خاطر

ازيكم
البوست دا مجرد حاطر في بالي
يا ريت ما يضايقش حد لانه ما يضايقش المفروض ، بس دي حاجات جوايا عايزة تتقال ...
هبقي مبسوط لو مت قريب ... مبسوط باللى حققته حتى الان في الحياة ، صحيح في حاجات لسه ما كملتش ف دوري اللي انا برسمه كل يوم علي مسرح الحياة لكن لحد اللحظة دي الدور مكتمل
عارف ان علاقتي بربنا مش تمام ويمكن دي الخلل اللى ف حياتي والحاجة اللى مخلياني مقلق من الموت ، نفسي اكمل الحته دي وبعد كدا اموت ، علي فكرة مش خوف لاني مش بعرف اخاف من ربنا ولا بشوفه كدا ، انا بشوفه حضن كبير مستنينا نترمي فيه فأي لحظة ، محتاج اقرب منه علشان بس بحبه ونفسي ابقي معاه ، سهله مش صعبه
بجد لو النقطة دي اكتملت جوايا هبقي مبسوط اوي لو مت ومش هيبقي عندي اي مشاكل
ما بقتش حابب الحياة ولا عايز اكمل فيها
مش بسبب اشخاص والله بس بسبب الحياة نفسها
قبل ما امشي ، شكرا لكل واحد دخل حياتي ... اللى دخل ضاف واللى دخل جرح واللى دخل حضن واللى دخل اتحضن لكل حد قابلته في حياتي شكرا علشان انت بطريقة او بأخري خليت حياتي في مرحلة ما منها احسن
شكرا ليكوا كلكوا

2 comments:

المعلم محمد صاحب المطعم - طعمية سخنة said...

سلامو عليكم
بيتهيالي ان الواحد في الدنيا مش عاوز غير علاقة كويسة مع ربنا و بعدين يموت


لكن نرجع و نقول محدش عارف هيموت امتي ولا فين

حاول تصلح علاقتك بربنا اكتر

و حاول تصلح في حياتك اكتر

Anonymous said...

مش عارفه اقولك ايه بس انت هتباه انسان ادعيله و ما اعرفش ليه ... يمكن لان كلامك بيدخل قلبي و ينتشر في عقلي .. يمكن لانك بتعبر عني يمكن