجبتني فى الشريط والشريط اصلا عمل لي حالة من البهجه ونساني حاجات كتير


اخيييرا نزل الشريط
وشكرا يا ملك

10 comments:

صفا سارة said...

الشريط تحفة بجد من اوله لاخرة
اكتر اغنية عجبتنى مش محتاج اتوب
جميله بجد

ahmedomar said...

اخيرا وبعد غياب

واستنيته كتير

نزل شريط الملك

الملك اللى بجد فى الغناء هنا فى مصر

الشريط روعة

يعيش الواحد فى عالم تانى خالص

انا مش عارف ابطل اسمعه يا جمااااااااعة

بجد بحبك يا منيييييييييييييير

En.RaMy said...

هوه فعلا شريط جميل جدا

بس انا مش شايف ان التوزيعات كلها كويسة

كان لازم منير يغير شوية من الموسيقي بقي

بس اللي بيحبوه بيحبوه علي كده ... وانا بحبه ع فكرة

والله يخرب بيتك يا تشي مشغلهولنا ليل نهار ولا بنزاكر ولا بنام

وساعة لما ننام بنام علي طعم البيوت وريحه الملوخية الساعة 4 الفجر

Che Ahmad said...

صفا

فعلا شريط تحفة واكتر اغنية عجبتني " معاكي "

تحياتى
تشي

Che Ahmad said...

عمر باشا

اخيرا فعلا انا مستنية من سنه تقريبا

وفعلا منير بيثبت دايما ان هو وهو بس الملك ومفيش غيره

انا كمان بحب منير

منور دايما يا جميل
تشي

Che Ahmad said...

رامي

بص مش عايز كلام كتير يا كابتن

انت مين نت علشان تصحح للكنج اما عيل تيييييييييييت صحيح

وايه يعني لما اشغله ليل نهار دا إا كان عاجبكوا اصلا

عيال اخر زمان

سلاماتي
تشي

سهر الليالي said...

مبروك يا احمد الشريط الجديد لمنير
انا عارفه انك بتحبه اوي
الشريط بجد روعه
وعجبتني جدا اغنيه مش محتاج اتوب
كلماتها حلوه اوي

سلام
ياتشي

the unmistakable said...

اغانى كلها جميلة اوى و سو نايس كتير بس الاغانى دى ناقصها حته حشيش و تبقى الحياة نحفة هههههههههههه انا بضحك معاك بس جميل اوى الشريط و انا سمعتة منك قبل كده بس جامد موت

Che Ahmad said...

طيف الاماني

ربنا يبارك فيكي
وفعلا الشريط اكتر من رائع

تشي

Che Ahmad said...

ذا انميستايكابل

حشيش
حشيش يا وزة يا ابني انت عايزني اعمل فيك ايه بس قولي

فعلا الشريط جامد ( دي المرة الالف اللى بقول فيها انه جامد )

تشي