قرف

زهقت
هقولكوا سر
انا بسمي نفسي بيني وبين نفسي " أمل "
يمكن علشان بحب أمل دنقل أوي بس الأهم علشان أنا دايما عندي أمل
ساعات بلاقيه بيروح بس بيجي تاني بعدها
بس انا خلاص اتخنقت
النهاردة بس كنت مع احمد مختار بنظبط لحدث كبير او احداث مختلفه يعني علشان نجمع حاسبات مصر كلها ونقدر ننهض بصناعه تكنولوجيا المعلومات في البلد
وقاعدين نجهز ونتناقش ونبعت لناس ونكلم في ناس ونروح لدا ونشوف دا و و و و
ومجهز مع نفسي انى هنزل الزقازيق كتير علشان خاطر الاحداث دي وهنعمل انشطة و و و و
انا مش بقول دا بشكر ف نفسي
انا بقول اننا مش لوحدي بنعمل علشان نعمل حاجة للبلد دي
من غير شعارات ولا يحزنون بنعمل علشان عايزينها احسن بلد ف الدنيا وبس
بس مش يكون المقابل انهم يسرقونا عيني عينك وفي اهم حاجة في شغلنا في الانترنت
وببجاحة كمان
انا مش عارف ايه اللى بيحصل دا
النت في امريكا 15 ميجا ب45 دولار يعني 225 جنية مصري يعني ارخص من الاتنين ميجا هنا لا وكمان بيعملوه محدد
انا والله زهقت وما بقتش طايق دي بلد ولا دي حكومة
وانا اللى طول عمري مش عايز اهاجر وبقول مش هنهاجر ( إلا مرة واحدة بس ) دلوقتي عايز اتنيل اهاجر ومش عايز اقعد ف البلد دي اصلا ومحدش يقولي البلد دي محتاجه حد البلد محتاجه واحد ياخدها قلمين علشان تفوق وانا ما اتعودتش اضرب حد

2 comments:

GeHaD-----(male) said...

طيب مادمتو بتعملو حاجه لحاسبات متقول ياراجل يمكن نقدر نساعد

وبالنسبه لتحديد النت هي حاجه مقرفه جداا يعني اه الواحد ممكن مينزلش العشرين او الاربعين جيجا في الشهر بس برضه الواحد يحس انو مقيد

Anonymous said...

مش هذيد على حروفك شيء ...((وانا اللى طول عمري مش عايز اهاجر وبقول مش هنهاجر ( إلا مرة واحدة بس ) دلوقتي عايز اتنيل اهاجر ومش عايز اقعد ف البلد دي اصلا ومحدش يقولي البلد دي محتاجه حد البلد محتاجه واحد ياخدها قلمين علشان تفوق وانا ما اتعودتش اضرب حد))