!!!

هو لو دخلنا جنينة الأسماك هنعرف نخرج
مش قصدي جنينة الاسماك بجد
قصدي كل حاجة بنلف حواليها كل يوم وكل ساعه وكل وقت
خايفين ندخل وما نخرجش !!!
مش لما ندخل نبقي نفكر نخرج ازاي
هو ليه بنفكر ف كل حاجة قبل اوانها
خوف ؟؟
خايفين من ايه
مش بنبقي عارفين
بس لو ما خوفناش يبقي مش بنحس
هو يعني ايه نحس
وليه المشاعر ما بتتمسكش
ولو مسكنها هنمنعها
هو احنا بنعرف نمنع نفسنا نفكر
هو اصلا التفكير زيه زي المشاعر
لاطبعا
لو كانوا زي بعض معرفش كان هيحصل ايه
معرفش اوصف لا التفكير ولا المشاعر بس هما مش زي بعض ع العموم يعني
ايه الكلام اللى ممكن نقوله واحنا بنص وعي
بعقلنا الباطن يعني
طيب هو في حد فينا من غير اسرار
طيب ليه عقلنا الباطن بيقول الاسرار رغم انه عارف انها اسرار
علشان غالبا بيكون نفسنا حد يعرف
طيب لما بيكون نفسنا حد يعرف مش بنقول للحد دا
يمكن بنخاف
طيب يعني لما بندخل ف حالة اللا وعي دي المشاعر بتروح
معتقدش دي بتبان اكتر
طيب ليه الخوف مش بيزيد
يمكن هو اصلا مش خوف
امال ايه ، حتى لو مش خوف هيبقي ايه
مش عارف بس ....!!
حتى لو مش خوف ، اي شعور بيمنعنا اننا نقول لو بيزيد يبقي مش هنقول بردو
بس بنقول
ليه
مش عارف !!!

10 comments:

صفا said...

انا قرأت البوست اكتر من مرة وعجبنى اوىىىىى بس فى الاخر بردو مش عارفة لو جيت تدور على اجابات لتصرفات كتير مش هتلاقى لحاجات كتير حصلت مش هتلاقى ومش عارفة ليه جه فى دماغى جزء من اغنية منير الغربة فينا جوانا اوبرانا فينا بس بردو بيعجبنى اوى متعة التفكير فى الحاجات دى مع انها بتنتهى غالبا عند نفس البداية بس بتعجبنى اوى

HaMaDa 3aFshA said...

تشى حبيب قلبى
اول ما قريت الموضوع كنت خايف ما افهموش مع ان الخوف انى افهمه لان اللى هيفهمه هيحتار فى الاجابة ولو احتار برده هيفضل خايف لانه مش عارف يوصل لحاجة
عارف اوقات كتير بنخاف من حاجات هيا الامان لينا بس بيفضل جوانا رهبة ناحية كل حاجة جديدة ويمكن الخوف دا بيخلينا نخسر حاجات كتير كنا نقدر نتخطاها بكلمة واول ما هتقلها هتهد كل الاسوار ومش هيبقا فيه خوف
خايف ما تفهمنيش
ههههههههههههههه خايف محتار بن توهان آل عفشة

Anonymous said...

اولا احنا مش خايفين لاننا عارفين كويس ان مش بادينا اننا ندخل ولا بايدينا اننا نخرج احنا لو خايفين يبقه خايفين اننا ننجرح او نتعب بعد اما ندخل

يعني ايه نحس ؟
هو هو نفس السؤال يعني ايه نعيش ؟
المشاعر مش بتتمسك لانها حاجات روحيه زى مااحنا مش بنقدر نشوف الروح ونمسكها مش هنقدر نمسك المشاعر ولو كان ينفع كانت هتفقد بريقها لان جمالها ف انها مش بتتمسك بس بتتحس بحلوها ومرها

ايوة بنعرف ساعات نمنع نفسنا من التفكير
عارف امتى
اما تكون مشاعرنا غالبه على تفكيرنا ..نكون شايفين كل حاجه زى ماقلبنا عاوزها
التفكير مش زى المشاعر ايوة صحيح
والا كان ربنا خلق العقل ومخلقش القلب


الكلام الى ممكن نقوله واحنا في نص الوعي
هنقول كل الى احنا خايفين اننا نقوله واحنا في كامل وعينا والى احيانا كتير اوى بيكون صح وحقيقي

مفيش حد فينا من غير اسرار
اما نقول من غير اسرار يبقه مساويه لمفيش حد فينا من غير حياه

عقلنا الباطن مش عارف انها اسرار لانو ببساطه باطن مش بيعرف يميز

مش بنقول للحد دة لاننا مش بنكون عارفين النتيجه هتكون ضدنا ولا لينا فبنسيب الظروف هى الى تمشي بينا وتقرر ...يالينا ...ياعلينا

اما بندخل ف الاوعي المشاعر مش بتروح لا طبعا ...لان المشاعر مش بتروح اصلا

لو مش خوف احتمال يبقه عدم ثقه في النفس ...او عدم ايمان في الله
مش عارف بس !!
بنقول لاننا عاوزين نقول
مش عارف !!

Anonymous said...

هو انتا رجعت الغير معرف تانى ليه
؟

Che Ahmad said...

صفا

منورة

بردو مش عارف
ويزدادوا دوما واحد :)

Che Ahmad said...

عفشة

صح يا جميل

الخوف اننا نعرف مش اننا ما نعرفش اصلا

منور

Che Ahmad said...

غير معرف

حصرت كلامي ف منطقة واحدة اننا مش بإيدينا طيب ولو بإيدينا ليه مش بندخل


علي فكرة مكانش قصدي تفصيل الكلام ولا تفصيل الرد
الكلام كان بيتكتب لوحده او هو قلق البدايات كما قالت الأميرة اميرة هشام

الموضوع مش رد علي كل نقطة الموضوع اكبر من كدا واعمق

مش مهم
ربما هي نعمة

Che Ahmad said...

لحاجة في نفس يعقوب

بهزر
علشان في ناس بتعلق وبستنا تعليقاتها وهما مش علي بلوجر فعادي بقي

لو مش عاجبك نقفله سيادتك

ابقي قولي انت مين

Anonymous said...

بعتذر
بس كنت حابب انى اساعدك مش اكتر

Che Ahmad said...

غير معرف

لا يستحق الامر الاعتذار
مجرد دوامة نفسية داخلية بتستخرج من نفسي فلسفات عميقة ربما لا تعني شيء للناس كلها ولكن هي لي تعني شيء اخر تماما ومحاولة البعض الدخول إليها يفقدها بريقها بالنسبة إليّ
هي فلسفتي الخاصه اللى تعني لي الكثير
ربما تعني اللا شيء لأخيرن لكنها لي كل شيء