تعالوا نفرح


النهاردة زي ما اتفقنا في الجروب اللى عمله فاروق انه هيكون يوم الفرحة
انا فعلا تعبان ومش قادر بس قولت لأ
لازم اعمل البوست
احنا يعني بنفرح كل يوم
يعني ايه افرح بقي !؟
يعني افضل معاكي وقت طويل اسمعك وبس .
يعني اخرج مع فهمي ونروح اي حته .
يعني ابقي دايما مع اصدقائي كلهم بدون استثناء .
يعني اخد الحضن اللي ليا عندك .
يعني ابقي مع زمايلي في رحلة تبع الكلية وكل الناس شايف في عيونها بتقول مبسوطة .
يعني تشوف مجهودك اللى عملته نتايجه في عيون الناس .
يعني تلاقي ناس بتحبك وانت ما تعرفهومش .
يعني تفضل دايما محتفظ بالامل حتى وإن خفت أحيانا .
يعني تلاقي قلوب حواليك بتضمك وتخاف عليك .
يعني تشوف ابتسامه حواليك .
يعني تروح حفل تنورة في وكالة الغوري وتفضل قاعد طول العرض ع الأرض وعادي جدا وهتموت م النشوة
الفرحة ... موجودة بس أحنا بننساها بمزاجنا
دا بقي بمناسبة الفرحة والنشوة والتنورة فيديو لرقصات وموسيقي وتواشيح التنورة مقصوص من الوان السما السابعة


-----------------------------------------
الصورة من تصميمي والفيديو انا اللى عامله ايديت بإشراف من الدايركتور احمد فهمي

5 comments:

A.SAMIR said...

ربنا يديم عليك نعمة الفرح و السعادة

فاروق عادل said...

موضوع حلو يا احمد عارف كن فى فيلسوف بيقولك الفرحه باننا نرضى باللى معانا
:))
ودة فعلا حاجه هتخلينا نفرح

المشكله دلوقتى انى مش عارف هكتب ايه

a7mad sala7 said...

احمد اربنا عليها نعمة

وادعى انها يحفظها من الزوال


:)

a7mad sala7 said...

انه*

يبكي ويضحك لاحزنا ولا فرحا said...

حلو اوي الفيديو