عدنا

كان فاصل والآن نواصل

اجابات بالفرعوني

التاج اللى ف التدوينة قبل اللى فاتت المفروض اني اجاوب عليه
فيلم ذا بوكيت ليست شوفته من زمان من كام شهر كدا
وقعدت افكر ف السؤالين اللى انا كتبتهم دول وعملت منهم تاج
بعد الفيلم قعدت افكر ف السؤالين دول بالذات
هو انا لقيت البهجة ف حياتي ؟؟
قعدت افكر كتير وبعدين مش عارف
وقولت اكيد لآ ما لقيتهاش دي اصلا الحياة كئيبة ومخنقة والواحد مش طايقها
يمكن كان المود ساعتها رخم ومش تمام وكنت مخنوق م الاجازة او حاجة بس كان فعلا حاجات كتير مكنتش طايقها وكنت مضايق
بس دلوقتى بجد بفكر تاني هو انا لقيت البهجة ف حياتي
بفتكر زمايلي اللى هما بجد اقرب ليا من حاجات كتير ف الدنيا
الناس اللى بجد حطت علامات ف حياتي
اكيد انا لقيت البهجة وانا مبسوط معاهم
وانا فرحان وانا معاهم
حتي وانا مكتئب ولوحدي بردو مش بحسبها انها لا تنضم للبهجة
علي العكس بعتبرها جزء منها بل وبتديني قوة دافعه كمان وبتطلع من جوايا كلام كتير حلو انا بحبه
ايوة طبعا لقيت البهجة ف حياتي ف كل حاجة جوة بشوفها حواليا وف اصحابي اللى ربنا اداهوملي وف كل الناس اللى حواليا بيحبوني وبحبهم
السؤال التاني من ساعه ما شوفت الفيلم وانا بقول ايوة طبعا
اصل انا تكويني الداخلي ما بعرفش ابقي مبسوط وحواليا حد مش مبسوط وحاجات تانية كتير يعرفها القريبين مني
بس مينفعش اعيش من غير البهجة منتشرة ف الناس اللى حواليا لازم يبقوا مبتهجين علشان انا كمان اعرف اعيش
ولو مش مبسوطين بعمل جاهدا علشان اديهم الحب او البهجة او الحاجات اللى تخليهم مبسوطين
ما انكرش ان ساعات بفشل ف كدا
وساعات كمان بضايق ناس ويمكن احطهم ف مود وحش بس غالبا ما بيبقاش بقصد مني وبحاول اغير دا علي قد ما اقدر
يعني
دول اجاباتي ع التاج بتاعي اللى سؤاللين بس

تحياتي ..،
أنا

مهاجرا

رحـيـلاً رحـيـلاً بغيـر هـوادة

رحـيلاً فإن الـرحـيل سعـادة

عبادة

إرادة

سيادة

ولادة

رحـيـلا .. إلى أين لـيس يـهـم

ولـيس يـهـم بأي وسيـلة ..

أجيـراً بلقمـتـه في البـواخـر ..

عـلى واحـد من جيـاد القبيلة ..

على مقعـد في ذرى الجـو فـاخـر

وتمـلأ الكـأس بنت جمـيلة ..

على قدمي .. أو بفكري .. أهاجر

أبادر

أغادر

أخاطر

أسافر

ولـكـن إلى أيـن .. لـيس يـهـم

إلى حيث لا تعبـر الأفـق شمس

إلى القـطب .. أو حلقة الاستواء ..

إلى حـيث يـسمـع لـلجـن همس

إلى بـاطـن الأرض أو في الـفضـاء

إلى مـرفـأ الغـد .. أو أرض أمس

أرى كل شيء ومن أين جاء

وافعل ما قاله القدماء

من الفقراء

أو الحكماء

أو الأمراء

أو الأشقياء أو البلهاء فليس يهم

لقد قيل وهو الكلام المهم

اللي يعيش ياما يشوف

واللي يمشي يشوف اكتر

من قصيدة علي اسم مصر - عمنا صلاح جاهين

تاج فرعوني

التاج دا عبارة عن سؤالين
بس السؤالين متعلقين بالفراعنه القدماء
وهما من فيلم ذا بوكيت ليست واحد من اجمل الافلام اللى شوفتها فعلا
كلام كارتر في الفيلم هو التاج .... خلينا نبدأ

المصريون القدماء كان لديهم اعتقاد بهذا الخصوص
حين تصل ارواحهم إلي الجنه فالآلهه تسألهم سؤالين
إجابتهم تقرر إذا ما كانوا سيقبلون ام لا

السؤالين بقي هما التاج

(1)
هل وجدت البهجة في حياتك ؟؟
(2)
هل تسببت في منح البهجة للأخرين ؟؟

التاج لأي حد عايز يجاوب عليه
سواء عنده ف البلوج
او في رد عندي هنا لو يحب

محبتي

صفحة من كتالوجي أنا

لكل منا كاتلوجه الخاص ربما يتيحه للبعض يقرأه وربما استأثر به نفسه فأخفاه داخل نفسه عن العيون ومنا من اخفاه لكن عيون بعض المتلصصين ارتئت منه صفحات عده او ربما اخفاه فأبا المحيطون به إلا أن يضعوا هم له كتالوجا خاصاً إما لجهلهم بانه قد اخفي كتالوجه الشخصي او هم عالمون ويريدون اجباره علي إظهار كاتلوجه خاصته لهم بإيجاد اخر بديل مزيف واخرين أخفوه لكنهم يكشفون كل حين وأخر عن بعض صفحات منه عن طيب خاطر ... وأنا من هذا الصِنف الأخير .......
في تلك الصفحة المعنونة بـ " متي يجب ان تتجنبني " يمكنك أن تقرأ :
أسوء حالاتي هي تلك اللي اتقوقع داخل نفسي رافضا ان احدثك او ابدي اي رد فعل ... وربما في هذه اللحظة تحديدا عليك أن تتركني لحال سبيلي مبتعدا قدر الإمكان حتي أعود أنا إليك إن عدت .
عليك أيضا أن تتركني عندما تسمع مني " ماشي " بدلا من " حاضر " فـ " حاضر " الخاصة بي تعني رضا عن الاحداث المحيطة أما تلك الـ " ماشي" فليست تعبر إلا عن استيائي من شيء ما - أو شخص ما .
في تلك الصفحة أيضا يمكنك أن تقرأ :
أحذر كل الحذر أن تحاول أن تنتزع مني أعترافا ما في واحدة من تلك الحالات فلن تستطيع ابدا وليس ذلك كل شيء فـ أنت أيضا سوف تزيد همومي قليلا .
إذا رأيتني أمسك القلم وأكتب فلا ترغب ف التعرف علي مضمون ما أكتب فـ أنا ها هنا أبث همومي علي الورق فلا تقاطعني ... ربما جعلتك تري ما أكتب - فلست دائما قادرا علي إحراجك - لكن مرة اخري لتعرف انك في هذه الحالة تزيد همومي أيضا .
إن حاولت التخفيف عني ورفضت فلا تلح في ذلك فأنا - وإن كنت إنسانا لحوحا - فإنني أكره انى يتصيدني لحوحا أخر في مثل هذه اللحظات اللتي أنأى فيها بنفسي عن الجميع .
******
إضافة جديدة حديثا للصفحة :
تقلصت كثيرا قدرتي علي الحكي والفضفضة فـ عفوا لا تؤاخذوني علي هذا فهو - وربي - ليس بيدي ، واتركوني حتى آتي أنا بنفسي طالبا لحظات من اثمن اوقاتكم لأفرغ حكاياتي أمامك بلا أدني شعور بالذنب أو حتي بالندم .
هذه بعض تعليمات من إحدي الصفحات من كتالوجي أنا أفضيت بها إلي من قرأ بكامل إرادتي ورضاي
هذا وأخيراً

" ربنا لا تحملنا ما لا طاقة لنا به "

سائرا بسيف قلبي غمده

مش عارف مالى
مضايق جدا جدا ومخنوق اوي
حد يقولي ليه بستريح لما ببص للصورة دي
( غير انها من تصوير احمد بيك الصباغ )
بس

عفوا لقد نفذ رصيدكم 4 كلاكيت تاني مرة

من كام شهر ياسمين كان كاتبه عندها قصه ع البلوج بتاع ارض الاحزان
ياسمين واحدة من اروع الناس اللى قريتلهم ع النت وخاصة انها غالبا بتكتبي ف منطقتي المفضلة
القصة ياسمين كتبتها من زمان علي اربع اجزاء
قريت الاول والتاني والتالت والرابع
لما جيت للجزء الرابع احبطت وقولتلها مش دي النهاية المناسبة
قالتلي اكتب المناسبة
كتبتها وكنت المفروض انشرها وما نشرتهاش غير دلوقتى بقي
كل رقم فوق بيودي لجزء م الاجزاء والجزء الرابع لو شيلناه هنحط مكانه النهاية بتاعتي دي

**********
دي النهاية اللى انا كتبتها
................................................................................

اجتذبته رائحه الورود المميزة واعادت معها ذكريات ازمنة مضت
يا الله ... لم يغلق الجرح بعد
نظر حوله متجهما ورأي الساعي يدور ويدور
فى النهاية لم يقاوم فضوله نادي عليه بنظره المتفحص وإن لم تخف توتره
نظر للورد وعينيه بدأت فى العد
37 وردة تماما ... يبدو انها لم تنس العد ولم تنس رقمه المفضل بعد
يا الله ... لم الآن والذكري تنزوي ف جانب اسود بعيد من الذاكرة
اعادته الذكري شهورا للخلف
ضحكة واحدة مشرقه تخرج من قلبين صافيين
أكان قلبها حينئذ ينوي للهروب
أكان عقلها يفكر ف البعد
تقدمت به الذاكره قليلا وتذكر مجلسه مع صديقه
تذكر كيف اخبره صديقه بأنها " عملتلك Ignore "
لماذا تجاهلته وهو في امس الحاجة إليها
لماذا وهو لم يسيء إليها
لماذا وهو الذي فجر ينبوع مشاعر لا ينضب ولا ينهل من سواها
لماذا اتته الطعنة منها وهو اللذي كان يترقبها من الكل إلاها
لماذا هي دون كل البشر
لماذا هذا التوقيت
لماذا لم تقل انها لا تحبه
كانت ستكفيه ......
لكنها تركته علي حبل المشنقة
لا هي حررته ولا هي قضت عليه
تركته يتعذب بها ورحلت
افاق من ذكرياته علي رنته تليفونه
هذا رقمهها ما زال يتذكره رغم انه ازاله من قائمة الارقام ... لكن للعقل ذاكرة لم تنضب بعد
نظر للرقم وعاد للعقله يفكر
لم قد يعود إليها
ما تركت شيء في قلبه إلا واكله الجرح النازف ليضمد نفسه بنفسه
حتى وإن كانت الآن اصدق أهل الآرض
فليس بالصدق فقط نحيا
نحتاج الامان
وهو لن يأمنها ثانيه
لا علي قلبه ولا علي روحه ولا علي نفسه

نظر للرقم في حيرة ثم ترك الموبايل علي مكتبه
ونظر للساعي
عدل من نظارته فوق انفه
غريبة دي يا عم حسين ، كوباية قهوة سادة اسود من لون مكتبي كدا من فضلك

تمت

كلام

دا اللى انكتب مفروض يا عنقود العنب

منير

مشيناها خطىً كتبت علينا ... ومن كتبت عليه خطىً مشاها

عبد العزيز الدريني

تري مكتوبك في عينيك حين يملؤهما الحزن ... فأحذر انت تري نفسك ف المرآه حينها

انا

اللذة

عين اليقين الـــشك
عين الوجود الــعدم
عين الحياة المـوت
واللـذة عيـــن الألم

ماجد يوسف

الإنسان

بكيت حتى انتهت الدموع
صليت حتى ذابت الشموع
سألت عن محمد فيكِ وعن يسوع
يا قدس يا مدينة الأحزان
من ينقذ الإنسان من يوقف العدوان
حزينة حجارة الشوارع حزينة مآذن الجوامع
يا قدس إن الموت بيننا موزع فإن كل أطفال العرب
يرمون في مقبرة واحد
فبعضهم يدفن في الجنوب من لبنان
وبعضهم يرقد تحت هضبة الجولان
وبعضهم تأكله الأسماك في دجلة والفرات
وبعضهم محاصر في ليبيا بالجوع والأحزان
من ينقذ الإنسان؟ من؟ من؟ من؟
من يوقف العدوان؟ من؟ من؟ من؟

لطيفة - كاظم الساهر

كلمات : نزار قباني

العبقري ... زكي

شكرا أحمد فهمي ع لينك الفيديو

أقروا عند سوووو عن زكي

عمال بيضيق

دون الجرح ... فقط الأمل يندمل

حوار مع النفس

وسألت نفسي حائرًا .. أنا من أكون ؟!
مالي عشقت السير في طرق الظنون
فإذا جنوني صار بعض تعقلي
وإذا بأفكاري يغلفها الجنون
***
ما بال بعض الناس صاروا أبحرًا
يخفون تحت الحب حقد الحاقدين
يتقابلون بأذرع مفتوحة
والكره فيهم قد أطل من العيون
يا ليت بين يدي مرآة ترى
ما في قلوب الناس من أمر دفين
***
بيني وبين سعادتي بحر عميق
والناس حالوا بين قلبي والطريق
فلكم أعالجهم وبي سقم الضنا
ولكم أنجيهم وكنت أنا الغريق
يا رب إن ضاقت قلوب الناس عما فيا من خير
ف عفوك لا يضيق

أنا مضايق

عايز اكتب حاجات كتير اوي

واحشني النت والبلوج

وحشنني الناس كتير

فلبي واجعني اوييييييييييييييييييييييييييييييييييييييييي

وتعبان اويييييييييييييييييييييييييييييييييييييييييييي

*********************

يا ربي إن ضاقت قلوب الناس عما فيا من خير " أو شر " فعفوك لا يضيق

!!!

هو لو دخلنا جنينة الأسماك هنعرف نخرج
مش قصدي جنينة الاسماك بجد
قصدي كل حاجة بنلف حواليها كل يوم وكل ساعه وكل وقت
خايفين ندخل وما نخرجش !!!
مش لما ندخل نبقي نفكر نخرج ازاي
هو ليه بنفكر ف كل حاجة قبل اوانها
خوف ؟؟
خايفين من ايه
مش بنبقي عارفين
بس لو ما خوفناش يبقي مش بنحس
هو يعني ايه نحس
وليه المشاعر ما بتتمسكش
ولو مسكنها هنمنعها
هو احنا بنعرف نمنع نفسنا نفكر
هو اصلا التفكير زيه زي المشاعر
لاطبعا
لو كانوا زي بعض معرفش كان هيحصل ايه
معرفش اوصف لا التفكير ولا المشاعر بس هما مش زي بعض ع العموم يعني
ايه الكلام اللى ممكن نقوله واحنا بنص وعي
بعقلنا الباطن يعني
طيب هو في حد فينا من غير اسرار
طيب ليه عقلنا الباطن بيقول الاسرار رغم انه عارف انها اسرار
علشان غالبا بيكون نفسنا حد يعرف
طيب لما بيكون نفسنا حد يعرف مش بنقول للحد دا
يمكن بنخاف
طيب يعني لما بندخل ف حالة اللا وعي دي المشاعر بتروح
معتقدش دي بتبان اكتر
طيب ليه الخوف مش بيزيد
يمكن هو اصلا مش خوف
امال ايه ، حتى لو مش خوف هيبقي ايه
مش عارف بس ....!!
حتى لو مش خوف ، اي شعور بيمنعنا اننا نقول لو بيزيد يبقي مش هنقول بردو
بس بنقول
ليه
مش عارف !!!

رباط الجزمة !!

اكتر حاجة بتغاظ منها الطريقة اللى بتربط بيها جزمتك
الف مرة قولتلك ، حط رجليك ع الارض ، رجليك الاتنين
ووطي وأربط رباط الجزمة ، علشان تبقي ف النص ، ويعرفوا انك ابن ناس

جميل راتب-جنينة الاسماك

حاجة حلوة : بهاء طاهر

النهاردة وزى ما اتفقنا كل يوم بيساوي نفس رقم الشهر هنعمل بوست عن حاجة حلوة ف مصرنا
هنسيبنا بقي من كل السواد وكل الحاجات الوحشة
ايه ف مصرنا حلو
ها يا واد يا احمد
ايه حلو ف البلد
ما حد يفكر معايا يا جماعة
....................
................
............
........
....
..
.

بهــــــــــــــــــــــاء طاهر

قعدت كتير اوي بفكر ف حاجة حلوة ف مصر اي حاجة تعبت كتير اوي بس ف الاخر افتكرت العبقري بهاء طاهر واحد من اروع من قرأت لهم حتى الآن .
النهاردة مش جاي اتكلم عن بهاء طاهر سيته الذاتية او تاريخ حياته ، لكن من منطلق انى قارئ بيحب كتابات الراجل العظيم دا ، اول ما نزلت واحة الغروب كنت لسه بدأت اتعرف علي بهاء طاهر ، كانت علي طول طبعاتها بتنفذ اول بأول روحت بدور عليها مرة ملقيتهاش لكن لقيت نقطة النور لسه فاكر التاريخ جبتها يوم 5 ابريل وخلصتها يوم ستة ابريل 2008 كانت اول علاقتي ببهاء طاهر وظلت العلاقة حتى الان .
نقطة النور بالنسبة ليا هي اروع ما قرأت في حياتي ، وكانت المدخل الاروع لعلاقتي ببهاء طاهر كمية الحزن والروحانية ف الرواية رائعه للغاية وتناسب شخص حالم زيي كتير ، الرواية اللى فيها الناس بتغلط وبتداوي الغلط بالحب وابو خطوة الصالح اللى علي لسانه يُجري الكاتب ينابيع الحكمة .
رواية تدور حول ان الحب طريق الخلاص ، وان انتظار النور مش ف الظلام وحاجات تانية كتير ، الرواية كانت غذاء روحاني متكامل يملي الروح عن اخرها بالحب .
بعد كدا امتلكت واحة الغروب ، مش فاكر جبتها امتى وخلصتها امتي بس هي اكدت علي ان بهاء طاهر متي بدأته فـ سأنهيه الكتاب كان ممتع لأقصي درجة ، تقرا شوية عن واحدة م الشخصيات وبعدين يتركك الكاتب تموت فضول عن اللى هيحصلها وينتقل لمرحلة اخري ولما تندمج اوي ف التانية يعود بيك ليروي ظمأ فضول انتهي لكنه يولد من جديد وهكذا حتى الرواية ، اي عبقري دا اللى بينفذ إلي غياهب النفوس ويبحث فيها ويخرج من جواها ذنوبها وبياضها نقاءها وسوادها وحاجات كتير ، لبهاء طاهر قدرة غريبة علي سبر اغوار النفس البشرية لأبطاله بتخليني اتسائل هو ازاي بيعمل كدا ، لكني بعد قراءة واحة الغروب تعملت ان اكف عن التساؤل ما دام الكاتب بهاء طاهر واكتفي فقط بمتابعة الحكاية للنهاية .
بعد كدا وفي رحلة من رحلاتي المتكررة علي عمر بوك ستور اكملت رحلتي مع بهاء طاهر ، كتاب دار الهلال يحتوي علي الاعمال الاولي للكاتب ، وخالتي صفية والدير والحب ف المنفي منفصلتين حصلت عليهم مرة واحدة .
كانت بداية الترم وفرصة جيدة للقراءة ، بدأت بالحب ف المنفي ، ربما كانت الرواية الأولي اللى تنهمر فيها دموعي ، فـ لواحد زيي من مواليد تسعة وتمانين لم يعرف ابدا طوال حياته عن صبرا وشتيلا غير الاسم وفقط الاسم ، إلا ان ما فعله بهاء طاهر ادخلني وسط القتلي أبكاني كأني وسطهم يؤلمني فقدهم وانا واقف عاجز لا استطيع شيء ، ورمزية الموت وهل احنا مستعدين ليه و لا لأ وهل لما بقول باعلي صوتي يا رب اموت واستريح بيكون قصدي كدا ، غالبا لا كل واحد يفكر كدا لو هو بجد قصده كدا يروح يرمي نفسه علي اول عربية ع المحور .
بعد كدا جائت ضحي وقالت ضحي ، رواية اخدتني كتير وشغلتني كتير هو مين في ايه ويمكن عرفني كتير عن الفترة اللى بتدور فيها الاحداث ولكنه اكد لي بما لا يدع مجالا للشك ان هذا المبدع بهاء طاهر استاذ ارواح وانفس بيعرف ازاي يدخل جوا اوي ويشوف كل الاحاسيس والتعبيرات وكل حاجة لكن الاروع انه بيصيغها ليستطيع الهواة من أمثالى انهم يتعرفوا عليها ويستسيغوها بسهولة .
بقي الكثير من عالم بهاء طاهر لكن كفاية كدا دلوقتى
بهاء طاهر انت من اجمل الحاجات اللى عاصرتها ف مصر
ادام الله علينا نعيم قلمك