21

بدون هزار او ادني حس سخرية
بجد حقيقي عاوز اجابة
كل حد يعرفني يعني
هتعمل ايه لو عرفت اني هموت بعد سنه وشهرين
بالظبط يوم 8/9/2010
عايز اجابة من غير تريقة واللى هيتريق همسح كومنته اصلها مش طالبه خفه دم

16 comments:

El_Tahan said...

انت بتهزر صح انا عن نفسى مسصدقشى الكلام ده وحراااااااااااام عليك اما تفول على نفسك يااحمد احنا عايزينك انا بحبك كصديقمش كصديق بس كاخ كمان

HORAS said...

ليه بتقول كدة يا تشي بجد كلامك دة زعلني والله احنا كلنا بنحبك متخلناش نفكر في الفراق خلينا نفكر إزاي نتجمع مع بعض ونتقابل بأبتسامة لكن الموت دة بأيد ربنا سبحانه وتعالي بس صدقني مش عارف حعمل إيه بس شعوري وأنا رد دلوقتي مش قادر اوصفهولك حاسس بخوف وحزن يا ريت بجد بلاش اليأس والكلام دة بجد أنت غالي عندي وغالي عندنا كلنا

maiyosh said...

انا مش هقول حاجة غير انك تمسح البوست دة

سهر الليالي said...

كمان سنه وشهرين
تبقي مرحله جديده
بقي عندك 21 سنه
يعني وعيك زاد
وعقلك اتفتح اكتر واكتر
هيبقي ليك اراء كتير مختلفه
المسؤليه صحيح هتزيد
لكن لازم تكون قدها
السن دا شفته في عيون ناس كتير
اللي زعل انه وصله واللي خايف انه يوصل
بس عمره ما هيكون سن موت ابدا
واكيد ناس كتير هتزعل لو جرالك حاجه بعد الشر يعني
ووو
كل سنه وانت طيب من دلوقتي
اعتقد ان احنا هنفخر كمان سنه وشهرين
ان احنا عرفناك
عرفنا الفكر والعقل الناضج دا

Boba said...

بعد الشر
ومش هقول عشان انت اكيد عارف
بسي في ناس ربنا بيخلقها بتسند عليها ناس
يوم ما هي بتقع
الناس دي بتقع
.
.
وما تبقاش ندل
وتسبهم يقعوا
عشان الوقعة الجامدة مش بيبقى منها قومة
:((
غير انه كفايه وجع القلب بقى
=((

a7mad sala7 said...

ردى هنا

http://hoxsboxs.blogspot.com/2009/06/blog-post_29.html#comments

Ahmad Hima said...

لا مش بهزر يا ابو صلاح ولا حاجة
وبعدين يا سيدي لا حرام ولا حاجة
واديني معاكوا اهو بقرفكوا واطلع عينكوا بس كان مجرد سؤال

Ahmad Hima said...

حورس
دا بس مجرد سؤال مجرد

Ahmad Hima said...

ميوش
دا مجرد سؤال مجرد بردو مش مستاهل يعني

Ahmad Hima said...

سهر الليالي
شكرا ع الكلام دا كله ويا رب اكون زي ما بتقولي كدا

Ahmad Hima said...

بوبا
دي مش اجابة

Ahmad Hima said...

ابو صلاح
بردو مش اجابة

maryoma said...

ايه اللى يخلى حد يفكر انه هايموت ف يوم يوم معين - حتى لو طلع ده يوم ميلاده-وايه اللى يخليه يسال الناس هاتعمل ايه لما تعرف ؟
...... على فكرة السؤال اختيارى
اجابتى
مش هاقولك ليه كده ولا بعد الشر عليك ولا متقولش كده
لان كل ده معروف
لكن هاقولك ان ده من الحاجات اللى لازم نقبلها زى ما هى من غير تفكير
هه ؟
ونسستم نفسنا على كده كمان
"حاسب على الأحزان وحاسب لها
حاسب على نفسك من جرحها
راح تنتهى ولابد راح تنتهى
مش انتهت من قبلها احزان زيها"
تقريبا كده مش متذكره الرباعية قوى
وده اللى الناس هاتعمله لما تعرف الخبر
ده
السؤال الاول كان اختيارى
لكن التانى ده اجبارى
انت احساسك ايه لو كان الخبر ده صحيح فعلا
ممكن تعرف احساسك دلوقتى
وترد لى ع السؤال ده يوم 8/9/2010
يعنى تقول احساسك ايه ف اليوم ده
وتقارنه باحساسك لما قولت كده
والاهم تطلع منه بإيه
الامتحان اهو:
سؤال اختيارى
وسؤال إجبارى
وسؤال مؤجل

Ahmad Hima said...

حاسب من الاحزان وحاسب لها
حاسب علي رقابيك من حبلها
مش انتهت ولا بد راح تنتهي
مش انتهت احزان من قبلها
دي الرباعية وعجبي

لكن إجابتي عن ايه اللى يخليني اعمل كدا
انا بفكر دايما ف شعوري لو حاجة زي دي حصلت لحد قريب مني بس الرباعية دي لا تنطبق علي الموت بالنسبة ليا انا يعني بالنسبة لناس معينة

لو كان الخبر دا صحيح احساسي انى هكمل عادي جدا حياتي بس هقرب من ربنا اكتر لاني محتاج دا وكل مدي بيبقي في تأجيل لكن مجرد المعرفة هتنفي التأجيل

المؤجل بقي إن عشنا وكنا من اهل المجرة :D

maryoma said...

تمام على تصحيح الرباعية
الرباعية دى تنطبق على الاحزان كلها لكن ممكن تنطبق على فكرة تقبل موت حد عزيز ان مهما زعلت او اتضايقت واكتئبت لازم هاتعدى
بحسها اكتر لما ارجع بشريط حياتى لورا وابص للازمات اللى عديتها وافتكر انى وقتها كنت متخيلة انى مش ممكن هقدر اعدى
وانى اكيد هنتهى
لكن دلوقتى زى الفل وعايشة ومنتهتش صحيح فى حاجة اتشرخت بس على الاقل لسه عايشة
ومستعده للاحزان الجاية وساعتها اقول نفس الكلام واقع واقوم واعدى وهكذا الدنيا
" وإن طال الحزن علىّ ..هضغط على جرحى واعدى .. أنا شايف آه بعنيه .. كل الأحزان هاتعدى "
ده تامر عاشور
بالنسبة للموت كلنا عارفين اننا هانموت بكرة بعده دلوقتى المهم هانموت البروبليم ف اعيش حياتى واستمتع ولا اسيبها واعمل لآخرتى طبعًا الافضل انى اوازن بينهم بس الفكرة هى التأرجح بين حب الحياة والاستعداد للآخرة
عشان كده لازم نقرب من ربنا اكتر عشان نحافظ ع الاتنين

Ahmad Hima said...

فلسفتي الخاصة مع الموت غريبة شوية
بس انا مش بقول اني هنتهي
بس هي حاجة شبه ما انتي قولتي في حاجة اتشرخت
في طقوس بديعه وجميلة بنعملها سوا انا وشخص ما لو الشخص دا رحل مش هيبقي ليا نفس اعمل الطقس دا
لو مكان بنروحه مش هبقي حابب اروحه
الذكريات هتبقي مؤلمة
كدا
دا قصدي

بالنسبة للتوازن بين الدنيا والاخرة هو كلام تمام جدا بس تنفيذه صعب شويتين