مصر عادت

مصر عادت شمسك الذهب
تحمل الارض و تغترب
كتب النيل على شطه 
قصصا بالحب تلتهب
بجد مبسوط جدا ومن باب التوثيق وللذكري وللتأريخ قولت اكتب اللى حصل ،
النهاردة كان يوم ملوش حل ، عملت فرمان ف البيت وقولتلهم اللى هسمع صوته هطرده ، والتليفزيون في اوضه بابا ساب الاوضة وطلع نام ف اوضة تانية ، وانا روحت معلي التليفزيون ع الاخر واخواتي جنبي بس كله عامل سايلنت ، لسه قاعد وهوب بقول يا رب لقيت الكورة قاعدة تتنطط عن جون الجزاير وانا اقول تسلسل ، مش تسلسل ، ف العارضة ، يا زيدااااااااااان ، اوبااااااااااااااااااا ، وقعدت اتنطط ع السرير كنت هكسره ، واشتغلت حسن شحاته بقي ، ارجع يا ابني بلاش اعتراض ، امسك يا ابني اللى ف الزاوية هناك ، المحمدي فاضي يا حسن ،قدام يا تريكة ، ارفع يا معوض ، طلع حمص ونزل بركات يا شحاته ، طلع فتحي ونزل متعب ، متخليهوش يرفع ، باصي يمين ، وخلص الشوط الاول وانا مرتفعه المعنويات ع الأخر ، التاني بدأ ومع الوقت بتنهار المعنويات ، وخلاص حطيت وشي ف البطانية لقيت بركات بيرفع ، مش عارف مين اللى رفع اصلا ، المهم قولت ياااااااااااااااا رب ، وعملها متعب ، وعينك ما تشوف إلا النور ، روحت قالع تي شيرت التريننج اللى كنت لابسه وروحت معور نفسي ف وشي ولقيت دم نازل علي جسمي بس مين ولا يهزك وقعدت اعيييييييييييييييييط واعييييييييييييييط واتنطط واوقول كلام ولا عارف له معني اصلا .
بس سيبك انت ، ماما كانت ميته م التعب وعيانة واتفرجت ع الماتش وبحماس منقطع النظير ، وجدو جدوووووووووووووو اللى عمره ما شاف ماتش ف حياته طلع كان بيتفرج ع الماتش هو كمان ، ومحمد اخويا كل شوية يقف بالعلم بتاعه قدام التليفزيون ويقول مصر مصر مصر ، اقوله اتهد والله ما سامعينك ، بس مين لا حياة لمن تنادي ، ماعدا بابا بقي راح نام وصحي ساعة ما الجزاير كانت هتجيب جون بيقولي كنا جبنا جون ؟؟ قولتله لا دا الجزاير ، قالى الحمد لله ونام ، الأدهي بقي والأمر أوساااااااامة ، اسامة اللى اكاد اجزم انه ما شافش عشر ماتشات علي بعض ف حياته كان متابع المباراة كلها وابدي فيها رأيه الفني ولا طه سماعين في عزه .
انا دمي نشف اصلا
بس الحمد لله علي كدا
اسيبكوا بقي علشان اجهز الميكروباص اللى هنطلع بيه علي ام درمان

38 comments:

Unknown said...

انا اسامه اللي بيقول عليه
يخرب بيت كده...اعصابي يا جماعه يحرق يخرب بيت كده
انا ابن عمي كان عندنا وهو كمان ملوش فيها
بس ايه والله العظيم كان في ايدي كارت شحن فضلت اعض فيه واكل واهز في راجلي لحد ما ماما خافت عليا بجد
ولا لما الجون التاني جه
مدريتش بنفسي غير وانا راكب على ابن عمي وانا وهو اترمينا من التقل على الارض
واخويا نط فوق الكنبه ولا العيال الصغيره
يخرب بيت كده
الكره افيون الشعوب فعلا...بس بدات افهم انه افيون لذيذ

Boba said...

هههههههههههههههههههههههههه
انا فرحااااااااااااااااااانة
لفرحتكم اكتر
ده 3 ماتش اتفرج عليه في حياتي اصلا
بسي كنت مبسوووووووووووووطة
مع اني مش فاهمة يعني ايه تسلل ولا يعني ايه نذار ولا فاول اللي قعد يقولها دي
بسي كنت بترعب لما الكورده تبقى تدخل عند الحضري
ووشي ينور لما يحصل العكس وافضل اسقف زي الهبله

عجبني جدا رصدك للمباره بايلاسامي كده ورابعض
حفظتهم ازااااااااااااااي

وعمو بقى امانة عليك اوع
اووووووووووووووووعوا
تسوبه يصى يوم الاربع
هههههههههههه

/*واوقول كلام ولا عارف له معني اصلا */
دي طبيعتك يا كبيييييييييييير
بتبقى عامل زي اذاعات الراديوا اللي دخلوا في بعض
ههههههههههههههه

ربنا يفرح قلبك ديما
>:D<

Soul Life said...

ههههههههههههههههههههههههههه
اللي رفع الكورة المحمدي
ووالدتي واخواتي كلمموني بعد الماتش
لانهم مسافرين - للي مش يعرفني
وأمي كانت بتدعي اخر 5 دقايق في الماتش
واسمحولي احكي شووي حاجات عن يومي
انهاردة مروحتش الكلية لاني مرهق بدنيا وذهنيا
- ابن عمي وابن عمتي شافوا معايا الماتش
- اول جون معرفش ايه اللي حصل بس اؤكد ان الجيران لو في حد نايم اكيد صحي
- وبعد كدة حررررررررررررررررررررقة دم
- ولما جه الجون التاني سجدنا واحنا بنضحك بالدموووووووووووووع
- نزلنا وسط البلد - بلبيس - وهي مدينة ومسقط راس متعب على فكرة
بجد بهددددددددددددددددددددددددددددلة
وصورت الحدث وهنزله على اليوتيوب
مبروووووووووووووووووووووك

Boba said...

ابقى طلع الاخطاء الاملائية
هذه هي عادتي
ههههههههههه

Soul Life said...

فعلا اذاعة راديو متنقلة
عجبني جدا الوصف
تحياتي تشي

Anonymous said...

ههههههههههه

عاجبني وصفك :)

انا فرحانه اووووووووووووووووووووي

مبروووووووووووووووك لمصر :)))))

وعقبال الماتش الفاصل باءذن الله

El_Tahan said...

ايه ياجدع انت ابوك ده جزائرى ولا ايه؟؟؟؟
امانه عليك يااحمد خليه نايم الماتش الجاى
مليون مبروك يامصر

Ahmed Fahmy said...

انتوا لس هتضيعوا وقت
ام درمان و مستعجل و طالع
ام درمان ام درمان
ابعت هنا ورا
ههههههههههههههههههه
حد قال جااااي؟

Soul Life said...

يا ريت ينفع
بس السودانيين بيشجعوا مصر
واحنا معاهم
هع هع

Che Ahmad said...

اوس
يا حبيبي كل الافيون بيبقي لذييييييييييييييذ

Che Ahmad said...

بوبا
اللي ملهمش فيها بيشجعوا مصر
واحنا معاهم

Che Ahmad said...

حلمي
مستني الفيديو يا لول

Che Ahmad said...

بوبا يا قمر انتي عايزة قاموس ليكي لوحدك
وانا مش فاضي

Che Ahmad said...

حلمي
بلاش اقسو عليك
قال اذاعة متنقلة قال

Che Ahmad said...

هاجر

كلنا فعلا مبسوطين اويييييييييي
ياللا عقبال الماتش الجاي علشان تكمل علي خير

Boba said...

نوم عمو بقى مطلب شعبي
هههههههههههههههههههههه

Che Ahmad said...

الطحان

انا هبقي ف الزقازيق وقتها قول انت يا رب يبقي نايم

Che Ahmad said...

فهمي انا اللى هسوق ماشي؟؟

Che Ahmad said...

حلمي
انت فاكرني بهزر
اركب انت بس وهتشوف

Che Ahmad said...

بوبا
ملكيش دعوة بعمو يا بنت

Boba said...

ده عمو حبيبي
انا اللي هحكي له الحدوته اصلا

بعمل عمل وطني
هههههههههههههههههه

Che Ahmad said...

في حد هيضرب النهاردة

Soul Life said...

ماشي غالبا هجرب
وبلاش القسوة عشان خاطر متعب
تحياتي

Boba said...

هههههههههههههههههههه
لا خلاص بجد قفلت وهنام اهوت
بسي لو حلمت اني بحكي لحدودة انا ماليش دعوة بقى
ههههههههههههههههه

Che Ahmad said...

حلمي
لما اشوف اخرتها معاك

Che Ahmad said...

بوبا
نامت عليكي حيطة يا تييييييت
محدش يقول امين

!! a7mad sala7 !! said...

على فكرة اللى رفع ولا بركات ولا المحمدى

اللى رفع الجون التانى سيد معوض :D

واللى علق الاولانية احمد حسن

انا بهتم بالتفاصيل دى جدا

!! a7mad sala7 !! said...

سيبك بقي م الرد الرخم اللى فات ده

انا اكتر منك فى التعليق
بحس انى عايز اشد المايك من المعلق واكمل انا

وموصفلكش الحالة العامة هنا

بحس انه ستاد القاهرة التانى

ربنا يتمها على خير بس

Soul Life said...

اسف على المعلومة الخاطئة
وحتى لو العفريت الازرق فهي
جوووووووووووووووووووووووووون

السودانيين بيشجعوا مصر .. واحنا معاهم

Che Ahmad said...

ابو صلاح

انا كنت ف ايه ولا ف ايه
انا ما خدتش بالي من اي تفاصيل انا كنت بعانق السقف م الفرحة

Che Ahmad said...

ابو صلاح مرة كمان

انا بشتغل معلق ف ماتشات البلاي ستيشن

Che Ahmad said...

حلمي

خلاص ملحوقة
ربنا يخليلنا ابو صلاح

Soul Life said...

بتعانق السقف يا افندي
السؤال
- بطريقة مفيد فوزي
يا تـُرى إذا عانقنا الأسقف .. فماذا سنعانق بعد ذلك ؟؟؟؟!!!!!؟؟؟
حديث المدينة .. مفيد فوزي .. بلوج تشي أحمد

متضايقش يا تشي
انا عن نفسي كنت بعانق افكاري
ولكن كييييييييف ؟
sorry for disturbance >> allll

Che Ahmad said...

بص
انا قفزت قفزة كبيرة وعميقة وذات مغزي لأعلي والتحمت بالسقف الذي كان وقتها مزغردا احتفالا بالهدف

و .....
و .....
وبس

Soul Life said...

مزغردا
اه
طيب

Che Ahmad said...

ايون

Anonymous said...

ملحقتش اشوف كومنتك
:(((

عملت reject غصب عني
:((((((((

Che Ahmad said...

:D
انا اصلا كنت عايزة يتعمله ريجكت
كنت بقولك صححي الكلمة خليها مقت مش مقط وبعدين امسحي الكومنت وما تنشريهوش :D