يا يوم مسخرة بجد

بجد بجد ما بحبش اكون قليل الادب ولا اغلط فى حد بس لما حد يزودها عن اللازم بجد ما بقدرش امسك نفسي
النهاردة كان امتحان السيستم وانا كنت مطبق اصلا جيت ع الساعة تمانية كدا قلت انام ساعة واصحي تسعة البس واروح الامتحان اللى بيبدأ اصلا الساعة عشرة المهم نمت قومت عشرة وتلت معرفش ايه اللى حصلي والموبايل مرنش ليه ياللا مش مشكلة قدر ولطف وكنت فى اللجنة عشرة ونص انا داخل ومش شايف قدامى اصلا بطلع الموبايل اعمله سايلنت او اقفله لقيت عمونا المراقب بيقولي هات الموبايل دا يا كابتن انت كنت نايم ولا ايه قلتله اه بس الموبايل ليه انتوا بتلموا الموبايلز دلوقتى قالي اه أحسن الدكتور يلغيلك الامتحان قلتله وليه يا عم اتفضل الموبايل اهو الطيب احسن الامتحان كان كويس مكنش وحش يعني كان شغال والصراحة المادة دي المعيد بتاعها كان مظبطها خالص وكانت مادة بيس
المهم انا داخل اصلا متأخر واول ما قعدت بدأت احل شوية دخل الدكتور العميد ولم كل الموبايلات واخدها مكتبه وخرجنا من الامتحان ومحاولات مضنية كتيييييييييير ولا حياى لمن تنادي وعدوا علينا بكرة ( والله السكرتير قال لنا كدا بالنص ) بجد دمي محروق قوي وانا ما بحبش اقعد من غير موبايل
ياللا ربنا يسهل لما نعدي عليهم بكرة ونشوف الحل ايه
انا بجد مش راضي اعبر عن اللى جوايا علشان ما بحبش اكون قليل الادب او اغلط فى حد كنت بحترمه فى يوم ياللا فلتذهب الكلية إلى الجحيم كلها كام يوم واخلص الامتحانات وارجع بيتنا واحتل النت من جديد
واخر الكلام سلام وربنا يسترها علينا فى الامتحان الجاي علشان ناس كتير خايفة منه

تشي

14 comments:

mohand said...

السلام عليكم

روح اشتكي ومتسكتش علي حقك

مفيش قانون بيمنع انك تاخد الموبيل معاك ما دام مقفول

خد حقك ومتبقاش سلبي

تحياتي

soso said...

ياعينى
ابقى طمنا على الموبايل ياابنى
ههههههه
ياسبحان الله
جهل وتخلف صحيح
وعلى رأى نيرة دول اوغااااااد
ربنا يصبركم ويصبرنا

Empress appy said...

ايه خدوا الموبيل طيب بص روح وقولى على اللى هيحصل وانا هقف جنبك والله لو مش ريدوا يدولكك الموبيل الن ده مش من حقهم بجد وه غلط وانتم بتفرطوا فى حقوقم ليه بس المهم ربنا يعدى الاستمخانات دى على خير

Che Ahmad said...

مهند باشا
مش المشكلة هنا المشكلة ان هو فعلا كان معلق ورق محدش يدخل بموبايل بس مش معني كدا انه ياخده دا بيقلك يا عم مش هناخده قبل أخر يوم امتحانات وكمان بلغ الجامعة يعني معرفش المفروض نروح فين تاني يعني

-------

soso
الموبايل الحمد لله بخير والرصيد برضه هيفضل بخير ومن ناحية جهل تخلف هو فعلا جهل وتخلف مع سبق الاصرار والترصد نعمل ايه بقي اما من ناحية اوغاد فالاوغاد ارحم والله
ربنا يصبرني بجد علشان ما ابقاش ادون من الاصلاحية او اخد فيه ست شهور

-------

appy

ما انت روحت ويا ريتني ما روحت روحت اتخانقت هناك والراجل السكرتير قعد يزعق وعمل دوشة وقال ان نائب رئيس الجامعة قال ياخدوها اخر يوم امتحانات يعني اعمل ايه تاني الجامعة دلوقتى فى صفه ومفيش حد نلجأ له
ياللا هو فاضل زفت امتحان واحد ربنا يصبرني علشان انا بجد مخنوق وممكن اتصرف بطريقة وحشة أو اقل ادبي
ووالله لولا ان الواحد خايف يقضي بقية عمره فى الكلية لروحت عملت محضر سرقة بس الناس اللى معايا مش راضيين يتحركوا ولو روحت لوحدي هيستفرد بيا لكن لو كنا خمسين ولا حاجة مش هيعرف


ياللا بقي منه لله

تحياتى كتييييييييير ليكوا كلكوا وادعوا للموبايل بظهر الغيب :D

تشي

kikooooooooo said...

سلامووووووووووو عليكووووووو
لنا الله في ده تفكير عقيم
أنا مع المقولة الشهيرة اذا كان ليك عند دكتور حاجة ما تقلوش هات الموبايل
الموضوع ده حصل عندنا في اللجنة برضه بس مع دكتور أجهل من كده حبتين
قالنا كل اللي معاه موبايل يطلعه ... قلناله طب يا دكتور نقفله ونحطه في جيبنا يقولنا لأ .. كل اللي معاه موبايل مقفول مفتوح يطلعه ويجيبه قدامه .. أنا رحت عامله سايلانت وحطيته في جيبي وقلت يضرب دماغه في الحيط ... المهم راح لامم من اللجنة يجي 250 موبايل ... وبعد ما الامتحان خلص الناس راحت تاخد الموبايلات بتاعتها ... تخيل الدكتور المعقد يعمل ايه ... قال عشان في موبايلات شبه بعضها راح مطلع الموبايل بتاعه وكل واحد عاوز موبايله يرن عليه من موبايل الدكتور .... وقعد يجي كام ساعة بعد الامتحان عشان يسلم الموبايلات
أنا مش فاهم يعني هو بكده بيخلي الناس ماتغشش ...... نفسي أعرف الناس ديه بتفكيرها ده بقت دكاترة ازاي
بلد شهادات صحيح

كان معكم ..,
كيكوووووووووو

Che Ahmad said...

كيكو
يا سيدي ما انت خلصت امتحانات وفضيت بقي
يا عم دا مش اى دكتور دا العميد سخصيا يعني متحاولش والجامعة وقفت فى صفه يعني مفيش اي حل أو فى حل بس تقضي عمرك كله فى الكلية يبقي ليه بقي الطيب احسن المرة دي بس المرة الجاية ....... مش هتنزل الارض ابدا :P

ياللا سلام وبطل لعب فيفا 2008
تشي

Anonymous said...

ازيك يا احمد
اخبارك اية انا مش عارف احساسك كان اية لما صحيت متاخر نص ساعة
دانا كان قلبي ممكن يوقف
سلامي ليك وابقي سلملي علي موبايلك

YOTTA said...

طب قول بقى جبت الموبايل ولا اتصادر
:)

ربنا معاك ف الامتحانات
ابقى اظبط الموبايل كتير يا فندم..ولا مفيش فايدة برضو
اصلى باعمل الحركة دى كتير وباتأخر..وبابقى ظابطاه واقوم اقفله وانام تانى
:D

Che Ahmad said...

انونيموس
الحمد لله ازيك انت
عادي ادينا بنجرب كل يوم تجارب جديدة وكان شعور رخم جدا
السلام وصل للموبايل بس اقوله مين بيسلم عليه

يوتا
خلصت امتحانات النهاردة الدكتور قالنا ناخده بكره بعد امتحان الشفوي
بخصوص الموبايل اصلا انا نومي خفيف جدا بس يومها كنت مطبق وصحيت قفلت الموبايل ونمت فعلا بس كنت هلكان جامد يعني
ربنا معايا بقي

تحياتي كتير
تشي

Moustafa` said...

السلام عليكم
انا بتكتك يا واد يا تشى من البرد وصوابعى واقفه
بس لازم اقف جنبك فى محنتك
انت النهارده اكيد بقه خلصت امتحان الشفوى وخدت الموبايل
الحمد لله على كل حال ياراجل
بركه اللى جرعت بالسلامه لبيتك وعيالك اللى ع المدونه مستنينك
بقلك يا كبير.....ابقى طمنى عملت ايه كده فى التوتال بتاع الإمتحان
فكرتنى بدكتور التشريح عندنا
الراجل ده بقه عبقرى
خد الموبايلز بتكتات
كل موبايل له رقم سرى
سريال نمبر يعنى
نصه مع العامل والنص التانى مع صاحبه
وفى السريع كده قام لفه فى ورق سلوفان وكعبره فى الباسكت
بعد امتحان العملى كله طلع
الدفعه كلها خدتهم فى نص ساعه
عباقره بقه
مش تقلى رن رن
ولا فوت علينا بكره
بس كده
تحياتى يا واد
ومبروك وعقبالى بعد بكره هبقى فرى
سلام

Che Ahmad said...

ساجي بعد التغيرات
وانا والله كمان بردان موت انا خلصت من امبارح وعاد الموبايل الحمد لله سالماً إلى أرض الوطن
والحمد لله الذي لا يحمد على مكروه سواه
والنبي ابقي ابعت الراجل المشرحاتي دا عندنا يدي دكاترتنا كورسات فى كيفية توزيع الموبايلز

ياللا تحياتي
تشي

marmar said...

هههههههههههههههههههههههههههه


يالهوى عالشماته يا احمد كلنا كنا فرحانين فيك حتى فهمى

معلش ردودى جت متاخرة بس مكنتش بخش عالنت كتير ومكنش بيكون ليا نفس اقرا كلام حد

بس بجد يا تشى انتم اتذليتوا عالموبايلات دى زى ما تطونوا كنتوا بتشحتوا منهم مش بتاخدوا حاجتكم

بس يلا الحمد لله ادى الامتحانات خلصت واديكو خددوا موبايلاتكم كمان

سلام

marmar

http://www.marmar-kanaria.blogspot.com/

Che Ahmad said...

ياااااااااااااا حلاوة
انتى جاية تشمتي هنا كمان مش كفايه الكلية
لولا انى هلعب فيفا دلوقتى كنت اتخذت اجراء اخر بس ماشي مسيركوا تقعوا تحت ايدي انتى ولا فهمي يا ............


تشي

a7mad said...

نفس اللي حصل معايا النهارد يا بوب
قال ايه عايزين يا خدوا الموبايلز
رحت مطلع بتاعي وقافله وحاطه عالديسك ادامي...واتخانقنا معاهم ومعرفوش يا خدوا مننا حاجة...
بس انا رحت زيارة قصيرة لمكتب العميد وخدت منه كلمتين كويسين....بس الحمدلله مرفدنيش...
بيس يا باشا ومبروك الاجازة عليك وعلينا...
ميدو شخبطة