لا أشياء أملكها ...

من اجمل الجمل اللى عدت عليا في تاريخ حياتي جملة درويش لا اشياء املكها لتملكني، ربما هي عبقرية وسابقتها كذلك لي حكمة المحكوم بالاعدام، اعتقد انه واحد من اكثر المواقف حكمة لدي البشري منا، المهم خليني ف الجملة
لا اشياء املكها لتملكني
قيد الاشياء إليك بتملكك ليها هو قيد عكسي بتملكها ليك
يعني مثلا ومجازا
لو امتلكت انت عربية ما، ف المقابل هي امتلكتك واصبحت انت معلق بيها ولو حد حب ينتقم منك وهو مش قادر عليك بس هيدغدغها يبقي انت اتأذيت فعليا، وبكدا ملكتك
دا اكيد مش المثال اللي عايز اوصف بيه الحالة بس دا وضع مادي للجملة في نظري
في جملة بيقولوها تجار المخدرات للجداد ف الكار وانا من موقعي هذا بقولها للثورين حول العالم، ما تعشقش علشان يوم ما حد يحب يأذيك هيأذيها هي
إذن تملكلك للأشياء يجعلها تملكك بطريقة او اخري
لحد هنا وقل
تخلي عن كل شيء فلا يملكك شيء
الموضوع ملوش دعوة بالزهد
بس معرفش ليه دعوة بأيه
بردو فل لسه
اللى بعده بقي
ان ساعات اشياء لا تملكها وتملكك
لو رجعنا للنقطة اللي فوق
لو حبيت بنت الجيران واخوها مخنوق منك وهي اصلا مش بتحبك هيفضل يخنق عليك فيها
انت اصلا ما تملكهاش بس هي ملكتك فعليا بمشاعرك دي
العربية اللى فوق ما اشتريتهاش ونفسك فيها واحد غيرك هيشتريها و"هيزمر" بيها كل يوم تحت شباكك ما تملكهاش لكن هي ملكتك

!!!

حد فهم حاجة ؟؟
إن حد فهم يبقي قشطة
لو محدش فيهم يبقي انا معرفتش اقول اللى انا شايفه يعني وبردو قشطة

2 comments:

maiyosh said...

كنت بسمع منك الجمله دي كتيييييير أو يعني بقراها عندك
كنت بفضل افكر فيها كتيير
بس فعلا معناها جامد اوي
وعلي الرغم من صغرها الي انها بتحمل الكثييييير من المعاني
وتبعا تبعا ما أنكرش تشبيهاتك الحلوه في توصيلك المعلومه
تنفع مدرس شاطر يا احمد
لو عايزني اكونلك مجموعتين انا فالخدمه والبت منار اول واحده فيهم بما أنها ساقطه لغه عربيه
ويالا هاجي معاها
اهه انفعك
:D

Che Ahmad said...

الله الغني
ما دام فيها منار يبقي شكرا